Sarrionandiaren 'Narrazio Guztiak' liburuaren irakurketa, Arriagan
Joseba Sarrionandia idazlearen 'Narrazio Guztiak' libururen irakurketa jarraitua hartuko du ostiral honetan Bilboko Arriaga Antzokiak, Bilbo Zaharra Euskaltegiak antolatuta. Klasikoen Irakurketak jardunaldien zortzigarren edizioa izango da aurtengoa, eta aurrekoetan bezala, Bilboko Udaleko Euskara sailaren eta Euskadiko Kutxaren babesa du. Euskara ikasleak omentzeko euskaltegiak urtero antolatzen duen festaren baitan egingo da irakurketa.
Josu Muniozguren Bilbo Zaharra Euskategiko zuzendaria, Sabin Anuzita Bilboko Udaleko euskara zinegotzia eta Pello Ugalde Euskadiko Kutxako lurralde zuzendaria egon dira irakurketaren aurkezpenean.
Klasikoen balioa aldarrikatzea da jardunaldien helburua, eta bide batez, euskaltegiko ikasleen lana eta ahalegina omentzea. Sarrionandiaren 'Narrazio Guztiak' aukeratu dute aurtengorako: liburu osoa jarraian irakurriko dute, publikoki eta ahots gora.
Aurkezpenean, Mikel Martinez aktoreak Sarrionandiaren gutun bat irakurri du. Idazleak antolatzaileei eskerrak eman dizkie bere lana aukeratuko dutelako, Bilbon euskara eta literatura zabaltzea xede duen ekitaldi baterako. Halaber, publikoki bere "egiak", normalean "ezkutuan" egon behar izaten dutenak, azaleratzea ere eskertu du idazle durangarrak. "Alde bateko zein besteko lagunak" elkartzeko borondatea eta gaitasuna ere txalotu ditu Sarrionandiak.
12 orduz jarraian
Goizeko 08:00etatik arratsaldeko 20:00ak arteko irakurketa izango da, 12 orduz jarraian. Sarrionandiak berak ekingo dio irakurketari; liburuaren lehendabiziko lerroak irakurriko ditu, eta bideoz erakutsiko dute.
Ondoren euskaltegiko 200 bat ikaslek, eta kultura, gizarte eta politika munduko beste 200 bat lagunek hartuko dute lekukoa, banan bana.
Besteak beste, Ibon Areso Bilboko Alkateak, Jose Luis Bilbao eta Unai Rementeria Bizkaiko Foru Aldundiko jarduneko ahaldun nagusiak eta nagusigaiak, hurrenez hurren, Andres Urrutia Euskaltzaindiko presidenteak edota EHUko eta Deustuko Unibertsitateko hainbat irakaslek hartuko dute parte irakurketan.
Mundu osoko 16 euskal etxetako ordezkariek ere irakurriko dute 'Narrazio Guztiak' klasikoa. Horien irakurketak bideoz grabatuko dituzte, eta Arriaga barruan nahiz kanpoan jarriko dituzten pantaila handietan erakutsiko dituzte.
Hitzaldi zikloa
Bestalde, eta urtero bezala, Bilbo Zaharra Euskaltegiak hitzaldi zikloa ere antolatu du, aukeratutako liburuarekin lotura duena. Hala, Sarrionandiaren lanaren inguruan gogoeta egiteko hamar hitzaldi antolatu ditu euskaltegiak; idazleak eta politikoak gonbidatu dituzte.
Ekainaren 2an, 3an eta 4an izango dira solasaldiak, Euskaltzaindiaren egoitzan. Besteak beste, Bernardo Atxaga, Aiora Jaka edota Jose Enrique Urrutia idazleek, Juan Jose Ibarretxe lehendakariak eta Karmelo Landa politikari eta irakasleak hartuko dute parte hitzaldietan.
Bilboko Metroko San Nicolaseko geltokian, berriz, ekainaren 8ra arte, erakusketa jarriko dute, azken zortzi urteotako irakurketetako irudiekin.
eitb.eus webguneak zuzenean eskainiko du, streaming bidez, irakurketa osoa.
rakurketa osoa.Zure interesekoa izan daiteke
Durangoko Azokak geldialdia egin du genozidioa salatzeko
Palestinako genozidioa salatzeko geldialdia egin du Durangoko Azokak. Kultura erdigunean jarri eta mugaz gaindiko elkartasun mezua zabaldu dute ehunka kulturazalek Landako Plazan egin duten ekitaldian.
Durangoko Azokako hamar bisitaritik bederatzik erosi egiten dute
Siadeco ikerketa etxeak Azokara bertaratzen diren sortzaile, eragile eta bisitarien profila eta portaera ikertu zuen iaz, 2024ko edizioan. Euskara eta euskal kultura bultzatzea da joateko arrazoi nagusia, eta iaz, batez beste, 55,19 euro gastatu zituzten bisitariek.
Gatibuk sorpresaz beteriko emanaldi batekin ekin dio agur kontzertu sortari
Gernikako taldeak abenduaren 13an utziko ditu eszenatokiak, BECen eskainiko duen hirugarren kontzertuarekin, abenduaren 6koaren eta 12koaren ostean. ETB1ek zuzen-zuzenean emango du azken emanaldi hori.
Juanito Oiarzabalen bizitzaren gorabeherak, dokumental batean jasota
Oiarzabal, entre Juan y Juanito Javier Alvarok zuzendu duen dokumentalak Juanito Oiarzabalen istorioa eta lorpenak kontatzen ditu. 14 zortzimilakoak oxigeno artifizialik gabe igo zituen hirugarren mendigoizalea izan zen, eta guztira 26 aldiz igo da zortzimilako batera. Mendi Film jaialdian aurkeztu dute dokumentala.
Israel Palestinan egiten ari den genozidioaren aurkako geldiunea egingo dute Durangoko Azokan
14:00etatik 14:30era agerraldia egingo dute antolatzaileek eta sortzaileek “Israelgo Estatua Palestinan egiten ari den genozidioaren aurka”.
Nhil taldea, Ahotsenean
Musika beltza egiten duen taldeak "Etxea" diskoa aurkeztu du Musikaren Plazan, Durangoko Azokaren bigarren egunean.
Euskara hizkuntza nazional gisa aldarrikatu du Euskal Herrian Euskaraz elkarteak
"Euskaraz bizitzeko, euskal errepublika" lelopean, jende andana bildu da larunbat honetan Durangoko kaleetan zehar, Durangoko Azokaren baitan.
Kulturzaleek eta sortzaileek lepo bete dute Azoka bigarren egunez
Durangoko Azokaren bigarren eguna bete-beteta egon da. Sortzaileak gustura agertu dira Azokak daraman erritmoarekin, eta jendea erruz bertaratu da eguneko planaz gozatzera.
Zer ekarri zuen Frank Gehry arkitektoak Bilbora?
Guggenheim museoaren proiektu ausartarekin hiria mundura zabaltzea lortu zuen Gehryk. Gaur asko izan dira arkitekto ezagunak Bizkaiko hiriburuan utzitako arrasto sakona gogora ekarri dutenak.
Kultur sortzaileekin bildu gara, aurtengo nobedadeetako batzuk ezagutzeko
Euskal kulturaren plazan izatea esperientzia hunkigarria eta aberasgarria da musikari zein idazleentzat. Eskertuta agertu dira, eta Durangoko Azokaren garrantzia azpimarratu dute denek.