Htin Kyaw, Birmaniako presidente berria
Htin Kyaw aukeratu du gaur presidente Birmania edo Myanmarko Parlamentuak: Aung San Suu Kyi Bakearen Nobel saridunaren eta herrialde horretako mugimendu demokratikoaren buruaren gertukoa da Kyaw. Armadak aukeratutakoa ez den lehendabiziko presidentea izango da Birmanian.
Demokraziarako Liga Nazionala (NLD) alderdiak proposatu zuen Htin Kyaw Presidentetzarako. Birmaniako Parlamentua osatzen duten 652 diputatuetako 360ren babesa jaso du.
Hala, aurrea hartu die NLD alderdiak proposatutako beste hautagaiari, Henry Van Thiori, eta Birmaniako Armadak proposatutakoari, Mying Sweri. Bi horiek presidenteorde izendatuko dituzte.
Birmaniako hedabide nagusiek azalean jaso dute une historikoa. EFE.
Suu Kyi Bakearen Nobel saridunaren iritzian, azken urteotan birmaniarrekiko erakutsi duen leialtasunagatik eta duen formazioagatik aukeratu dute presidente Kyaw. Henry Van Thioren balioa ere nabarmendu du, batez ere, adiskidetze nazionalaren alde egin duen lanagatik.
Nobel saridunak ezin izan zuen bere burua Presidentetzara aurkeztu, bere bi semeek britainiar pasaportea dutelako. Bertako Konstituzioaren arabera, senitarteko atzerritarrak dituzten birmaniarrek ez dute presidente kargura aurkezteko eskubiderik. Junta Militarrak onartutako neurri bat izan zen hori.
Birmaniako Konstituzioak Armadari eskubide eta botere ugari onartzen dizkio. Besteak beste, Defentsa, Barne edota Mugetako ministerioetako buruak izendatzerakoan, militarrek dute erabateko lehentasuna.
Kanpainan, Suu Kyik ziurtatu zuenez, itzaletik zuzenduko du Birmaniako Exekutiboa. Hainbat adituren arabera, Atzerri Gaietako ministro berria izango da. Martxoaren 30ean osatuko da Gobernua.
Albiste gehiago mundua
Jende multzo baten kontra egin du auto batek Los Angelesen eta 30 zauritu utzi ditu, zazpi egoera kritikoan
Gutxienez 30 pertsona zauritu dira, horien artean zazpi egoera kritikoan eta sei larri, gaur goizaldean Los Angelesen (AEB), auto batek harrapatuta. Poliziaren bozeramaileak jakinarazi duenez, ibilgailu bat 02:00ak aldera (11:00ak Euskal Herrian) The Vermont Hollywood kontzertu-aretora sartzeko zain zegoen jendearen kontra joan da. Ustezko erasotzaileak, jatorri hispaniarreko gizon batek, hainbat pertsonarekin eztabaidatu zuen Vermont Hollywood barruan, eta, ondoren, lokaletik atera zen eta "arrazoiren batengatik, espaloian jendea harrapatzea erabaki zuen", esan du Horacio Aguirre Los Angeleseko Polizia Departamentuko sarjentuak The Washington Post egunkarian.
Israelek 48 pertsona hil ditu Gazan, horietatik 32 elikagaia banatzeko puntu batera iritsi nahian zebiltzanak
Tropek banaketa puntua inguratu eta bertara iritsi nahian zebiltzan milaka palestinarren aurka tiroka hasi dira soldadauk, lekukoen eta tokiko iturrien arabera.
AEBk El Salvadorrera deportatutako 252 preso Venezuelara bueltan dira
Trukean, Venezuelak 10 preso estatubatuar eman dizkio AEBri. Maduroren Gobernuak eskerrak eman dizkio Jose Luis Rodriguez Zapatero Espainiako Gobernuko presidente ohiari egin dituen bitartekaritza lanengatik, eta Donald Trump AEBko presidenteari, "egoera guztiz irregular hau zuzentzeko erabakiagatik".
Brasilgo Justiziak Bolsonarori orkatilako elektroniko bat jarri dio haren mugimenduak kontrolatzeko, Trumpen mehatxuei aurre eginez
Erabakia Alexandre de Moraes epaileak hartu du. Bolsonarori "justizia oztopatzea" egotzi dio. Era berean, epailearen ahotan, buruzagi ohi ultraeskuindarrak "atzerriko gobernu bat Brasilen aurka egitea eskatu, bultzatu eta lagundu du".
Tomorrowlandek agertoki nagusi berri batekin ireki ditu ateak
Eszenatoki berria sugarrek kiskali zuten jatorrizko eszenatokiaren hezurdura suntsituaren aurrean jarri dute. Oraindik ez da ezagutzen sutearen arrazoia, baina zenbait hedabideren arabera, sua hasi aurretik su artifizialak entzun ziren.
Salvini berriro epaituko dute, errefuxiatuz betetako Open Arms ontzia 2019an Lampedusan porturatzea eragozteagatik
Salvinik, orduko Barne ministroak, Open Arms itsasontzi batek erreskatatutako 147 migratzaile lehorreratzea galarazi zuen 20 egunez. Palermoko auzitegi batek botere-abusu eta askatasun-gabetze karguetatik absolbitu zuen orduko Barne ministroa 2024an.
Poliziak Bolsonaroren etxea miatu du eta AEBetako Gobernuarekin maniobrak egitea leporatu dio, Brasil zigortzeko
Brasilgo Poliziaren arabera, Jair Bolsonaro Brasilgo presidente ohiak eta haren seme Eduardok Estatu Batuetako Gobernuarekin maniobrak egin dituzte azken hilabeteetan, "Brasilgo Estatuko agente publikoei" zigorrak ezartzeko eta Gorte Gorena buruzagi ultraren aurkako epaiketa artxibatzera behartzeko.
Etxe Zuriak Maurene Comeyren, Jeffrey Epstein auzipetu zuen fiskalaren, kargugabetzea baieztatu du
Bestalde, Comeyk "arrazoirik gabe" kaleratu dutela salatu du, eta Donald Trump AEBko presidenteari egindako akusazioan, "beldurra tirano baten tresna" dela adierazi du.
Gainpopulazioa Europako kartzeletan
Kontseilu Europarrak kontinenteko espetxeetako masifikazioari buruz ohartarazi du; izan ere, badira plaza erabilgarriak baino preso gehiago dituzten herrialdeak.
Israelek 500 pertsona baino gehiago hil ditu azken bost egunetan Gazan
Gaur goizean bertan, Israelek gutxienez hiru pertsona hil ditu Gazan dagoen parrokia katoliko bakarraren aurka egindako bonbardaketan. Eliza ehunka errefuxiaturen babeslekua da.