Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
Alice goi-geruzetako depresio isolatuak hainbat gorabehera eragin ditu errepideetan. Argazkia: EFE
Alice goi-geruzetako depresio isolatuak (GOIDI) eragindako euriteek metro koadroko 120 litro utzi dituzte ordubetean Cartagenako kostaldean, eta 67 pertsona ebakuatu dituzte Murtziako Eskualdean. Dena dela, ez da gorabehera larririk izan, abisu gorria indarrean egon arren.
Testuinguru horretan, alerta maila gorena ezarri dute ostiralean, ordubetean metro koadroko 60 litro biltzeko aukera baitzegoen Mazarronen eta Cartagenan, eta maila laranja Segurako ibarrean eta Guadalentingoan, baita Lorcan eta Aguilasen ere.
Euriteek eragindako ur-pilaketa handienak Benipilako (Cartagena) euri-bidean bildu dituzte; izan ere, metro koadroko 73,4 litro pilatu dira azken 24 orduetan, eta 34,8 litro jaso dituzte ordu bakarrean.
Cartagena hirian ere prezipitazio handiak izan dira, metro koadroko 53,6 litro ordubetean, eta San Javierren 36,3 litro neurtu dituzte.
Prezipitazio handien ondorioz, 67 pertsona erreskatatu behar izan dituzte Murtziako Eskualdean, eta pertsona batzuek uko egin diote ebakuazioari, Udaltzaingoak eta Babes Zibilak uholde arrisku handiaz ohartarazi arren.
Valentziako Erkidegoan, berriz, ordubetean metro koadroko 100 litro baino gehiago pilatu dira ostiral eguerdira arte, batez ere Safor (Valentzia) eta Marina Alta (Alacant) eskualdeetan; eurite iraunkorrak eta oso gogorrak izan dira bertan, baina ez dute eragin handirik izan.
Aemet Estatuko Meteorologia Agentziak alerta gorria ezarri du ostiral honetarako Alacanteko hegoaldeko kostaldean, ordubetean metro koadroko 180 litro pilatu daitezkeelako; alerta laranja Valentziako kostaldean eta Alacanteko hegoaldeko eta iparraldeko kostaldean; eta abisu horia Castelloko kostaldean, Valentziako iparraldeko barnealdean eta Alacanteko barnealdean.
Ezegonkortasun-egoerak aldaketarik gabe jarraituko du larunbatean penintsulako ekialdeko herenean, Melillan, Gibraltarko itsasartean eta Balear Uharteetan, Alice goi-geruzetako depresio isolatuaren eragina dela eta. Prezipitazio handiak, ekaitzak eta, toki jakin batzuetan, txingorra espero dira Balearretan eta penintsulako ekialdean.
Zure interesekoa izan daiteke
Arartekoak Segurtasun Sailari galdetu dio zergatik hasi den atxilotuen jatorriaren berri ematen
Bingen Zupiria Segurtasun sailburuak azaldu zuen irizpidea aldatzea erabaki zela, atxilotuen jatorriariaren inguruan Eusko Legebiltzarrean eskuineko alderdiak egiten ari ziren "presio izugarriaren" ondorioz.
Errenteriako hiru agustinen azken agurra
Hamarkada luzez, bizileku izan duten etxetik alde egiteko unea iritsi da Errenteriako Agustina monasterioko 3 erlijosoentzat. Gaur etxe-aldatze lanetan ikusi ditugu, Bilboko Santa Monika monasteriora mugituko dira euren fedearekin jarrai dezaten eta beharrezkoa duten zaintza egokia izan dezaten.
Zumarragako Ospitaleko bloke kirurgiko berriaren obrak hasi ditu Osakidetzak
Osakidetzak Zumarragako ospitaleko bloke kirurgiko berriaren lanak hasi ditu, 75 milioi euroko inbertsioa izango duena. Eraikin berriak bederatzi ebakuntza-gela, hainbat kontsultadun Minaren Unitatea, hemodialisirako 18 postu, endoskopietarako 14 postu eta esterilizazio-gela bat izango ditu.
Gizon bati 10 urteko kartzela-zigorra ezarri diote Iruñean 13 urteko adingabe bat bortxatzeagatik
Erasoa 2022ko urrian gertatu ziren, Iruñean. Auzitegiak, halaber, zigortua herrialdetik kanporatzea erabaki du, hirugarren gradua edo behin-behineko askatasuna lortzen duenean.
EAEk du IATik garestiena: Estatuko merkeenak baino 15 euro karuago
Ibilgailuen azterketa teknikoaren batez besteko prezioa 53 eurokoa da EAEn, eta 40 eurokoa, Nafarroan.
EAEko Justizia Auzitegi Nagusiak ontzat jo du euskara eskatzeagatik Gipuzkoako Aldundiaren LEP bat baliogabetu izana
Horrela, auzitegiak berretsi egin du aurrez Donostiako Administrazioarekiko Auzietako 1 zenbakiko Epaitegiak emandako epaia. Ebazpenak azpimarratzen duenez, lanpostu guztietan euskara eskatzeak "berdintasun baldintzetan lanpostu publikoa lortzeko oinarrizko eskubidea" urratzen zaien "probintzia horretako biztanleen ia erdiei", gaineratzen duenez "administrazioarekin egiten diren harremanetan % 20-% 25 baino egiten dira egiten euskaraz".
EAEko Auzitegi Nagusiko fiskal nagusiak "zorroztasun handiagoa" eskatu du prostituitutako adingabeei buruzko atestatuetan
Eusko Legebiltzarreko batzorde batean 2024ko Fiskaltzaren Memoria aurkeztu du Carmen Adanek, eta "nolabaiteko utzikeria" salatu du prostituzio-sareetako adingabeen kasuen ikerketetan, "baimendutako harremanak direla pentsatuta".
Bermeoko Jose Done ikastetxeko sexu-abusuen biktimek bizitakoa, hemen
Bermeoko Jose Done ikastetxeko sexu-abusuen biktimak erreparazioa lortzen hasi dira, prozesua hasi eta ia lau urtera. Asier Sanchez gure lankideak 2022an egindako ikerketa bati esker atera zen argitara kasua.
Eguzki-ekaitz batek "gogor" joko du gaur Lurraren eremu magnetikoa
Batzuetan, eguzki-ekaitz horiek Lurreko komunikazioetan kalteak eragiten dituzte, eta muturreko kasuetan sistema elektrikoetan ere; gainera, aurora boreal biziagoak izango dira.
Aldarrikapen eta elkartasun eguna larunbatean Bilbon, Euskal Selekzioaren eta Palestinaren arteko partidan
Larunbatean San Mamesen jokatuko den lagunartekoarekin batera, kirolaz kanpoko ekitaldi ugari egingo dira: arratsaldean deitutako bi manifestazio, eta goizetik hasita omenaldi eta jarduera kulturalak.