Ehunka lasterkarik Laura Luelmo izan dute gogoan, Gasteizen eta Donostian
Ehunka lasterkarik, gehienak emakumeak, Laura Luelmo gaztea izan dute gogoan Donostian eta Gasteizen. Gainera, erasoak jasateko beldurrik gabe, emakumeek korrika egiteko askatasuna izatea aldarrikatu dute korrikalariek, besteak beste, Huelvan hildako irakasleak jasandako erasoa "erabat gaitzetsiz".
Aipatutako lehen hitzordua Gipuzkoako hiriburuan izan dute lasterkariek. Han, ehunka lagun bildu dira 10:00etatik aurrera egin duten korrikaldian. Jon Prada gazte donostiarrak deitu zuen, sare sozialen bidez, gaurko lasterketa.
Ildo horretan, Pradak aldarrikatu du emakumeek "ikararik gabe eta aske" ibiltzeko eskubidea izan behar dutela, eta minutu bateko isilunea egitera gonbidatu ditu parte-hartzaileak "Lauraren eta desparekotasuna pairatzen duten emakumeen" alde.
Ondoren, bi ibilbide ezberdin egin dituzte korrikalariek: batzuek 4 kilometroko korrikaldia, eta besteek 8,1 kilometrokoa.
Ordubete geroago, Gasteizko Prado parkean berrehun bat lagun batu dira, gehienak emakumeak, E-tri triatloi taldeak egindako deialdiarekin bat eginez.
"Igande hau berezia izatea nahi dugu", adierazi dute ekimen horren bultzatzaileek. "Igande honetan bihotzarekin egingo dugu korrika, eta arrazoi baten alde: ezta bat gutxiago ere", esan dute.
Ruth Brito Arabako hiriburuan bizi den triatleta kanariarrak Lauraren omenezko poema bat irakurri du, gainerako parte-hartzaileek, eskuak oratuta, biribil handi bat sortu duten bitartean.
Minutu bateko isilunearen ondotik, lasterkariek bi buelta eman dizkiote parkeari, eta horietako batzuek korrika jarraitu dute "Ezta bat gutxiago ere" lelopean.
Zure interesekoa izan daiteke
Pertsona bat hil da Tuteran, bizi zen furgonetan piztutako sutean
Pertsona bat hil da igande honetan Tuteran, etxebizitza gisa erabiltzen zuen furgonetan piztutako sutean, Foruzaingoak jakitera eman duenez.
Gizon batek 13 urteko mutil bat hil du Suecan, Poliziari aitortu dionez
48 urteko gizonezkoak, biktimaren lagunetako baten aitak, bere burua entregatu du Valentziako Guardia Zibilaren kuartelean.
Edukiontzi batzuetan piztutako suak bi ibilgailu kiskali ditu Gasteizen
Sutea gaur goizean piztu da Sofia Erregina etorbidean, eta ikerketa ireki dute sua nola piztu den argitzeko.
N-634 errepidea itxita egongo da Zumaia eta Getaria artean denboralea baretu arte
Itsasaldeko arriskuagatik jarritako abisuak astelehen honetako goizeko seiak arte egongo dira indarrean.
Ehunka pertsona elkartu dira Baionan, Seaskak hizkuntza eskubideen alde antolatutako manifestazioan
Seaska, Ipar Euskal Herriko ikastolen federazioa, Baionako karriketara atera da berriz ere, Baxoa azterketa euskaraz egiteko eskubidea aldarrikatzeko. Elkarteak salatu du Frantziako Hezkuntza Ministerioak ez duela eman hizkuntza eskubideak bermatzeko aurrerapausorik.
Maialen Rodriguezen kartelak iragarriko ditu aurtengo Tolosako inauteriak
Karnabalak ate joka ditugun honetan, Tolosako inauterien kartela aurkeztu dute gaur. Hirurogei lan aurkeztu dituzte lehiaketara, eta Maialen Rodriguez tolosarraren lana izan da irabazlea. Era berean, Ostegun Gizenean inauteriei hasiera emango dien txupinazoa Pintxana Txarangak jaurtiko duela ere eman dute jakitera.
Espezialitate medikorako milaka hautagaik beren etorkizun profesionalerako giltzarri diren azterketak egin dituzte
Espezialitateko plaza bat lortu nahi duten milaka ikaslek beren etorkizun profesionalerako giltzarri diren azterketak egin dituzte gaur. Medikuntzan ez ezik, Farmazian, Erizaintzan, Psikologian, Kimikan, Biologian eta Fisikan ere banatuko dira plazak.
5.635 emakumek erasoak jasan zituzten iaz Euskadin, horietatik % 67k bikotekideak eraginda
Araban, 953 emakumek jasan zuten indarkeria; Bizkaian, berriz, 2.885ek, eta Gipuzkoan, 1.797k. Horrek esan nahi du 2024ko datu ia berdinak izan zirela iaz, 5.634 biktima zenbatu baitzituzten orduan (iaz baino bat gutxiago).
Istripua gertatu eta "segituan" izan zuen horren berri Renfek, eta hala jakinarazi zien larrialdi zerbitzuei ere
Ezbeharra jazo osteko deien erregistroa kaleratu du trenbide-operadoreak. Lehen telefono deia 19:46an izan zen, talka gertatu eta minutu gutxira, eta Alvia trenaren ikuskatzaileak "istripu handi bat" izan zela jakinarazi zuen.
ArcelorMittalek Adamuzeko istripuaren azken txostenaren zain egoteko eskatu du, eta laguntzeko prest agertu da
Istripuaren hipotesietako bat hautsi zen trenbideko erreiak fabrikazio akats bat izatea dela esan zuen ostiralean Oscar Puente ministroak, eta, beraz, eta laborategiek zer esaten duten zain dauden bitartean, instalatutako lote guztiak berrikusteko eskatu du Garraio ministroak.