Hiru jaialdi, EITB Kultura 60 saioan
Aste honetan hiru jaialdi bisitatuko ditugu, aurrena, Berako Ertz jaialdia, gero berri-berria den Ondarroako Marabilli Sormen jaialdia eta azkenik Lekeitioko Euskal Zinema Bilerako aitzindari batekin solas egingo dugu.
Musikatik haratago joan nahi horrek sortu zuen Ertz jaialdia, ertzean, bidegurutzean kokatu zituztelako jaialdi honen edukiek, akustika eta entzumena, oinarrian hots mundua arte gaitzat hartu zuten eta horrela soinuen, musiken mugak aztergai jarri zituzten, Nafarroako Bera herrian, urte asko daramate Europako abangoardiako artista finenak asmo honetara erakartzen eta egun jaialdi honek duen ausardian dago eskeintzaren kalitatearen bermea.
Nafarroatik Bizkaiko itsas aldera joko dugu, aurreneko aldian Ondarroan hartuko dugu kaia, bertan Aitzol Aramaio zinegileraren omenez antolatu duten Marabilli Sormen jaialdia aurkezteko. Edukiak iturri askotako urak dakar,zinema eta musika jaialdiekin batera literatura eta antzerkia eta horrekin batera moeta askotako emanaldiak eskeiniko dira bertan Urrian, lau egunetan eta den dena itsas herrietan jai giroa sortzeko duten trebezia horrekin nahastuta.
Azkenik Lekeitioko portura joko dugu, han orain 35 urte Euskal Zinema eta Bideo Bilera antolatu zutelako, Zestoako Topaketekin batera, inolako zalantzarik gabe euskaraz ekoitzitako zinemaren bultzatzaile aitzindariak. Hogeita hamabost urte hauetan olatu asko hautsi dira hondartzetan, gauza asko erabat aldatu dira horien artean irudigintza, aldaketa horren lekuko aparta Lekeitioko zinemaldia izan da eta hauxe sortzaile taldeko kide batek eskeni digun lekukotasuna orain astera doan EITB Kultura 60 saioan.
Zure interesekoa izan daiteke
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".
"Linguae Vasconum Primitiae" euskaraz inprimatu zen lehen liburuak azken eguna du Euskal Herrian
Bernat Etxeparek 1545ean idatzitako lana, euskaraz argitaratu zen lehen liburua, Bordelen izan da ikusgai. Frantziako Liburutegi Nazionalak du liburuaren kopia bakarra, eta azken hiru hilabeteetan Baionako Euskal Museoan izan da ikusgai. Hainbat erakundek eta hautetsik bertan uzteko eskatu badute ere, Parisko liburutegira itzuliko da, hiru urtez ilunpean gordeta edukitzeko.
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.