Pobreziak % 6,9 egin du gora 2016tik EAEn, eta % 46 azken hamarkadan
EAEko 130.965 herritar benetako pobrezia egoeran daude, 2016an baino % 6,9 gehiago, eta 2008an baino % 46 gehiago. Gainera, ongizate gabeziak 270.294 herritarri eragiten die, 2016an baino % 17,3 gehiagori.
Eusko Jaurlaritzaren Enplegu eta Gizarte Politiken Sailak egindako inkestaren emaitzetan daude datu horiek.
Nerea Kortajarena EH Bilduren legebiltzarkideak eman du txostenaren berri, eta kritikatu egin du ez izatea Beatriz Artolazabal sailburua azalpenak eman dituena.
Koalizioko legebiltzarkideak salatu du datuak ez direla onak, eta Iñigo Urkulluren Jaurlaritzaren gizarte politiken aurkako "osoko zuzenketa" direla.
Benetako pobrezia egoeran dauden 130.965 pertsonak EAEko biztanleriaren % 6,1 dira, eta ongizaterik ez dutenak, % 12,5. Pobreziaren gorakada % 6,9koa da 2016ko datuekin alderatuz gero, eta bereziki esanguratsua da hamarkada osoa (2008-2018) aintzat hartuta, % 46koa baita igoera.
Ongizaterik ez dutenen kasuan, kopuruak % 17,3 egin du gora 2016tik; eta % 62,1, 2008tik.
Horiekin batera, 172.307 pertsona (biztanleriaren % 8) daude pobre izateko arriskuan, 2016an baino % 14 gehiago, eta 2008an baino % 41,4 gehiago.
Kontrako aldean, elikadura arazo larriak (46.149) edo oso larriak (39.111) dituztenen kopuruak behera egin du, % 40tik gora hain zuzen ere. Hala ere, 25.674 pertsona bizi dira gosea pasa duten etxeetan, 2016an baino % 30 gutxiago, baina 2008an baino % 20,7 gehiago.
Ezusteko gastuei aurre egiteko gaitasunik ez duten herritarrak % 23,1 dira (2016an baino % 27,6 gehiago), eta % 20,1ek ezin du astebetetik gorako oporrik hartu arazo ekonomikoengatik (% 6,3ko igoera).
Benetako pobrezia egoeran dauden gehienak (% 44,7) seme-alabak dituzten bikoteak dira, % 29,4 guraso bakarreko familiak, % 19 norbanakoak, eta % 6,8 seme-alabarik gabeko bikoteak. Portzentaiak antzekoak dira ongizate faltari dagokionez.
Kortajarenak ohartarazi duenez, "datu guztiak 2000 baino lehenagoko egoerara itzuli dira", eta "modu gordinean" erakusten dute lan prekarietatea. Aitortu du emaitzak ez direla "ezustekoak", baieztatu egiten dutelako hobekuntza ekonomikoa ez dela "herritar guztiengana" iristen, eta berretsi du babes sozialaren euskal sistema erreformatu behar dela "eskubideak handituz".
Albiste gehiago ekonomia
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.