Errusiak 'umore britainiarrari' egotzi dio Litvinenko auziko ikerketa
Kremlinek "umore britainiarrari" egotzi dio Erresuma Batuko epaile batek Alexander Litvinenko espioi errusiar ohiaren heriotzari buruz egindako ikerketa. Izan ere, "segur aski" Vladimir Putin Errusiako presidenteak hura hiltzea agindu zuela ondorioztatu du.
"Oro har, umore britainiar finari egotzi ahal zaio hau [ikerketa]", adierazi du Dmitri Peskov Kremlineko bozeramaileak, eta txosten horrek bi herrialdeen arteko harremanak "pozoitu" egingo dituela ohartarazi du.
Peskoven esanetan, ikerketa britainiarrak "txantxa" dirudi, askotan "segur aski eta horren antzeko formulak" erabili dituelako epaileak.
"Terminologia hori ez da onartzen gure herrialdeko justizian, eta beste hainbatekoenetan ere, eta, noski, hori ezin da epaitzat jo", gaineratu du.
Bestalde, Errusiako inteligentzia zerbitzuek Litvinenkoren heriotzarekin zerikusirik ez dutela berretsi du.
Ikerketa
Litvinenko 43 urte zituela hil zen Londresen, 2006ko azaroan. Errusiako Gobernuarekin kritikoa zen. Londreseko hotel batean ustez te kutsatua edan eta hiru aste geroago hil zen.
Putinek bera hiltzea agindu zuela salatu zuen espioi ohiak ohean. Kremlinek beti ukatu du. Litvinenkoren familia eta abokatuen hitzetan, Errusiako agintarien inplikazioa "eraso nuklearra" azaltzeko modu bakarra da.
Marina Litvinenko, hildako espioiaren alarguna, "oso pozik" agertu da Erresuma Batuko Justiziaren erabakiarekin.
Hala, Errusiako presidenteak "segur aski" Litvinenko hiltzeko agindua eman zuela ondorioztatu du gaur Robert Owen epaileak. Litvinenko Polonio 210 substantzia erradiaktiboarekin pozoitu zuten.
300 orrialdeko agiri batean azaldu duenez, Andrei Lugovoi eta Dmitri Kovtun Errusiako espioi ohiak Litvinenkorekin bildu ziren te kikara edan zuenean. Bi zelatariek FSB Errusiako inteligentzia zerbitzuen aginduak obeditu zituztela azaldu du magistratuak.
Andrei Lugovoi eta Dmitri Kovtun Errusiako espioi ohiak. Argazkia: EFE
2000ko azaroan Londresera heldu zenean asilo politikoa eskatu zuen Litvinenkok. Erresuma Batuko herritartasuna lortu eta MI6 zerbitzu sekretuetan lan egin zuen.
Errusiako espioi ohia Lugovoi eta Kovtunekin Milennium hotelean bildu zen, Mayfair auzoan, te pozoitua hartu zuen egunean.
Owenek lekukoak eta aldeen argudioak, Litvinenkoren senitartekoenak tartean, entzun zituen 2015eko urtarrilaren 27tik ekainaren 31 bitartean.
Erresuma Batuko Gobernuak ezarritako baldintzen arabera, Owenek ezin du inor auzipetu, heriotzaren nondik norakoak eta ustezko erantzukizuna argitzera mugatu behar du.
ugatu behar du.Albiste gehiago mundua
Ishiba lehen ministroarentzat erabakigarriak diren Goi Ganberarako hauteskundeak dituzte gaur Japonian
Hauteskunde parlamentario hauek erabakigarriak dira Ishibaren Exekutiboarentzat, izan ere, Ishibak gutxiengoan gobernatzen du joan den urriko hauteskunde orokorretan Behe Ganberaren kontrola galdu zuenetik.
Sueida eskualdeko borrokak amaitutzat eman ditu Siriako Gobernuak
Inguruan nolabaiteko lasaitasun tirabiratsua da nagusi, biktimei arreta emateko korridore humanitarioen irekiera prestatzen ari diren bitartean. Giza Eskubideen Siriako Behatokiaren arabera, mila pertsona hil dira.
Jende multzo baten kontra egin du auto batek Los Angelesen eta 30 zauritu utzi ditu, zazpi egoera kritikoan
Gutxienez 30 pertsona zauritu dira, horien artean zazpi egoera kritikoan eta sei larri, gaur goizaldean Los Angelesen (AEB), auto batek harrapatuta. Poliziaren bozeramaileak jakinarazi duenez, ibilgailu bat 02:00ak aldera (11:00ak Euskal Herrian) The Vermont Hollywood kontzertu-aretora sartzeko zain zegoen jendearen kontra joan da. Ustezko erasotzaileak, jatorri hispaniarreko gizon batek, hainbat pertsonarekin eztabaidatu zuen Vermont Hollywood barruan, eta, ondoren, lokaletik atera zen eta "arrazoiren batengatik, espaloian jendea harrapatzea erabaki zuen", esan du Horacio Aguirre Los Angeleseko Polizia Departamentuko sarjentuak The Washington Post egunkarian.
Israelek 48 pertsona hil ditu Gazan, horietatik 32 elikagaia banatzeko puntu batera iritsi nahian zebiltzanak
Tropek banaketa puntua inguratu eta bertara iritsi nahian zebiltzan milaka palestinarren aurka tiroka hasi dira soldadauk, lekukoen eta tokiko iturrien arabera.
AEBk El Salvadorrera deportatutako 252 preso Venezuelara bueltan dira
Trukean, Venezuelak 10 preso estatubatuar eman dizkio AEBri. Maduroren Gobernuak eskerrak eman dizkio Jose Luis Rodriguez Zapatero Espainiako Gobernuko presidente ohiari egin dituen bitartekaritza lanengatik, eta Donald Trump AEBko presidenteari, "egoera guztiz irregular hau zuzentzeko erabakiagatik".
Brasilgo Justiziak Bolsonarori orkatilako elektroniko bat jarri dio haren mugimenduak kontrolatzeko, Trumpen mehatxuei aurre eginez
Erabakia Alexandre de Moraes epaileak hartu du. Bolsonarori "justizia oztopatzea" egotzi dio. Era berean, epailearen ahotan, buruzagi ohi ultraeskuindarrak "atzerriko gobernu bat Brasilen aurka egitea eskatu, bultzatu eta lagundu du".
Tomorrowlandek agertoki nagusi berri batekin ireki ditu ateak
Eszenatoki berria sugarrek kiskali zuten jatorrizko eszenatokiaren hezurdura suntsituaren aurrean jarri dute. Oraindik ez da ezagutzen sutearen arrazoia, baina zenbait hedabideren arabera, sua hasi aurretik su artifizialak entzun ziren.
Salvini berriro epaituko dute, errefuxiatuz betetako Open Arms ontzia 2019an Lampedusan porturatzea eragozteagatik
Salvinik, orduko Barne ministroak, Open Arms itsasontzi batek erreskatatutako 147 migratzaile lehorreratzea galarazi zuen 20 egunez. Palermoko auzitegi batek botere-abusu eta askatasun-gabetze karguetatik absolbitu zuen orduko Barne ministroa 2024an.
Poliziak Bolsonaroren etxea miatu du eta AEBetako Gobernuarekin maniobrak egitea leporatu dio, Brasil zigortzeko
Brasilgo Poliziaren arabera, Jair Bolsonaro Brasilgo presidente ohiak eta haren seme Eduardok Estatu Batuetako Gobernuarekin maniobrak egin dituzte azken hilabeteetan, "Brasilgo Estatuko agente publikoei" zigorrak ezartzeko eta Gorte Gorena buruzagi ultraren aurkako epaiketa artxibatzera behartzeko.
Etxe Zuriak Maurene Comeyren, Jeffrey Epstein auzipetu zuen fiskalaren, kargugabetzea baieztatu du
Bestalde, Comeyk "arrazoirik gabe" kaleratu dutela salatu du, eta Donald Trump AEBko presidenteari egindako akusazioan, "beldurra tirano baten tresna" dela adierazi du.