Jaia, agertoki gainetik eserlekuetara
Ana Arias eta Arrate Etxebarria aktoreak, Ivan Ferreiro eta Zahara musikariak, Jon Maia bertsolari eta idazlea eta Valerie Tasso idazle eta sexologoa, “Diario de una ninfomana”ren egilea, “mahai baten bueltan biltzera” gonbidatu ditu Unai Garate “Sindrome de Estocolmo” ikuskizunaren zuzendariak.
Hori da abiapuntua. Hortik aurrera, sei sortzaileok atertu gabe aritzen dira komunikazioan, ados zenbaitetan eta desadostasun erabatekoak beste batzuetan, "identitate" kontzeptutik abiatuta, hitza, musika edo balekotzat jotzen duten edozein adierazpide erabiliz.
Kultur Leioa Bizkaiko herriko eraikineko auditoriumera eramango dute ikuskizuna ostiral honetan, hilak 22, 20:30etik aurrera. Sarrerak 15 euroan daude salgai.
Unai Garaterengana jo dugu, “Sindrome de Estocolmo”ren ingurukoak ale diezazkigun.
Zergatik aukeratu dituzue sei sortzaile hauek? Zeren bila jo duzu haiengana?
Bakoitzaren bertuteak baino gehiago, seiek osatzen duten taldea da mamia, nire ustez. Seiak mahai baten inguruan batzea beharrizana zen. Talentu handiko pertsonak dira, umorera asko jotzen dutenak, eta, nola ez, bihotz handikoak.
Gizatasun edo humanitate handia gordetzen dute.
Zergatik “Stocholmeko sindromea”ren izena?
Askotan gertatzen den bezala, izenburuak ez du zertan ezer kontatu.
Stockholmeko sindromedunak gara denok, neurri batean: gustatzen ez zaigunarekin bueltaka ibiltzen gara, eta gauza arraro batek ere sortu ahal digu enpatia.
Baina, badiogu, Bufalo Produzkioak ekoiztetxean, muntaia sortu dugunontzat, izenak ez du aparteko garrantzirik. Elkar ulertu dugu, eta bat etorri gara, hitzak erabili barik, “Sindrome” izenburuarekin.
"Sindrome de Estocolmo"ren emanaldi bat, iazko Gutun Zuria jaialdian
Zer du ikuskizunak inprobisaziotik eta zerk erantzuten dio gidoiak proposatukoari?
Gidoia badago, noski, eta ardatza, gai nagusia, “identitatea” da. Dena den, “Sindrome”ren saio bakoitzak bere izaera, egitura, erritmo, eta baldintzak ditu.
Sei gonbidatuek ez dute inoiz jakiten zehazki zer gertatuko den eta egoerak nora joko duen, edo ikusleek zein neurritan hartuko duten parte,... Gidoia badago, baina jokaldi osoa ez zaie erakusten.
Ikuskizunaren ariman, oso garrantzitsua da “hemen eta orain” kontzeptua, ez maite dugulako, baizik eta horrela sortu dugulako. Dena gertatzen da bat-batean: gonbidatuek muntaiaren nondik norakoak jasotzen dituzte eta dibertitzen dira, eta eurak izaten jakin behar dute, hori da erronka.
Askotan, kulturaren munduan dihardutenek erakusten duten itxura serio eta elitista hori guztiz ezabatzen da “Sindrome”n, eta pertsonen kezka eta istorio arruntak azalarazten dira.
Hori da “Sindrome de Estocolmo”, antiperformancea, itsasgoran gertatutako emozioen parrillada bat.
Zure interesekoa izan daiteke
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.
Zuloaren silueta hitzez marrazten
Harkaitz Cano eta Eider Rodriguez idazleek “Silueta” eta “Dena zulo bera zen” liburuak aurkeztu dituzte Durangoko Azokaren hirugarren egunean, hutsuneak mamitzeko bi ariketa literario zeharo ezberdin.
Israel Palestinan egiten ari den genozidioaren aurkako geldiunea egin dute Durangoko Azokan
Bisitari, sortzaile eta antolatzaile ugarik bat egin dute protestarekin, Israelgo Estatua Palestinan egiten ari den genozidioa salatzeko eta elkartasun mezua zabaltzeko.
Durangoko Azokak geldialdia egin du genozidioa salatzeko
Palestinako genozidioa salatzeko geldialdia egin du Durangoko Azokak. Kultura erdigunean jarri eta mugaz gaindiko elkartasun mezua zabaldu dute ehunka kulturazalek Landako Plazan egin duten ekitaldian.