EAEko langabezia-tasa % 5,7ra jaitsi da bigarren hiruhilekoan, 13.200 langabe gutxiago zenbatuta
Eustaten kalkuluen arabera, 61 100 pertsona daude lanik gabe EAEn. Landunen kopuruak ere gora egin du (18.900 pertsona gehiago), eta 1.010.400era iritsi da.
2025eko bigarren hiruhilekoa % 5,7ko langabezia tasarekin itxi du Euskal Autonomia Erkidegoak (EAE), aurreko hiruhilekoan baino 13.200 langabe gutxiago zenbatuta, Eustat Euskal Estatistika Institutuak ostegun honetan zabaldutako datuen arabera.
Hori horrela, 61.100 pertsona daude lanik gabe Euskadin. Halaber, landunen kopuruak ere gora egin du (18.900 pertsona gehiago) bigarren hiruhilekoan, eta 1.010.400era iritsi da, pasa den maiatzean ezarritako markaren azpitik (1.029.149 afiliatu).
Aurreko hiruhilekoarekin alderatuta, gizonen langabezia tasa puntu eta erdi jaitsi da, %5,3raino, eta emakumeena, berriz, puntu bat jaitsi da, eta %6,1eraino. 16-24 urteko gazteen kasuan, langabezia tasa % 12,4an kokatu da, sei hamarren behera eginda.
Lurraldeka, eta azken hiruhilekoarekin alderatuta, 6.800 langabe gutxiago daude Bizkaian eta guztira 37.400 dira; hortaz, langabezia tasak % 6,7ra jaitsi da (% 1,3 gutxiago).
Gipuzkoan, guztira 14.600 langabe daude erregistratuta, eta langabezia tasa % 4,1ekoa da, 1,6 puntu behera eginda.
Arabari dagokionez, 9.100 langabe daude, 800 gutxiago, eta langabezia tasa %5,6an kokatu da.
Jarduera-tasari dagokionez, gora egin du hiru lurraldeetan, batez ere Araban (% 1,6) eta Bizkaian (% 1,3). Dena den, Gipuzkoa du okupazio-tasa altuena (% 73,6), eta ondoren daude Araba (% 72,7) eta Bizkaia (% 70,6).
Sektoreka, landunen kopuruak gora egin du zerbitzuen sektorean (% 1,9), industrian (% 1,7) eta eraikuntzan (% 3,3). Aitzitik, behera egin du lehen sektorean (% 3,2).
Zure interesekoa izan daiteke
2026an, zer garestituko da, zer merkatu?
Urtea hastearekin batera eguneratu dituzte hainbat produktu eta zerbitzuren prezioak. Zenbait salneurriren kasuan, hala nola elikagaiena edo etxebizitzena, zaila da aurreikuspenak egitea, baina beste batzuen gorabeherak jakinak dira. Honatx azken horien laburbilduma.
Elgoibarko eta Tolosako anbulantzia medikalizatuen zerbitzua publikoa izango da urtarrilaren 7tik aurrera
Gipuzkoako anbulantzietako langileek, orduan, aukera izango dute Osasun Sistema Publikoan subrogatuak izateko ordura arteko baldintza berberetan "dagozkien plazak EPE bidez egonkortu bitartean"; enpresan jarraitzeko aukera ere izango daute, baina beste lantoki batean.
ELA sindikatuak ohartarazi du 57 langile hil direla lan-istripuetan Hego Euskal Herrian 2025ean, horietatik 35 Nafarroan
Bestalde, LABek 74 hildakora igo du kopurua, atzerrian hildako euskal langileak kontuan hartuz. Nolanahi ere, lanarekin lotutako heriotzek beste gorakada bat izan dute aurten ere.
Albiste izango dira: Ayesaren erosketa gauzatzeko azken orduak, lehendakariaren urte amaierako mezua eta urtezahar eguna
Gaurkoan Orain-en albiste izango direnen laburpena, bi hitzetan.
Ayesaren erosketa ixteko azken orduak
Gaur amaituko da garai bateko Ibermatica erosteko ezarritako epea, eta Eusko Jaurlaritzak eta inplikatutako finantza-bazkideek espero dute hurrengo orduetan gauzatzea.
Langile bat hil da Laudion, lan-istripu ez-traumatiko batean
LABek ohartarazi du heriotza horiek presio, estres eta lanaldi luzeetan gertatzen direla, eta lan eskubideak bermatuko dituzten politikak eskatu ditu.
Donostiak 2026ko udal aurrekontua onartu du, eta ostegun honetan sartuko da indarrean
Kontuek etxebizitzan, garapen ekonomikoan, segurtasunean, garbiketan, hiri-mantentzean, garraio publikoan eta elkarteekiko harremanean jartzen dute arreta.
Anbulantzia-zerbitzua plantilla subrogatu gabe publifikatzea kritikatu du ELAk
ELAk jakinarazi duenez, Gipuzkoako Osasuneko Lurralde Ordezkaritzak erabaki du indarrean dagoen kontratua bertan behera uztea, eta, urtarrilaren 7tik aurrera, zuzenean bere gain hartzea Tolosako eta Elgoibarko anbulantzia medikalizatuen kudeaketa. Zerbitzu horrek 45 profesional enplegatzen ditu gaur egun, mediku, erizain eta garraio sanitarioko teknikarien artean, eta salatu dutenez, "gaur egun horien lana mehatxupean dago".
Tolosa eta Lezo etxebizitza-eremu tentsionatu izendatu dituzte
Eremu tentsionatu izendatzeak etxebizitza eskuratzen laguntzeko hainbat neurri zabaltzeko aukera ematen du. Azpimarragarriena da alokairuak Etxebizitza Ministerioak eremu bakoitzera egokitutako erreferentzia-indize baten arabera ezarritako prezio-tartearen arabera mugatzeko aukera. Hala ere, izendapena ez da ofizialki indarrean sartuko Estatuko Aldizkari Ofizialean argitaratu arte.
Ayesa erosteko akordioa gaur eta bihar artean ixtea espero du Eusko Jaurlaritzak
Mikel Jauregi Industria, Trantsizio Energetiko eta Jasangarritasun sailburuak baieztatu duenez, Vital operazioan parte hartzeko aukera aztertzen ari da, baina oraindik ez du erabakirik hartu. "Ordu erabakigarriak" direla azpimarratu du.