Zirkulazio aldaketak Bilboko Herri Krosaren 31. edizioan
Azaroaren 18an 11:00etatik 12:30era egingo duten Herri Krosaren 31. edizioa dela eta, ibilgailuen zirkulazioan aldaketak egongo dira Bilboko erdiguneko zenbait kaletan.
Udaltzaingoak eta antolatzaileek garajeetarako eta zeharkako kaleetarako sarrera-irteerak bideratuko dituzte, ahal duten neurrian.
Zirkulazio aldaketak
Muntatze-lanak egin eta lasterketa igaro ahal izateko, Kale Nagusia itxita egongo da Mazarredo zumarkalearen eta Moyua plazaren artean 07:00etatik 15:00etara, gutxi gorabehera.
Era berean, parte-hartzaileak pasatzen diren bitartean, Kale Nagusia itxiko dute Jesusen Bihotza plazaren eta Maximo Agirre kalearen artean 11:00etatik 11:40ra, gutxi gorabehera.
Lasterketa martxan dagoen bitartean, 11:00etatik 12:30era, Mazarredo zumarkalea itxita egongo da Euskadi plazaren eta Henao kalearen artean. Tarte horretan, Salbeko zubirako eta Artxandako tuneletarako sarrerak ere itxiko dituzte.
Moyua plazaren eta Portuko Markesaren kalearen artean dauden garajeetara sartu eta horietatik zein Jado Plazako aparkalekutik irteteko, Moyua plazarako bidea hartu beharko da.
Azkenik, Autonomia kalean, Trenbide etorbidean, Sabino Arana etorbidean, Mazarredo zumarkalean (Ibañez de Bilbao kalearen eta Kale Nagusiaren artean) Deustuko zubian eta Agirre Lehendakariaren etorbidean lasterketak errei bakarra hartu arren, unean uneko zirkulazio-aldaketak egingo dira denbora osoan.
Garraio publikoa
Lasterketa dela eta, Bilbobuseko eta Bizkaibuseko hainbat lineatako ibilbideetan eta geralekuetan aldaketak egingo dira.
Alde batetik, Ibañez de Bilbao 14ko, Mazarredo kaleko 3ko eta Kale Nagusiko 36ko eta 37ko geralekuak kenduko dituzte.
Ondorioz, Bilbobuseko linea batzuk (01, 10, 28, 56, 62, 72, 77 eta A7) ez dira Kale Nagusiko 36an eta 37an geratuko, eta ibilbidea aldatuko dute 07:00etatik 15:00etara, gutxi gorabehera.
A5 eta 62 lineako autobusak ez dira geratuko Ibañez de Bilbao 14an eta Mazarredo 3an, 11:15etik 12:15era. Horien ordez, Plaza Biribilean/Kale Nagusian eta Kale Nagusiko 8an geratuko dira autobusak.
Bestetik, tranbiak unean uneko aldaketak izango ditu eta Agirre Lehendakariaren etorbideko bidegorria itxita egongo da Sarrikoko biribilgunearen eta San Pio X.aren plazaren artean.
Lasterketaren ibilbidea
10 kilometroko lasterketaren irteera eta helmuga Kale Nagusiko 25ean egongo dira, eta ibilbide hau izango du:
(Irteera) Kale Nagusia, 25 - Plaza Biribila - Buenos Aires - Udaletxea - Epaltzaren Alargunaren kalea - Areatza - Nafarroa - Plaza Biribila - Hurtado de Amezaga - Zabalburu plaza - Autonomia - Trenbide etorbidea - Sabino Arana - Jesusen Bihotza - Kale Nagusia - Maximo Aguirre - Museoko plaza - Deustuko zubia - Agirre Lehendakariaren etorbidea (ezkerreko erreia) - Sarrikoko biribilgunea (Bosco) (itzuli) - Agirre Lehendakariaren etorbidea (ezkerreko erreia) - Deustuko zubia - Mazarredo - Kale Nagusia, 25 (helmuga).
Zure interesekoa izan daiteke
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.
Euskal Autonomia Erkidegoa da Europako zientzia-funtsen bilketaren buru: 10 urtean 1.300 milioi bildu ditu
Espainiako Estatu osoan ere liderra da I+Gko inbertsioan, 2.000 milioi euro baino gehiagorekin, bere BPGaren % 2,35.
Xuhar Pazosen kasua berriro artxibatu du epaileak, ertzainen jokabidea "beharrezkoa eta neurrizkoa" izan zela argudiatuta
Villabonako gazteak begi bateko ikusmena galdu zuen, Ertzaintzaren foam jaurtigai batek jo ondoren, iaz Tolosako inauterietan izandako istiluetan. Epaileak iritzi dio agenteek protokoloa bete zutela, eta Pazosen lesioa "halabeharrezkoa" izan zela.
Bilboko 76. San Tomas Azokak 243 etxola eta 166 postu hartuko ditu, Areatzan
BBKk antolatuta, tradizioa, elkartasuna eta jasangarritasuna batuko ditu eta 100.000 pertsona inguru biltzea espero da, 09:00etatik 20:00etara. Aurten, 4.500 babarrun anoa banatuko dira Bizkaiko Sukaldarien Bilkura Fundazioaren (Bisubi) eskutik.
Gizon batek sexu-erasoa egin dio adingabe bati, kontaktu-aplikazio baten bidez hitzordua lortu ostean, Aian
Ertzaintzak goizaldean atxilotu du 25 urteko gizona, eta polizia-bulegoetara eraman dute.
Etxebizitza arloko Premiazko Neurrien Legearen aurkako protesta, Eusko Legebiltzarrean
Etxebizitza Sindikatu Sozialistak deituta, talde bat Eusko Legebiltzarraren aurrean bildu da Gasteizen, Etxebizitzaren arloko Premiazko Neurrien Legea gaitzesteko. Deitzaileen arabera, legeak "eraikuntza ziklo berri bat abiatzea du helburu", eta "proletarioei murrizketak eta jabedun aberatsei baliabide gehiago ekarriko dizkie".
Administrazioak azpikontratutako enpresei ezarritako hizkuntza-eskakizunak baliogabetu ditu Euskadiko Auzitegi Nagusiak
EAEko Justizia Auzitegi Nagusiak partzialki onartu du CCOO sindikatuak aurkeztutako helegite bat, eta bertan behera utzi ditu administrazio orokorrean eta atxikitako entitateetan hizkuntza erabiltzeari buruz Eusko Jaurlaritzak 2023an onartutako zenbait irizpide. Epaimahaiak argudiatu duenez, hizkuntza ofizial batek ezin du bestearen gaineko lehentasunik izan, eta azpikontratatutako langileei eta funtzionarioei ezin zaie hizkuntza-eskakizun bera eskatu.
Justizia Aranarentzat plataformak Ertzaintzaren "inpunitatea" salatu eta "protestarako eskubidea" aldarrikatu du
Iker Aranarentzat justizia aldarrikatzeko kontzentrazio bat egin du aipaturiko plataformak gaur goizean Bilboko epaitegien aurrean, ustez gaztea zauritu zuen ertzainak epaitegian deklaratzen zuen bitartean.
Mentxu Ramilo Araujo politologo eta aktibistak jasoko du 2025eko Emakunde saria, emakumeen ezagutza askeari eta ahalduntze digitalari egindako ekarpenagatik
Emakundek azpimarratu duenez, Ramilok emakumeak ikusaraztea lortu du WikiEmakumeok lankidetza-proiektua bultzatuz eta, epaimahaiak nabarmendu horren aktibismo feministak hezkuntza, ikusgarritasuna eta ekintza kolektiboa uztartzen dituela.
Bizkaiko Auzitegiak 5 urte eta erdiko zigorra ezarri dio DYAko presidente ohiari 2,9 milioi euro bidegabe eralgitzeagatik
Horren bazkideari 4 urte eta erdiko zigorra ezarri dio diruaz bidegabe jabetzeagatik. Auzitegiak frogatutzat jo du akusatuek "harrapatze-asmoz" jokatu zutela, modu bidegabean aberasteko GKEaren funtsak masiboki desbideratu zituen enpresa-triangelu baten bidez.