Donostia 2016k hiru hileko programa bat aurkeztuko du datorren astean
Donostia 2016 Europako Kultur Hiriburua proiektuko lantalde teknikoak lehentasunak bildu eta, datorren astean, datozen hiru hiletarako plan bat aurkeztuko du. Gainera, "albait arinen" zuzendaritza nagusia osatzeko deia egin dute; izan ere, haien aburuz, sei hiletan halakorik jarri ezean, "egitasmo arrakastatsua egiteko bidea ez da bermatuta egongo".
Donostian emandako prentsaurreko batean, Xabier Paya proiektu kulturalen koordinatzaile eta behin-behineko zuzendaritzako kideak, lantaldeko beste 24 kide aldean zituela, egitasmoa "hondoratzen" utziko ez dutela esan du.
Horren ildotik, "kapitain berriaren zain, itsasontzia gidatuko" dutela adierazi du Payak. Donostia 2016 Fundazioaren Patronatuak izendatu zuen behin-behineko zuzendaritza teknikoaren buruan dago Paya, Garbiñe Muñoa ekonomia eta finantza zuzendariarekin eta Enara Garcia Parte-hartze eta Antolakuntza arduradunarekin batera.
Payaren hitzetan, Europako kultur eragile "askorekin" lanean ari dira, "Europatik heldu zaizkien gomendio guztiak betez. Lantaldea ez dago, beraz, "noraezean", kultur hiriburu guztietan ohikoak izaten diren "ekaitzak ekaitz".
Taldeko kideak aurkeztu eta gero, Payak behin-behineko zuzendaritza teknikoak datorren astean datozen hiru hiletarako plana aurkeztuko duela idatzi horretan lehentasun nagusiak zehaztuko dituela iragarri du.
Gainera, sei hil ezarri du komunikazio zuzendari bat eta zuzendari nagusi bat izendatzeko gehienezko epe gisa; izan ere, haren ustez, denbora tarte horretan aurkitu ezean proiektuaren arrakasta kolokan egongo da.
Payaren esanetan, 2016ko egitasmoaren barruan pertsona "oso ezberdinak" daude eta profesionaltasuna izan da horiek aukeratzeko irizpidea. Gainera, "batuta" daudela adierazi du.
Horren ildoan, proiektuan "batzea, elkartzea, lankidetzan aritzea" inoiz baino garrantzitsuagoa da, "atzerako kontaketa gero eta gertuago baitago".
Zure interesekoa izan daiteke
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".
"Linguae Vasconum Primitiae" euskaraz inprimatu zen lehen liburuak azken eguna du Euskal Herrian
Bernat Etxeparek 1545ean idatzitako lana, euskaraz argitaratu zen lehen liburua, Bordelen izan da ikusgai. Frantziako Liburutegi Nazionalak du liburuaren kopia bakarra, eta azken hiru hilabeteetan Baionako Euskal Museoan izan da ikusgai. Hainbat erakundek eta hautetsik bertan uzteko eskatu badute ere, Parisko liburutegira itzuliko da, hiru urtez ilunpean gordeta edukitzeko.
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.