Instagramek nerabeentzako kontu-mota bat sortu du, murrizketa gehiagorekin eta gurasoen kontrol eta guzti
Instagram sare sozialak nerabeei zuzendutako aukera bat eskainiko du hemendik aurrera. Nerabeen Kontua izenburupean, adin txikikoentzako bereziki konfiguratutako profilak sortzea ahalbidetuko du. Besteak beste, gazteen adina baieztatzen lagunduko duen erremintak jarriko dira martxan.
Meta konpainiak ohar batean jakinarazi duenez, "gurasoek seme-alabek ikusten edo bildaltzen dituzten edukien gaineko kontrol gehiago" izatea da helburua, eta horretarako, ohiko kontuei baino "murrizketa gehiago" ezarriko zaizkie nerabeen kontuei. Besterik adierazi ezean, 18 urtetik beherakoen Instagram kontuak pribatuak izango dira eta, beraz, "nerabeek nahitaez" jarraitzaileak aukeratu egingo dituzte, eta jarraitzaile ez direnek ezingo dituzte edukiak ikusi, ezta mezuak bidali ere.
Halaber, sare sozialaren arduradunek azaldu dute "denbora ere mugatu" egingo zaiela nerabeei, eta gurasoek hori zaintzeko aukera izango dutela. Egun bakoitzeko denbora muga (60 minutu) igarotakoan, abisua jasoko dute eta aplikaziotik atera beharko dute.
Azken zazpi egunetan seme-alabak mezu bidez hartu-emanetan norekin ibili diren ikusteko aukera ere izango dute gurasoek, edukia zein den jakiterik izango ez duten arren. Era berean, kontuaren ezarpenek aukera emango dute nerabeentzat egokitzat jotzen ez diren edukiak mugatzeko.
Bestalde, aukera berri honekin, gaueko 22:00etatik goizeko 07:00ak bitartean nerabeek ez dute jakinarazpenik jasoko.
Erresuma Batuan, Kanada eta Australian asteon jarri du martxan Instagramek nerabeentzako kontua, eta Europar Batasuneko herrialdeetara urte amaieran iritsiko dela jakinarazi dute arduradunek.
Zure interesekoa izan daiteke
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.