Semaforoak itzali dira Merindadeen plazan matxura baten ondorioz
Udaltzaingoak adierazi duenez, goizeko bederatzietan Iruñeko Merindadeen plazako semaforoek funtzionatzeari utzi diote sare elektrikoko matxura baten ondorioz. Erdiguneko zati handi bat argirik gabe eta semaforoak itzalita egon da zenbait orduz.
Udaltzaingoa ardura da plazako ibilgailuen eta oinezkoen joan-etorria bideratzeaz.
Albiste gehiago gizartea
Gizarte langile bati eraso egin diote Bizkaiko Aldundiaren zaintzapeko zentro batean, Bilbon
Langilea Gurutzetako Ospitalera eraman dute, lepoan labana batekin egindako zauriak zituela. Bizkaiko Foru Aldundiak kudeatzen duen etxebizitza horretan bizi den adingabeetako bat atxilotu du Ertzaintzak, erasoarekin lotuta.
Errenteriako familia bat etxegabetuko dute, ama identifikatzean akatsa egin dutelako
Donostiako epaile batek ez du onartu familia zaurgarritasun egoeran dagoela; izan ere, nahastu duten emakumeak Euskaditik kanpo hiru jabetza omen ditu.
Labezomorroen izurritea dute Barakaldon
Uda iristearekin batera labezomorroak itzuli dira. Udalak garbiketa- eta desinfekzio-lanak egin ditu hainbat gune publikotan, estoldetan eta ezkaratz batzuetan, batik bat, Gurutzetan. Eta, guk? Zer egin dezakegu etxean?
Mildiu onddoak gogor kolpatu ditu Arabako Errioxako mahastiak, eta hurrengo mahats-bilketa mehatxatzen du
Aurtengo hezetasun handiak, lainoek eta landaretza zabaltzeak mildiua agertzea bultzatu dute. Are, faktore horiek guztiek onddoa suspertu eta zabalarazi dute, eta ia eskualde osoan hedatu da, bigarren fasean hedatu ere.
Delitu eta larrialdi gutxiago izan dira sanferminen lehen erdian
Sexu-erasoen kopurua % 62 jaitsi da; salaketak, berriz, % 26. Lapurretak izan dira, batik bat.
Zartako eta Radiocrimen taldeek euren baxu-jotzailea kanporatu dute, indarkeria matxistagatik
Instagram sare sozialeko Denuncias Euskal Herria kontuan hainbat erabiltzailek salatu dute musikariak bikotekideei tratu txar fisikoak zein psikologikoak ematen zizkiela.
Hilik aurkitu dute asteartean Gorbeian galdutako mendizalea
Bilaketa lanak uste baino gehiago luzatu dira, ez baitzen baimenik eman desagertuaren telefono mugikorra geolokalizatzeko.
San Fermin jaien erdira iritsita, orain artekoa modu positiboan baloratu du Iruñeko alkateak
Joseba Asiron Iruñeko alkatearen arabera, momentuz "bide onetik" doaz festak eta asteburuari begira ere horrela jarraitzea espero du. Euskadi Irratian egin dioten elkarrizketan azaldu duenez, gaur-gaurkoz ez da sexu eraso larririk gertatu, baina bai, ordea, ekidin beharko liratekeen ukituak.
Ikusi berriz uztailaren 10eko entzierroa
2025eko sanferminetako uztailaren 10eko entzierroa, Orainen.
Entzierro garbia eta azkarra, Victoriano del Rio ganadutegiaren eskutik
Zezenek 2 minutu eta 19 segundo behar izan dituzte bidea egiteko. Lehen balantzearen arabera, zazpi pertsona ospitaleratu behar izan dituzte, kolpeak hartuta.