Japoniako Gobernuak indarra galdu du eta ultraeskuinak gora egin du immigrazioaren aurkako mezuarekin, emaitza ofizialen faltan
Azken galdeketen arabera, Sanseito alderdi ultraeskuindarra indartsu sartuko da Parlamentuan, eta kolokan utziko du agintean dagoen koalizioa.
%20primer%20ministro%20japones%20durante%20las%20elecciones%20de%202025:eitb-banner?$eitb-banner$&fmt=webp-alpha&qlt=80)
Proiekzio kezkagarriekin hasi da Japoniako Goi Ganberarako hauteskunde partzialetako botoen zenbaketa Shigeru Ishibaren Gobernurako. Izan ere, azken inkesten arabera, Alderdi Liberal Demokratikoa (PLD) 52 eserleku izatetik 27ra jaitsiko litzateke, eta haren bazkide Komeitok ere atzera egingo luke.
Ofizialismoaren atzerakadarekin, beraz, Sanseito eskuin muturreko alderdiak gora egingo du, eserleku bakar bat izatetik 22ra.
Pandemia garaian YouTuben sortua, alderdiak ikusgarritasuna irabazi du "Japanese First" leloarekin; alegia, immigrazioaren aurkako diskurtso indartsuarekin, zerga-murrizketen promesekin eta gastu sozial handiagoarekin.
Sohei Kamiya buruzagiak Donald Trump du inspirazio iturri, eta Behe Ganberara zabaltzeko asmoa agertu du. Inflazioak, geldialdi ekonomikoak eta atzerriko biztanleen gorakadak zapuztutako boto-emaileekin konektatzea lortu du Sanseiok. Dagoeneko 3,8 milioi inguru dira.
Sanseitoren gorakadak eta PLDren babesak are gehiago ezegonkortu dezakete Ishibako Gobernua, urrian Behe Ganberan porrota jasan baitzuen. Emaitza horiek berretsiz gero, barne-presioei atea irekitzen zaie dimisioa emateko.
Hala ere, behin betiko emaitzak astelehen honetan jakinaraziko dira.
Nazioarteari buruzko albiste gehiago
Laguntza jasotzeko zain zeuden 73 gazatar hil ditu Israelek, eta ebakuazio behartua agindu du
900 pertsona baino gehiago hil dira Gazan elikagaiak lortzen saiatzen ari zirela. UNRWAk Israeli eskatu dio duela lau hilabete eta erditik indarrean dagoen elikagaien banaketaren blokeoa amaitzeko.
Ishiba lehen ministroarentzat erabakigarriak diren Goi Ganberarako hauteskundeak dituzte gaur Japonian
Hauteskunde parlamentario hauek erabakigarriak dira Ishibaren Exekutiboarentzat, izan ere, Ishibak gutxiengoan gobernatzen du joan den urriko hauteskunde orokorretan Behe Ganberaren kontrola galdu zuenetik.
Sueida eskualdeko borrokak amaitutzat eman ditu Siriako Gobernuak
Inguruan nolabaiteko lasaitasun tirabiratsua da nagusi, biktimei arreta emateko korridore humanitarioen irekiera prestatzen ari diren bitartean. Giza Eskubideen Siriako Behatokiaren arabera, mila pertsona hil dira.
Jende multzo baten kontra egin du auto batek Los Angelesen eta 30 zauritu utzi ditu, zazpi egoera kritikoan
Gutxienez 30 pertsona zauritu dira, horien artean zazpi egoera kritikoan eta sei larri, gaur goizaldean Los Angelesen (AEB), auto batek harrapatuta. Poliziaren bozeramaileak jakinarazi duenez, ibilgailu bat 02:00ak aldera (11:00ak Euskal Herrian) The Vermont Hollywood kontzertu-aretora sartzeko zain zegoen jendearen kontra joan da. Ustezko erasotzaileak, jatorri hispaniarreko gizon batek, hainbat pertsonarekin eztabaidatu zuen Vermont Hollywood barruan, eta, ondoren, lokaletik atera zen eta "arrazoiren batengatik, espaloian jendea harrapatzea erabaki zuen", esan du Horacio Aguirre Los Angeleseko Polizia Departamentuko sarjentuak The Washington Post egunkarian.
Israelek 48 pertsona hil ditu Gazan, horietatik 32 elikagaia banatzeko puntu batera iritsi nahian zebiltzanak
Tropek banaketa puntua inguratu eta bertara iritsi nahian zebiltzan milaka palestinarren aurka tiroka hasi dira soldadauk, lekukoen eta tokiko iturrien arabera.
AEBk El Salvadorrera deportatutako 252 preso Venezuelara bueltan dira
Trukean, Venezuelak 10 preso estatubatuar eman dizkio AEBri. Maduroren Gobernuak eskerrak eman dizkio Jose Luis Rodriguez Zapatero Espainiako Gobernuko presidente ohiari egin dituen bitartekaritza lanengatik, eta Donald Trump AEBko presidenteari, "egoera guztiz irregular hau zuzentzeko erabakiagatik".
Brasilgo Justiziak Bolsonarori orkatilako elektroniko bat jarri dio haren mugimenduak kontrolatzeko, Trumpen mehatxuei aurre eginez
Erabakia Alexandre de Moraes epaileak hartu du. Bolsonarori "justizia oztopatzea" egotzi dio. Era berean, epailearen ahotan, buruzagi ohi ultraeskuindarrak "atzerriko gobernu bat Brasilen aurka egitea eskatu, bultzatu eta lagundu du".
Tomorrowlandek agertoki nagusi berri batekin ireki ditu ateak
Eszenatoki berria sugarrek kiskali zuten jatorrizko eszenatokiaren hezurdura suntsituaren aurrean jarri dute. Oraindik ez da ezagutzen sutearen arrazoia, baina zenbait hedabideren arabera, sua hasi aurretik su artifizialak entzun ziren.
Salvini berriro epaituko dute, errefuxiatuz betetako Open Arms ontzia 2019an Lampedusan porturatzea eragozteagatik
Salvinik, orduko Barne ministroak, Open Arms itsasontzi batek erreskatatutako 147 migratzaile lehorreratzea galarazi zuen 20 egunez. Palermoko auzitegi batek botere-abusu eta askatasun-gabetze karguetatik absolbitu zuen orduko Barne ministroa 2024an.