Prostituitzera behartzen zituzten lau emakume askatu dituzte Barakaldon
Espainiako Poliziak hiru pertsona atxilotu eta prostituitzera behartzen zituzten lau emakume askatu ditu Barakaldoko etxebizitza batean. Biktimak biluzik edo arropa gutxirekin ageri ziren argazkiak zabaltzen zituzten gaizkileek Internet bidez, sexu-zerbitzuak eskainiz.
Hitzorduetarako erabiltzen zuten etxebizitzan egindako miaketan, telefono mugikor bat, 4.345 euro eskudirutan eta dokumentazioa atzeman dituzte, Espainiako Poliziak astelehen honetan jakitera eman duenez.
Zehazki, bi emakumek eta gizon batek osatzen zuten gaizkile taldea. Behar ekonomiko handiak zituzten emakume gazteak erakartzen zituzten, eta, Espainian, zerbitzari gisa lana eskaintzen zieten. Ildo horretatik, bizitza hobea hitzematen zieten Erromara edo Parisera zihoazen hegazkin-txartelak erosiz, eta bidaiaren gastu guztiak ordaintzen zizkietela esaten zieten.
Ondoren, baina, beste hegaldi bat hartzen zuten Bilboraino, eta erakunde kriminaleko kide batek hartzen zituen bertan. Emakumeak Barakaldoko edo Caneteko (Frantzia) etxeetara eramaten zituzten, benetan egin behar zuten lanaren eta betebeharren berri emateko.
Gaizkileek biktimen gaineko erabateko kontrola zuten, eta inoiz ez zieten agindutako dirua ordaintzen. Senideei diru-kopuru txikiak bidaltzen zizkieten, eta geratzen zitzaien dirua janaria eta oinarrizko produktuak erosteko erabiltzen zuten.
Biktimek zuten betebeharretako bat biluzik edo arropa gutxirekin argazkiak ateratzea zen, gaizkile taldeko arduradunak emandako argibideen arabera, Interneteko iragarkien bidez sexu-zerbitzuak eskaintzeko. Horretarako, telefono mugikor bat ematen zieten, bezeroen deiei erantzuteko, eguneko edozein ordutan.
Testuinguru horretan, sexu-esplotazioarekin lotutako gizakien salerosketa leporatu diete atxilotuei.
Albiste gehiago gizartea
Kobetamendiko karabana eta autokarabanen gunea martxan izango da igandetik aurrera, Bilbao BBK Live jaialdia amaitu ostean
Udalak instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hemendik aurrera Bilbao Caravan Park izena izango du. Azpiegitura nagusi berri bat sortu da eta instalazio zaharra eraldatu da.
Espetxera bidali du epaileak Anoetan txirrindulari bat harrapatu eta hiltzea leporatuta atxilotutako gidaria
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Bilboko Konpartsek jai giroan abiatu dute Aste Nagusirako atzerako kontaketa
Urtero bezala, hainbat ekitaldi antolatu dituzte, konpartsa guztietako kideei eta bilbotarrei zabalik, konpartsakidetzera animatu daitezen, Aste Nagusia eta gainerako jaiak bizitzeko oso modu berezia baita. Bilboko Aste Nagusiari hasiera emateko hilabete eskas geratzen dela gogorarazi dute Bilboko Konpartsek, adiskide arteko giroan, Konpartsakide Egun honetan.
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Euskal Herria, arrazakeriaren aurrean, erantzun antolatua
Nafarroako eta Bizkaiko arrazismoaren aurkako kolektiboek elkarretaratzeak egin dituzte larunbat honetan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte ehun bat herritan eguerdian
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.