Trueba institutuko gurasoek ikasleak Milagrosa ikastetxera eramatea eskatu dute
Eraitsiko duten Barakaldoko Trueba institutuko ikasleen gurasoek bere seme-alabak Bilbora ez eramatea eta iaztik itxita dagoen Barakaldoko Milagrosa ikastetxean kokatzea eskatu dute.
Truebako ikasleak behin behinean Bilboko zentro batera aldatzea erabaki du Eusko Jaurlaritzaren Hezkuntza sailak, eraikinean "egiturazko gabeziak" aurkitu ostean. Institutua botatzea eta berri bat eraikitzea gomendatzen dute. Bigarren Hezkuntzako eta Batxilergoko 540 ikasleri eragiten die.
Ostiralean, ikasleek eta familiarrek Barakaldoko udaletxearen aurrean elkarretaratzea egin dute, "txaleko horiekin", Frantziar estatuko manifestarien antzera, itxieraren eta Bilbora eramatearen "inprobisazioa" salatzeko.
Bilera batean, familiarrek La Milagrosa ikastetxeko aukera mahaigaineratu diete Hezkuntza saileko ordezkariei.
Gurasoen batzarreko bozeramaileak, Javi Martinezek, azaldu duenez, "eraikinak huts larriak omen ditu, baina Eusko Jaurlaritzaren tekniko guztiak ez daude ados: batzuek erabili daitekeela esaten dute eta beste batzuek ezetz".
Edozein kasutan, ohartarazi dutenez, seme-alabak ez dira Bilboko zentro batera joango. “Irtenbide bakar hori inposatzen saiatzen dira. Esaten duten bakarra Bilbora joan behar garela da, halabeharrez, eta gu ez gaude ados”, esan du Martinezek.
Hezkuntza sailak ikasleak behin behinean Bilbora eramatea proposatu du, Barakaldoko Meatzeen eraikina prestatzen duten bitartean. Gabonen ostean bertara eramatea aurreikusten dute.
Familiak ez dira fidatzen, eta mobilizazioekin jarraituko dute ikasleak Barakaldon kokatu arte.
Zure interesekoa izan daiteke
Afrikako Kopako finala pasioz biziko dute Bilbon
San Frantzisko auzoan bizi diren senegaldarrak eta marokoarrak ilusioz gainezka daude igandeko partidaren zain. Ia guztiek dute planen bat pentsatuta. Baina, batez ere, giro bikainean bizitzea espero dute, oso ondo konpontzen diren bi zaletu-talde baitira.
Emakume bat zauritu da Bilbon, etxebizitza batean sua piztuta
Gertaera 19:15ak aldera jazo da, San Adrian kaleko etxebizitza batean. Zauritutako emakumea Gurutzetako Ospitalera eraman dute, garretatik ihesi leihotik salto egin ostean.
Scrapie foku bat antzeman dute Zestoako baserri batean
Entzefalopatia espongiforme transmitigarri (EET) gisa sailkatutako gaixotasuna da, eta ardiei eta ahuntzei eragiten die. Dermatosi nodular kutsakorra edo mingain urdina gisako gaixotasunetan ez bezala, Europako araudiak ez du eskatzen ustiategia guztiz sakrifikatzea kasu bakar baten aurrean.
Urriaren 29ko 21:05ean SOS Deiak-ek bazekien GOIDIak gutxienez 2 hildako utzi zituela Valentzian
Uholdeak hasi zirenean, emakume batek Zegamatik (Gipuzkoa) deitu zuen, Catarrojan zaintzaile lanetan ari zen bere lagun batek ezin izan zuelako bere ardurapean zuen adineko pertsona bat eskaileretatik igo, eta hura ito egin zela jakinarazi zuen.
Euskadik 64,3 organo emaile lortu zituen milioi biztanleko iaz, eta Nafarroak 88,2
Guztira, Euskadin hil ziren 144 herritarrek eta Nafarroan zendu ziren 60 lagunek eman zituzten organoak 2025ean.
Baserri baten teilatuaren zati bat kiskali da Bitorianon, Zuiako kontzejuan
Sute handi batek baserri bateko teilatua kiskali du ostiral honetan Bitorianon, Zuiako kontzejuko herri txiki batean, Araban. Kalteak izan dira eraikinaren goiko solairuan, 400 urte baino gehiago dituenak, suhiltzaileek azkar jardun duten arren. Garrek ke handia eragin dute, baina suak ez du inor zauritu.
AP-8 autobidea itxita egongo da gaur gauetik larunbat arratsaldera Mendaron, Bilborako noranzkoan
22:00etatik aurrera, 'bypass' bat jarriko dute, Bilborantz doazen ibilgailuak Behobiarako noranzkoko ezkerreko erreietik desbideratzeko.
Foru Berria Gizateriaren Ondare izendatzea eskatuko dute Bizkaiko Batzar Nagusiek eta Foru Aldundiak
Foru Berria onartu zenetik 500 urte betetzen diren honetan egingo dute eskaera. Bizkaiko Batzar Nagusiek 1526an onartu zuten eta urtebete geroago berretsi zuen Karlos I.a enperadoreak.
Otsoen erasoak nabarmen ugaritu dira Karrantzan
Karrantzako (Bizkaia) herritarrak oso kezkatuta daude azken asteotan nabarmen ugaritu baitira otsoek inguruan eragindako erasoak. Ildo horretatik, Kantabrian, otso batek, gutxienez, berriki zauritutako asto bat erakusten dituzten irudiak jaso ditu EITBk. Halaber, Karrantzarekin mugan dagoen Ramales de la Victoria udalerrian (Kantabria) otso bat grabatu dute, Ancillo mendian. Animalia horiek kalte handiak eragin dizkiete inguruko abeltzainei aspaldidanik; izan ere, dozenaka ardi, moxal eta zekor hil edo zauritu dituzte han. Aspaldiko gertaerei, azken aste hauetako erasoak gehitu behar zaizkie. Gertaera horiek eztabaida sortu dute animalien aldeko taldeen eta abeltzainen artean, batzuek otsoa espezie mehatxatuen euskal zerrendan gehitzea eskatzen dutelako, besteek eraso horiei aurre egiteko neurri zehatzak eskatzen dituzten bitartean.
Gipuzkoako adinekoen egoitza publikoetako garbitzaileek euskararen hizkuntza-eskakizunik ez dutela behar ebatzi du epaitegi batek
Euskadiko CCOOk ohar batean azaldu duenez, hautagaiek "hamarkadak zeramatzaten egoitzetan lanean, aldi baterako kontratuekin eta lan ordutegiaren barruan euskara ikasteko aukerarik gabe, bitarteko langileak zirelako". Sindikatuarentzat "hizkuntza eta lan eskubideak guztiz bateragarriak dira proportzionaltasun soziolinguistikoak errespetatuz".