Hodei Egiluzen agur-ekitaldia egingo dute gaur Anberesen
Anberesek agur-ekitaldia eskainiko dio gaur Hodei Egiluz gazte galdakaoztarrari. Joan den hilean aurkitu zuten Egiluzen gorpua Anberesko Eskalda ibaian, bi urtez haren bila ibili eta gero. Gaztearen gurasoek omenaldian izango direla baieztatu dute.
2013an ikusi zuten azkenengoz Egiluz, Anberesen, eta duela hiru aste, otsailaren 12an, Eskalda ibaian aurkitu zuten haren gorpua.
EAEk Bruselak duen ordezkaritzak jakitera eman duenez, Mas museoan egingo da agur-ekitaldia. Omenaldi xumea izango da, eta herritar guztiei zabalduta egongo da. Aurreratu dutenez, Galdakaoko gaztearen gertuko lagunek eta senideek hartuko dute parte agurrean.
Egiluzen familiak ohar baten bidez, eskerrak eman dizkie, berriro, azken bi urteotan bidelagun izan dituzten herritar guztiei. "Zaila da momentu hauetan bizitzen ari garen sufrimendua deskribatzea. Gure eskerrik beroena eman nahi diegu gure ondoan egon diren milaka pertsonei. Mila esker bihotz-bihotzez", dio oharrak.
Galdakaon, martxoaren 10ean
Galdakaok, berriz, martxoaren 10ean emango dio azken agurra Hodei Egiluzi, udaletxearen alboan egingo duten ekitaldi zibil baten bidez. Ekitaldia 20:00etan izango da eta ordu erdiko iraupena izango du, gutxi gorabehera.
Zure interesekoa izan daiteke
Gizon bat larri zauritu da Iruñeko Aranzadiko komentu abandonatuan, eskailera zulotik erorita
Iruñeko Udaltzaingoak ingurua hesitu du eta erorikoaren arrazoiak ikertzen ari da.
Ireki dute A-15 errepidea Iruñerako noranzkoan, kamioi baten matxuragatik itxita egon ostean
Villabonan kamioi batek matxura izan du, eta errepidea erabat itxi behar izan dute, kamioia erretiratu arte. Zirkulazioa N-I errepidetik bideratu dute.
Donostiako Ospitaleko sukaldean sartu gara: honela prestatzen dituzte otorduak
120 pertsona aritzen dira gosariak, bazkariak eta afariak eltze erraldoietan prestatzen, eta plater bakoitza pazientearen beharretara egokitzen dute. Sukalde bereizi bat dute alergiak eta intolerantziak dituzten gaixoentzat. Logeletatik bueltan datozen erretiluak hustu eta gero, dena garbitzen dute hurrengo otordurako.
Ehun ibilgailu baino gehiago identifikatu dituzte Buesa Arena ondoan hainbat pertsonak egindako hitzordu masibo batean
Guztira 23 ibilgailu salatu eta 124 pertsona identifikatu dituzte.
Surflari bat hil da Donibane Lohizuneko uretan
Ezbeharra atzo gertatu zen, lau metrotik gorako olatuak zeudenean. Beste surflari batzuk hari laguntzen saiatu ziren, baina itota hil zen.
Gizon bat atxilotu dute Sevillan, emaztea hiltzea egotzita
Hilotzak arma zuriz egindako indarkeria zantzuak zituen.
Talde kriminal bat desegin du Ertzaintzak, Oiartzungo eta Leaburuko etxebizitzetan lapurtzeagatik
Atxilotuak, 20, 23 eta 24 urtekoak, ertzain-etxean daude, epailearen esku uzteko zain.
Gizon bat atxilotu dute Gasteizen, giza hilketa saiakera egotzita, gizon bati puntzoi batekin eraso egin ondoren
Manuel Iradier kalean jazo da erasoa, inguruko taberna batean liskarra izan ostean. Zauritua, 33 urtekoa, Txagorritxuko Ospitalera eraman dute.
78 urteko gizon bat hil da Kasedan, traktore bat iraulita larri zauritu ostean
Ostiralean eraman zuten Nafarroako Unibertsitate Ospitalera, helikopteroz, larri, eta bertan ingresatu zuten, politraumatismo ugari zituela. Biharamunean hil da.
Belateko eta Almandozko tuneletako zirkulazioa berriro ireki dute iparraldeko noranzkoan
Zirkulazioa Iruñerako noranzkoan bakarrik ari dira desbideratzen, goizeko seietan kamioi batek su hartu ondoren.