Manifestazio isila Zorrotzan, hildakoen omenez eta irtenbideak eskatzeko
Zorrotzako herritarrek manifestazio isila egin dute gaur arratsaldean larunbateko sutean hildako lau lagunen omenez, eta Bilboko Udalari eskatu diote auzo horren utzikeriari irtenbidea emateko.
Milatik gora pertsona inguru elkartu dira xingola beltza soilik zuen pankarta zuri baten atzean, Zorrotzako bizilagunen elkarteek deituta, eta sutea izan zen eraikinean amaitu dute manifestazioa.
Han, manifestariek minutuko isilunea egin dute etxebizitzaren parean, eta txalo zaparradarekin eman diote amaiera.
Manifestazioan Bilboko Udaleko alderdi politikoetako ordezkariek ere parte hartu dute.
Zorrotzako koordinakundeak, eskoletako guraso elkarteak, merkatarienak eta bizilagunenak barne hartzen dituenak, prentsaurrekoa eman du goizean tragediaren inguruan iritzia plazaratzeko.
Gainera, gaur jakinarazi dute arratsaldean bilera izan dutela bizilagun elkarteek eta Udalak auzoarentzat irtenbideak bilatzeko. Udalak ez du horren inguruko informaziorik eman nahi izan, "barne bilera" izan delako.
Baina manifestazioaren amaieran, bizilagunen ordezkari batek esan du Juan Mari Aburto alkatea eta Alfonso Gil alkateordea izan direla beste zinegotzi batzuekin batera, eta auzoan egitekoak diren proiektuak bururaino eramateko konpromisoa berretsi omen diete.
Bozeramaileak "positibo" jo du batzarra, eta gaineratu du "puntu eta aparte" izan beharko litzatekeela tragedia errepika ez dadin.
Albiste gehiago gizartea
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Ostiralean Anoetan txirrindulari baten heriotzan inplikatutako autoko gidaria epailearen esku utzi dute
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Arrazismoaren aurkako kontzentrazioa Iruñean, Torre Pachecoko gertakariak gaitzesteko
Nafarroako arrazismoaren aurkako kolektiboek elkarretaratzea egin dute larunbat honetan Iruñeko Udaletxe plazan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte eguerdian UEMAk deituta
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.