Suizidioaren inguruko mitoak hausteko beharra nabarmendu du Artolazabal sailburuak
Beatriz Artolazabal Eusko Jaurlaritzako Enplegu eta Gizarte Politikako sailburua suizidioaren inguruko "mito handiak" apurtzeko beharraz mintzatu da. Uste okerren artean bi nabarmendu ditu: batetik, suizidatu egingo dela ohartarazten duenak ingurukoen arreta piztu nahi duela; bestetik, suizidioen inguruko informazioa emateak "domino efektua" eragiten duela.
"Suizidatu egingo dela ohartarazten duenak norbaiten arreta erakarri nahi badu, zerbait gertatzen zaiolako da. Zenbaitek beren asmoa (suizidioa) gauzatzen dute aurretik horretarako nahia agertu ostean", adierazi du. Gaineratu duenez, ez da egia suizidio kasuen inguruan hitz egiteak domino efektua eragingo lukeenik.
ASAFES Buruko Gaixotasuna duten Pertsonen eta Senideen Arabako Elkarteak antolatuta, "Isiltasunaren tabuak hautsiz" mintegia egiten ari dira ostiral honetan, eta Artolazabal sailburuak parte hartu du bertan, Eusko Jaurlaritzak ohar bidez jakinarazi duenez.
Sailburuaren hitzetan, garrantzitsua da hedabideek suizidioa nola jorratu behar duten definitzea, "ahal den neurrian prebenitzeko". Ildo horretan, suizidioa "sentsazionalismoan erori gabe eta zehaztasunez" jorratzea eskatu du. Horren esanetan, gaur egun Kazetaritzako fakultateetan suizidioari erreferentziarik ez egitea aholkatzen bada ere, "suizidioaz hitz egin behar da", osasun eta gizarte arreta arloetan "lehentasunezko gaia" delako.
Artolazabalek azpimarratu duenez, suizidatzen diren pertsonen kopurua trafiko istripuz hildakoena baino askoz ere handiagoa da. Suizidioekin gertatzen ez den bezala, trafiko istripuei buruzko kontzientziazio eta informazio kanpainak egiten dira.
Arazo sozial horri aurre egiteko beharrezkoak diren baliabideak bideratu behar direla uste du Artolazabalek.
Arrisku faktoreak
Bestalde, arrisku faktoreak ere izan ditu hizpide: arazo ekonomikoak, desegituratutako familiak, langabezia edota etxegabetzeak. "Horiek guztiak etsipenaren eta depresioaren haztegi dira, batzuetan suizidioa eragin dezaketenak", azaldu du.
Eusko Jaurlaritzak aste honetan bertan aurkeztu du Suizidioa Prebenitzeko Estrategia, eta, Artolazabalen iritziz, "beharrezkoa eta anbizio handikoa da".
Albiste gehiago gizartea
Loiutik abiatu dira aurtengo Euskadiko Gazteak Lankidetzan programan parte hartuko duten boluntarioak
Hainbat euskal GKE-k Bolivia, Kolonbia, Ekuador, Guatemala, Honduras, Mexiko, Peru, Ginea eta Senegalen dituzten proiektuetan parte hartuko dute. Euskadiko Gazteak Lankidetzan programak 31 urte bete ditu eta ekimenetik 2.500 gazte baino gehiago igaro dira.
Mingain urdinaren foku aktibo bat atzeman dute Arrasaten
Hala ere, gizakiok ez dugu mingain urdinaz kutsatzeko arriskurik, ez animaliekin kontaktuan egonda, ezta haragia janda ere.
Baionak igande honetan agurtuko ditu bestak, jendetza bildu ondoren
Baionako bestak ohi baino bi aste lehenago hasi ziren asteazken gauean, Udaletxeko balkoitik giltzak jaurtiz, bost gau eta lau eguneko parrandari bide emanez.
Ikusi berriz uztailaren 13ko entzierroa
2025eko sanferminetako uztailaren 13ko entzierroa, Orainen.
Entzierro jendetsu eta azkarra, La Palmosillarena, une arriskutsuekin
La Palmosilla ganadutegiko zezenek entzierro azkarra eta arriskutsua egin dute uztailaren 13 honetan, sanferminetako azken-aurreko entzierroan. Orain arte zabaldutako partearen arabera, sei korrikalari zauritu dira: hiruk adarkada jaso dute (hanka batean batek, bizkarrean bigarrenak eta genitaletan azkenak), eta beste batek zauria zuen lepoan. Igandea izaki, lasterketa jendetsua izan da, eta, ondorioz, oso leku gutxi egon da korrikaldietarako, eta zezenek lasterkari asko harrapatu dituzte leku gorabeheratsuenetan, Santo Domingon, Mercaderes eta Estafeta arteko bihurgunean eta zezen-plazaren sarreran. Hala ere, bi minutu eta erditik beherako denborarekin egin dute ibilbidea. Zaurituak Nafarroako Unibertsitate Ospitalera eraman dituzte. Horietako hiruk adarkada bana zuten. Bik Santo Domingoko tartean jaso dute adarkada (batek ezkerreko hankan, beste batek perineoan), eta hirugarrenak Mercaderesen (gerrialdean). Beste batek azaleko zauri bat zuen lepoan. Puçol (Valentzia) herriko 27 urteko gizon batek jaso du adarkada hanka batean, eta pronostiko erreserbatua du. Mercaderesen, ezkerreko saihetsetan adarkada bat jaso du San Sebastian de los Reyes (Madril) herriko 22 urteko mutil batek, eta horrek ere pronostiko erreserbatua du. Atarrabiako (Nafarroa) 31 urteko gizon batek eskrotoan jaso du adarkada, eta laugarren adarkatua Olaberriko (Gipuzkoa) 19 urteko mutil bat da, lepoan zauri arina zuena. Bi zaurituk kolpeak jaso dituzte Telefonicako tartean, batek toraxean eta besteak beso batean.
Melgosa: "Gure gazteen harrobia zaindu ez ezik, ordaindu ere egin behar zaio"
Gazteen talentuari buruz mintzatu da Nerea Melgosa Ongizate, Gazteria eta Kirol sailburua, Radio Euskadin egindako elkarrizketan. "Gure gazteriaren hezkuntzan egindako inbertsioak Euskadin geratu behar du, soldata duinak ordainduta", aldarrikatu du.
Elkarretaratzea gaur Iruñean, sanferminetako eraso sexistak gaitzesteko
Protesta 21:00etan izango da, Gazteluko plazan. Udaltzaingoa, Iruñeko etxebizitza partikular batean izan den intentsitate handiko sexu-eraso bat ikertzen ari da.
Foix ibaian desagertutako bi pertsonaren bila ari dira Cubelles parean
Foixko urtegia husteak bat-bateko ur-goraldia eragin du, uhateak ireki baitituzte euri-jasek utzitako ur guztia biltzeko lekua izan dadin.
Giro nahasia izango da datozen egunetan, baina, abisurik gabe jada
Euri-zaparrada trumoitsuen arriskuagatik indarrean izan dira abisuak 15:00etatik 21:00etara, baina ez du bezperan bezainbeste bota. Nafarroan egin du larunbat honetan euri gehien; ostiraletik larunbaterako gauean baino dezente gutxiago, hala ere.
"Mugak Zabalduz" karabana abiatu da Irundik, migranteen errealitatea ikusarazi eta Europako migrazio politikak salatzeko
Irungo Etorbideko zubian omenaldi berezia egin diete Bidasoa gurutzatzen bizia galdu dutenei. Hurrengo geldialdiak Baionan eta Uztaritzen egingo dituzte, eta ondoren Paris, Dunquerke edota Toulouse zeharkatuko dituzte datozen asteetan.