Markak, enkante etxeetan: Modigliani, Lichtenstein… eta Kurt Cobain!
Christie’s enkante etxeak udazkeneko denboraldia hasi du bart, marka berriak ezarri dituen gau batean: inoiz baino gehiago ordaindu dute Amedeo Modigliani, Roy Lichtenstein eta Paul Gauguinen artelan banaren truke.
Gai gisa "Artistaren musa" zuen enkantean, "Reclining nude" Modiglianiren pintura 158,4 milioi euroan erosi dute. Alde handiz gainditu dute, horrela, artista honen lan baten truke inoiz ordaindutako dirutzarik handienaren zenbatekoa, 66 milioi eurokoa baitzen orain arte.
Halaber, Gauguin eta Lichtensteinek ere marka ezarri dute. "Therese" Gauguinen lana etxera eraman zuenak 28,7 milioi euro ordaindu ditu, gaur arte inoiz artistaren eskultura baten truke emandakoa baino askoz gehiago.
Bestalde, "Nurse" Liechtensteinen lanaren truke 88,5 milioi euro ordaindu dituzte, antolatzaileek uste zuten baino 14 milioi gehiago.
Adituek aurreratu dutenez, denboraldi hau ez da udaberrikoa bezain oparoa izango. Sotheby’s eta Christie’s etxeek 1.700 milioi euro pilatu zituzten orduan, hiru gautan.
Kurt Cobainen jertsea
Horrez gain, goi leinuko artea ez ezik, ikono "alternatiboak" ere jotzen ditu enkante etxeen eta erosleen goseak.
Kurt Cobain Nirvanako burua zenak "MTV Unplugged" diskoaren grabazioan soinean zeraman jertsearen truke 130.000 euro ordaindu dituzte berriki, enkante batean.
Salgai jarri zuen etxeak jantziaren deskribapen zehatz hau egin zuen: "Ehun akrilikozkoa, mohairrarekin eta likrarekin nahasita. Bost botoi (bat falta da) eta bi poltsiko ditu. Erredura bat ere badu, eta kolorea falta zaio ezker poltsikoaren inguruan eta eskuin poltsikoan".
in poltsikoan".Zure interesekoa izan daiteke
Atletico San Sebastian Danborradak Jose Ramon Soroiz omendu du
Atletico San Sebastian Danborradak bere kideetako bat omendu du, Jose Ramon Soroiz aktorea, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du klubaren saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".
"Linguae Vasconum Primitiae" euskaraz inprimatu zen lehen liburuak azken eguna du Euskal Herrian
Bernat Etxeparek 1545ean idatzitako lana, euskaraz argitaratu zen lehen liburua, Bordelen izan da ikusgai. Frantziako Liburutegi Nazionalak du liburuaren kopia bakarra, eta azken hiru hilabeteetan Baionako Euskal Museoan izan da ikusgai. Hainbat erakundek eta hautetsik bertan uzteko eskatu badute ere, Parisko liburutegira itzuliko da, hiru urtez ilunpean gordeta edukitzeko.
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.