Estatuen arteko energia loturak bultzatzeko bilera gaur, Madrilen
Espainiako, Frantziako eta Portugalgo gobernuburuek eta Jean-Claude Juncker Europako Batzordeko presidenteak goi-bilera egingo dute gaur Madrilen, Iberiar penintsularen eta Europa erdialdeko herrialdeen arteko energia loturak bultzatzeko.
Gaurko bilera egiteko konpromisoa iaz hartu zuten, Europako Kontseiluaren baitan. Batzarraren helburua Europako Inbertsio Planaren finantziazioa lor dezaketen proiektu energetiko bateratuak aztertzea da; izan ere, Jean-Claude Juncker gidari duen Europako Batzordeak 315.000 milioi euro bideratuko ditu inbertsioetara.
Goi-bileran, Junckerrekin batera, Mariano Rajoy Espainiako Gobernuko presidentea, François Hollande Frantziako presidentea eta Pedro Passos Coelho Portugalgo lehen ministroa izango dira. Lau agintariak lotura hobetzeko "konpromiso zehatzak" lortzen ahaleginduko dira, duela aste batzuk Miguel Arias Cañete Europako Energia komisarioak aurreratu bezala.
Bileraren helburua energia loturei behin betiko bultzada ematea izango da, izan ere, Espainia eta Portugal bakartuta daude energiari dagokionez, aste honetan Europako Batzordeak egiaztatu duenez.
% 10 lortzeko helburua
Espainia eta Zipre dira, elektrizitatea ekoizteko duten gaitasuna kontuan hartuta, 2020rako % 10eko interkonexioa lortuko ez duten Europar Batasuneko herrialde bakarrak, Europar Batasunaren arabera. Hori dela eta, helburu hori lortzeko ahalegina egitea eskatu zuen.
Bestalde, Europako Batzordeak iragarri du "laguntza eta aholkularitza" emango dituela Europako diru-laguntzak jaso ditzaketen "proiektu berriak" bultzatzeko. Proiektu horien artean egon daitezke Frantzia eta Espainia arteko tarte hauek: Nafarroa-Bordele, Sabiñanigo-Marsillon eta Monzon-Cazaril.
Zure interesekoa izan daiteke
Zer inbertsio proposatzen ditu Aenak euskal aireportuetan?
Aireportuen kudeaketa Euskadira transferitzearen aurka agertu da konpainia, eta ia 13.000 milioi euroko inbertsio-plana iragarri du, tartean Loiu handitzea proposatzen dute eta Hondarribian eta Forondan hobekuntzak egitea.
Repsolek % 8,1 gehiago irabazi du 2025ean, 1.899 milioi eurora arte, eta igo egin du 2026ko dibidendua
Konpainiak ostegun honetan Balore Merkatuaren Batzorde Nazionalari (CNMV) jakinarazi dionez, emaitza garbi doitua, negozioen martxa espezifikoki neurtzen duena, % 15,1 jaitsi zen 2025ean, aurreko urtearekin alderatuta, 2.568 milioiraino.
Albiste izango dira: Lan erregulazio espedientea Maderas de Llodion, EUDELen batzar orokorra eta abisu horia haizeagatik eta olatuengatik
Gaurkoan Orain-en albiste izango direnen laburpena, bi hitzetan.
Maderas de Llodioko langileek erregulazio espedientea legez kanpokotzat jotzen duen epaia aztertuko dute gaur
Duela 150 egun baino gehiagotik greba mugagabean dauden langileek agerraldia egingo dute eguerdian. Orain, 35 kaleratuak berriro hartzea edo kalte-ordainak ematea erabaki beharko du.
KL katealegaiak lantegi inklusibo berri bat jarriko du martxan Arrasaten
KL katealegaiak ekoizpen lantegi berria izango denaren lehen harria jarri du Arrasaten. Ekonomia sozialeko enpresak egun Aretxabaleta eta Bergarako ekoizpen zentroetan egiten duen jarduera Arrasatera lekualdatuko du, eredu lehiakorrago, irisgarriago eta inklusibo baterantz aurrera egiteko.
Dozenaka gizarte eragilek bat egin dute martxoaren 17an gutxieneko soldata propioaren alde egingo den grebarekin
"Euskal Herrian gutxieneko soldata propioa izatea bertan lan egiten dugun eta bizi garen pertsona guztientzako onura dakarren aldarrikapena da", esan dute, Bilbon egin duten agerraldian.
Donostiako taxilariek ohartarazi dute Uberrek hiriarteko zerbitzua eman dezakeela soilik
Roberto Azofrak, Donostialdea Sociedad de Servicios elkartearen presidente eta Agitaxen lehendakariordeak, ikuskapenak egiteko eskatu die udal agintariei, jakinda Uber, legez kanpo, hiri barruan zerbitzuak eskaintzen ari dela.
Felipe Fernandez Aramburu, Uberrek Espainian duen zuzendaria: "Indarrean dagoen araudi guztia betetzen dugu"
Uberrek Espainian eta Portugalen duen zuzendari nagusiak adierazi du "oso pozik" daudela Gipuzkoako hiriburura iritsi direlako. Fernandezek nabarmendu du iaz 300.000 pertsona baino gehiago sartu zirela Uberren aplikazioan Donostian. Administrazio guztiekin lan egiteko prest agertu da, etorkizunera begira esparru juridiko argia ezarri ahal izateko.
Maderas de Llodion 35 langile kaleratzeko erregulazio espedientea legearen kontrakoa dela ebatzi du EAEko Justizia Auzitegiak
Garnica multinazionalak Laudioko (Araba) lantegiko 35 behargin kaleratu zituen urrian, hasiera batean 39 kaleratze aurreikusten zituen arren. Sindikatuek enplegua erregulatzeko espedientearen aurka jarritako demanda aintzat hartu du EAEko Justizia Auzitegi Nagusiak, partzialki bada ere.
Hainbat orduz konektibitaterik gabe izan dira 100.000 enpresa inguru Estatuan, Movistarren intzidentzia batengatik
Matxurak Movistar Enpresen zerbitzuei eragin die goizean goizetik, eta arazoak eragin ditu hainbat lurraldetan, besteak beste, Euskadin.