Gidarien arduragabekeriak gogorrago zigortzea onartu du Diputatuen Kongresuak
Gidarien arduragabekeriak gogorrago zigortzeko Zigor Kodearen erreforma onartu du gaur Diputatuen Kongresuak. Unidos Podemosek kontrako botoa eman du, eta EH Bildu abstenitu egin da. Horrela, aurrerantzean gehiegizko abiadura eta droga edo alkohol kontsumoa larrigarriak izango dira. Gainera, jokabideok eragindako lesioak berriro zigortuko ditu erreformak, eta delitu berri bat aitortuko du: istripuaren lekutik ihes egitea.
Ekimena bultzatu duten kolektiboen (istripuetako biktimak eta txirrindulariak) aldarrikapen nagusiak jaso dituzte. Biktimaren osasun fisiko edo mentalari kalte egiten dioten lesioak Zigor Kodearen “arduragabekeria larri txikien” artean sailkatzea nahi zuten.
Lesioak hiru eta hamabi hilabeteko isunekin zigortuko dituzte. Zigor Kodearen azken erreforman ezabatu zituen PPk 2015ean. Biktima eta txirrindularien hitzetan, ezbeharren % 90 dira.
Ez da zuhurtziagabekerien kalifikazioan egin den aldaketa bakarra. “Arduragabekeria larriak” hiru hipotesi hartuko ditu orain: gehiegizko abiaduragatik bide-segurtasunaren aurkako delitu bat egiten denean, drogen eraginpean egiten denean edo alkoholaren eraginpean.
Orain arte, arduragabekeria larria, larri txikia edo arina izan ote den epaileak erabakitzen zuen, gertakariaren inguruabarrak aztertuta. Araudi berriarekin, hiru hipotesietan ez da irakurketarako tokirik izango eta zuhurtziagabekeria larria izango da edozein kasutan. Zigorrak lau urtetik bederatzira pasako dira.
Bestalde, istripuaren lekutik ihes egitea delitu izango da Zigor Kodean. Ezbeharraren tokitik ihes egitea, gidariak arduragabekeriaren bat egin duenean, sei hilabete eta lau urte arteko espetxe-zigorrekin eta gidabaimena 1-4 urtez kenduta zigortuko dute. Hala ere, sorospen-eginbeharra ez betetzea “ustekabekoa” denean, zigorra sei hilabetera murriztuko da.
Zigor Kodea aldatzeko #Porunaleyjusta kanpaina hasi zuten istripuetako biktimen senitartekoak Diputatuen Kongresuko eztabaidan izan dira. Era berean, txirrindularien elkarteetako ordezkariak gonbidatuen tribunan egon dira, Perico Delgado txirrindulari ohia, besteak beste.
Zure interesekoa izan daiteke
Mentxu Ramilo Araujo politologo eta aktibistak jasoko du 2025eko Emakunde saria, emakumeen ezagutza askeari eta ahalduntze digitalari egindako ekarpenagatik
Emakundek azpimarratu duenez, Ramilok emakumeak ikusaraztea lortu du WikiEmakumeok lankidetza-proiektua bultzatuz eta, epaimahaiak nabarmendu horren aktibismo feministak hezkuntza, ikusgarritasuna eta ekintza kolektiboa uztartzen dituela.
Bizkaiko Auzitegiak 5 urte eta erdiko zigorra ezarri dio DYAko presidente ohiari 2,9 milioi euro bidegabe eralgitzeagatik
Horren bazkideari 4 urte eta erdiko zigorra ezarri dio diruaz bidegabe jabetzeagatik. Auzitegiak frogatutzat jo du akusatuek "harrapatze-asmoz" jokatu zutela, modu bidegabean aberasteko GKEaren funtsak masiboki desbideratu zituen enpresa-triangelu baten bidez.
Biriatuko ordainlekua itxi egingo dute gaurko 21:00etatik biharko 06:00etara
Itxiera egun pare bat atzeratu da eguraldiaren dela eta. AP-8tik Lapurdirako noranzkoan doazen ibilgailuak eta kamioiak Irunen atera beharko dira.
Europako morterorik zaharrena aurkitu dute Trebiñun
Martinarriko historiaurreko aztarnategiaren beheko mailatik berreskuratutako artefaktua da, ezkurrak prozesatzeko erabilia, Goi Pleistozenoaren amaieran datatua.
Adin txikiko bati Bilboko Areatzan egindako sexu-eraso bat ikertzen ari da Ertzaintza
Adin txikiko mutilaren tutoreek salaketa jarri zuten pasa den abenduaren 3an Bilboko ertzain-etxean, eta Ertzaintza ustezko erasotzailearen bila ari da.
8 kilometrorainoko auto-ilarak N-1 errepidean, Andoain parean, hainbat ibilgailuren arteko istripu baten ondorioz
Sei autok istripua izan dute, baina ez da inor zauritu. Ezkerreko erreia itxita dago, eta ilara luzeak sortu dira Irunerako noranzkoan.
Athleticzaleek festa-giroan egin dute San Mameserako bidea
Athletic eta Paris Saint-Germain taldeen arteko partida hasi baino lehen, zaleak bereizita iritsi dira San Mames estadiora, baina jai giroan. Athleticen zaleek egindako ibilbidean ez dira falta izan jokalari zuri-gorriak animatzeko oihuak eta abestiak.
Rene Cassin Sariak Francesca Albanese NBEko errelatoreak Palestinako biktimekin duen konpromisoa aitortu du
Albanesek ezin izan du saria aurrez aurre jaso, agenda arazoengatik, eta epaimahaikideek jaso dute aitortza haren izenean.
Legebiltzarrak Jaurlaritzari eskatu dio federazioekin lan egin dezala kirolarientzat “aseguru onuragarriagoak” aurkitzeko
PPk aseguruen kontrataziorako plataforma bat sortzea proposatu du. EH Bilduk, berriz, kiroleko osasun-arreta Osakidetzaren ardura izan dadila eskatu du. Bi proposamenak atzera bota dituzte.
Osakidetzak eta Osasunbideak maskara erabiltzea eta txertatzea gomendatzen dute, gripe kasuek gora egiten jarraitzen dutelako
Gripearen intzidentziari buruzko datuei begiratuta, aurreko urtekoa halako lau da aurtengo tasa Euskal Autonomia Erkidegoan: 438,87 kasu, 100.000 biztanleko. Nafarroan, azken astean 74 lagun erietxeratu dituzte, eta Osasunbideak 2025-2026 aldirako Neguko Kontingentzia Plana aktibatu du.