Europako Batzordeak 550 milioi euroko isuna jarri dio AliExpressi, legez kanpoko produktuak eta faltsifikazioak saltzeagatik
Gainera, Europako estandarrak betetzeko neurri zuzentzaileak hartzeko exijitu dio Europako Batzordeak merkataritza elektronikoko Txinako plataformari.
AliExpress merkataritza elektronikoko Txinako plataforma. Artxiboko argazkia: Europa Press
Europako Batzordeak 550 milioi euroko isuna jarri dio astelehen honetan AliExpress merkataritza elektronikoko Txinako plataformari, DSA Zerbitzu Digitalen Legea urratzeagatik. Zehazki, bere plataformaren bitartez legez kanpoko produktuak (faltsifikazioak edota segurtasun arauak betetzen ez dituztenak) saltzea eta hori eragozteko behar besteko kontrolak ez egitea leporatzen dio.
Merkataritza elektronikoko erraldoiak urriaren 20ra arteko epea izango du Europako estandarrak betetzeko neurri zuzentzaileak aurkezteko. Legea urratzen jarraitzen badu edo aurkeztutako plana nahikoa ez bada, isun handiagoa ezar diezaioke.
Europako Batzordeak Zerbitzu Digitalen Legea urratzeagatik inoiz jarri duen isunik handiena da. Bigarren eta hirugarren postuan ageri dira, berriz, Temu Txinako plataformari maiatzean ezarri zion 200 milioi euroko isuna (legez kanpoko produktuen salmentagatik) eta iazko abenduan X sareari ezarritako 120 milioi eurokoa (gardentasun faltagatik).
Zer egozten dio Bruselak AliExpressi?
Europako Batzordearen arabera, AliExpressek ez du plataforman salgai dauden legez kanpoko produktuak berrikusteko langile nahikorik eta bere sistema informatikoak ez du horrelako iragarkiak hautemateko gaitasuna.
Are gehiago, legez kanpoko produktuak antzemandakoan ere "hainbat astez" salgai egoten direla salatu du Bruselak, behin betiko plataformatik ezabatu aurretik.
Halaber, nabarmendu du legez kanpoko produktuak saltzen dituztenek "erraz" saihesten dituztela AliExpressek ezarritako kontrolak.
Bestalde, zehapen araudia behar bezala ez aplikatzea egotzi dio Europako Batzordeak Txinako plataformari. Azaldu duenez, araudia urratzeagatik zigortuak izan diren saltokiek plataforman ondasunak saltzen jarraitu dezakete.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.