Jaurlaritzak zerbitzu eta lan hizkuntza gisa bultzatu nahi du euskara
Patxi Baztarrikak Eusko Jaurlaritzako Hizkuntza Politikarako sailburuordeak Jaurlaritzan euskararen erabilera normalizatzeko plana aurkeztu du gaur Donostian.
Baztarrikaren esanetan, egitasmoaren helburu nagusia "euskal gizartean elebitasun iraunkorra eraikitzea da. Herritarrei beraiek aukeraturiko hizkuntza ofizialean, euskaraz nahiz gaztelaniaz, zerbitzua ematea, herritar guztiek duten hizkuntza ofiziala aukeratzeko eskubidea egiazki betetzea, eta euskara eguneroko jardunean zerbitzu hizkuntza eta lan hizkuntza gisa erabiltzea".
Horrekin lotuta, lau helburu nabarmendu ditu Patxi Baztarrikak: herritarren hizkuntza eskubideak bermatzea Eusko Jaurlaritzarekiko harremanetan; euskara lan hizkuntza izateko pauso zehatzak, neurgarriak eta aurreragarriak ematea; herri administrazioen arteko harremanetan euskara gehiago erabiltzea; eta goi kargudun politikoen lidergoa eta inplikazioa indartzea.
Eta helburu horiek gauzatzeko, hiru bide hauek irudikatu ditu Hizkuntza Politikarako Sailburuordetzak: hizkuntza ofizialak erabiltzeko irizpideak onartu eta aplikatzea sailez sail; langileen eta erakunde-ordezkari politikoen euskara gaitasuna handitzea; eta langileen eta erakunde-ordezkari politikoen euskararekiko atxikimendua eta adostasuna areagotzea.
Prentsaurrekoan azaldu dutenez, jendaurreko arreta ematen duten zerbitzuek erabateko lehentasuna izango dute, eta gizarte izaerako nahiz izaera orokorreko ataletan administrazio atal elebidunak sortuko dira, eta, ahal denean, baita euskarazko atalak ere.
Jaurlaritzaren datuen arabera, "1995ean Jaurlaritzako langileen % 23,5 baino ez zen lana euskaraz egiteko gai; gaur egun langile guztien % 51,1ek egiaztatuta dauka dagokion hizkuntza gaitasuna, eta beste % 9,8k dagokiona baino bat baxuagoa. Beraz, 1995ean % 23,5 baina gaur egun % 59,9 dira euskaraz neurri batean lan egiteko gai. Duela 20 urte halako bi. Guztira, 4.052 langile".
Zure interesekoa izan daiteke
"Linguae Vasconum Primitiae" euskaraz inprimatu zen lehen liburuak azken eguna du Euskal Herrian
Bernat Etxeparek 1545ean idatzitako lana, euskaraz argitaratu zen lehen liburua, Bordelen izan da ikusgai. Frantziako Liburutegi Nazionalak du liburuaren kopia bakarra, eta azken hiru hilabeteetan Baionako Euskal Museoan izan da ikusgai. Hainbat erakundek eta hautetsik bertan uzteko eskatu badute ere, Parisko liburutegira itzuliko da, hiru urtez ilunpean gordeta edukitzeko.
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.