20 urtez luzatuko dute Bilboko eta New Yorkeko Guggenheimen harremana
Bilboko Guggenheim Museoko patronatuak New Yorkeko Solomon R. Guggenheim Fundazioarekin zuen ituna beste 20 urtez luzatzea onartu du, 1994an izenpetutakoa abenduaren 31n iraungi behar baitzen.
Dena dela, New Yorkeko Fundazioak berretsi egin beharko du elkarlanerako ituna abenduaren 9an egingo duen bileran.
Iñigo Urkullu lehendakaria buru zutela egin dute Bilboko Guggenheim Museoaren Fundazioaren bilera, eta bertan izan dira Jose Luis Bilbao Bizkaiko ahaldun nagusia eta Richard Armstrong New Yorkeko fundazioko zuzendaria ere.
Armstrongek aitortu du gaur onartutako akordioak 1994koa asko hobetu duela, Bilboko museoa martxan jarri aurretik sinatutako akordioa, alegia.
Akordio berriak "aldaketa" nabarmena ekarriko du, Juan Ignacio Vidarte Guggenheim Bilbaoren zuzendariaren arabera, New Yorkeko Fundazioarekiko harremanean "oreka eta berdintasun handiagoa" izango delako; izan ere, hemendik aurrera, New Yorkeko Fundazioak ez du Bilboko museoa kudeatuko, eta kudeaketan "parte hartuko" du, Bilbokoarekin batera.
Era berean, itunak berretsi egiten ditu bi Fundazioen ekimen nagusiak, Helsinkiko Museoa New Yorkekoarentzat, eta Guggenheim Bizkaian zabaltzearena Bilbokoarentzat.
Vidartek azaldu duenez, hori horrela, fundazioek proiektu horiekin aurrera jarraitzea erabakiz gero, ez diote elkarri baimena edo oniritzia eskatu beharrik izango.
Erakusketa handi bat bi urtean behin
Bestalde, itun berriari esker, New Yorkeko fundazioak erakusketa handi bat antolatuko du bi urtean behin Bilboko museoan, artelan garrantzitsuekin eta XX. eta XXI. mendeko kolekzioetako lan esanguratsuekin. Lehenengoa 2016ean izango da, XX. mendeko erakusketa bat.
Era berean, Bilboko Museoak erakusketa horiek eta kolekzio propioko beste erakusketa erdi-iraunkor batzuk izango ditu
Ia 2 milioi euro
Beste aldaketa garrantzitsu bat ekonomikoa izango da. Lehen urtero aldatzen zen erakundeen ekarpena, New Yorkeko Fundazioak Bilbokoari eskaintzen zizkion zerbitzuen arabera, eta orain 1.920.000 euro izango dira urtero.
Bilboko museoaren aurrekontutik aterako da ekarpen hori; beraz, Jaurlaritzak eta Bizkaiko Aldundiak, museoaren jabeek, ez dute aparteko ordainketarik egin beharko, Vidarteren esanetan.
Kazetariek behin eta berriz galdetu diete museoko ordezkariei ea itun berria hobea den ekonomikoki, diru gutxiago ordaindu beharko ote duten hemendik aurrera, baina lehendakaria, ahaldun nagusia eta Armstrong deseroso sentitu dira galderaren aurrean eta tentsioa areagotu egin da.
Vidartek aitortu du ez zituela azken 20 urteotako kostuaren datuak eskuartean, baina Bizkaiko ahaldun nagusiak azpimarratu du urtero 300 milioi euroko ekarpena egiten diola Guggenheim Museoak urtero euskal ekonomiari.
Zure interesekoa izan daiteke
Oinkari taldeak dantzan ospatuko du bere mende erdia
Villabonako dantza taldeak “50 urte dantzan” ikuskizuna taularatuko du Olaederra kiroldegian ostiralean, hilak 21. Korrontzi folk taldea urteurrenari batu zaio, “Oinkari 50” kantuaren bidez.
Durangoko Azokaren 60. edizioaren iragarkia
Durangoko Azokaren 60. edizioa abenduaren 5etik 8ra izango da. Iratxe Reparazen bizkar dago aurtengo Azokaren zuzendaritza kreatiboa.
Olaso Dorrea Fundazioaren funtsak handituz doaz, dohaintza baliotsuei esker
Olaso Dorrea Fundazioa bere artxiboak eta Monzon-Olaso Etxe Museoaren bilduma (Bergara) handitzeko eta aberasteko lanean ari da. XX. mendetik gaur arteko historian sakondu nahi du Fundazioak, bai eta ezagutarazi ere, eta, bide horretan, hauek jaso dituzte: Telesforo Monzonek gordetako Sabino Aranaren mikrofilmatutako obraren kopia bat, Lauaxetaren gabardina eta gurutzea, Karmele Urrestiri eta Txomin Letamendiri (Karmele filmeko protagonistak) Agirre lehendakariaren Gobernuak emandako dokumentazioa, Otaegi eta Garmendiaren aldeko pankarta, bala tiroz zulatutako Txomin Iturberen alkandora eta Txillarre baserriko lehen akordioaren originala.
“Gipúzcoa” Pio Caro Barojaren dokumentala, Tabakaleran
“Ipuscua” izena lehenbizikoz agertu zeneko milagarren urteurrenaren ospakizunei dagokie proiekzioa. Pelikula 1976 eta 1979 urteen artean filmatu zuten, eta Gipuzkoako orduko errealitate sozial eta kulturala jasotzen duen dokumentu etnografikoa da.
Frankofoniaren eremuan hizkuntza gutxituek dituzten erronkei buruzko biltzarra antolatu du Etxepare Institutuak Parisen
Astelehen honetan egindako aurkezpenean azaldu dutenez, hilaren 19an eta 20an egingo den topaketak bat egiten du Etxepare Euskal Institutuaren 15. urteurrenarekin, eta 'Ça colle au basque' ekimenaren testuinguruan antolatu da, unibertso frankofonoan euskararen eta euskal sorkuntzaren proiekzioa indartzeko abiatutako egitasmoaren baitan, alegia.
"GO!AZEN" telesailaren 12. denboraldia ikusgai da jada MAKUSI plataforman
Gaur goizetik, "GO!AZEN" telesailaren 12. denboraldiaren lehen atala MAKUSIn da ikusgai. ETB1era, aldiz, ostiralean iritsiko da. Basakabiko gaztetxoek abentura ugari biziko dituzte oraingoan ere. Udalekua guztiz aldatuta ikusiko dugu, Maitane zuzendariaren ideia berriekin eta adingabeen zentrotik etorritako gazteekin. Aurtengo istorioekin, elkar ulertzearen eta taldean aritzearen garrantziaz ohartarazi nahi dituzte ikus-entzule gazteak.
EITB, Seriesland Bilbao International Digital Festival jaialdian saritua
Bilboko Guggenheim Museoan izan den ekitaldian, hauek saritu dituzte: Desagertuta, Marina Ostolaza (Power Up), Irabazi arte, Intimitatean, Itsatsita berriz, Voces de la Tierra eta Ardi beltzak.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
Azaroaren 25ean eta 26an izango da DA! PRO topaketaren zazpigarren edizioa
Sortzaileen eta eta programatzaileen arteko elkargunea eskaintzen du Durangoko Azokaren ekimen honek. Familia ikuskizunen egileek eta musikariek euren proposamenak aurkeztuko dituzte kultur zein euskara teknikari, liburutegietako dinamizatzaile eta jai-antolatzaileen aurrean, azaroaren 25ean (familia ikuskizunak) eta 26an (musikariak), Durangoko Bizenta Mogel liburutegian. Familia ikuskizun hauek aurkeztuko dituzte: Oñatiko Algaraz ikuskizun elkartea (Potx eta Lotx Lagunekin topa!), Josan Aramayo (Kanutoren Anaia), Lanku (Txepeldunak haurrentzako bertso antzerkia), Lanku (Teilatupean), Lanku (Bertso garbitzailearena), GRAMA Kolektiboa (Erresinolaren Kantua), Euskal Barrok Ensemble (Xirribit) eta Zurrunka Teatro (Pulcinella Txio-Txinela). Parte hartuko duten musikariak, berriz, hauek izango dira: Sueder, Sara Zozaya, Gartxot, Jonkass, Hondora, Ilargi, Maialen Ibarra, Uxue Kerejeta, Euskal Barrok Ensemble eta Maider.
Delaware Choral Scholars abesbatzak irabazi du Tolosako 56. Abesbatza Lehiaketa
AEBko abesbatzak lau sari eskuratu ditu: polifonia saileko eta folklore saileko lehenengo sariak, Kutxaren sari nagusia eta euskal abesti baten interpretazio onenaren saria.