Elkarrizketak, Donostia 2016ren ekimen berria
Elkarrizketak ekimenaren helburua Donostia 2016 eta horren ohiko programazioaren arduradunak elkarlanean aritzea da, Hiriburutzan balioak, parte-hartzea, aniztasuna, Europarekiko lotura eta elkarbizitza indartuko dituzten jarduerak antolatuz.
Ehun ekitaldik baino gehiagok osatzen dute Elkarrizketak horren programazio-lerroa, eta publiko anitza, diziplina ugar eta parte hartzeko modu desberdinak batuko dira.
Ohiko programatzaileak
Joan den urteetan hiriko kultur eragile nagusiekin egindako aliantzei jarraipena emango die Elkarrizketak lerroak. Dock of the Bay, Surfilmfestibal eta Fantasiazko eta Beldurrezko Zinemaren Astea daude horien artean, baina aurten, hiriko zein lurraldeko beste eragile batzuen proposamenak hartuko dituzte barne; Mojo Workin eta Musikaste, esaterako.
Egutegian data finkoa daukaten jaialdi horiez gain, Elkarrizketak programazio-lerroak proiektu berriak jarri ditu martxan: Euskadiko Orkestra Sinfonikoa (abonu denboraldiko kontzertuak, Ederra eta Piztia ikuskizuna, ICMA Awards), Kursaal Eszena (Sasha Waltz & Guest-en dantza-emanaldia), Kubo Kutxa Aretoa (Marta Cardenas eta Gonzalo Chillidaren erakusketak), Untzi Museoa (Emakumeak eta itsasoa erakusketa), Cristobal Balenciaga Museoa (Balenciaga eta parpaila erakusketa), Atzegi (pintura taldeak egindako zortzi erakusketak lurraldeko hainbat espaziotan ikusi ahal izango dira) eta Photomuseum (Fidel Rasoren erakusketa), besteak beste. Bestalde, Getxophoton aurkeztuko da European Eyes on Japan argazkilaritza-proiektuaren emaitza: Jon Cazenavek eta Lukasz Ruszinak, 2016ko Europako Kultur Hiriburuen ordezkariek, Japonian egingo dute argazki-proiektu partekatua.
Donostiako Kulturaren arte eszenikoen programazioaren barne izango diren dantza eta antzerki emanaldiak ere Elkarrizketak programazio-lerroaren barne egongo dira. Desberdinen arteko topaketa izango da dantza-programazioaren leitmotiva; antzezlanek, berriz, jarrera sentibera erakutsiko dute gizarte gaien aurrean.
Dibulgazioa eta kultura
Musikenek nazioartean diren konpositore garrantzitsuenak publiko orokorrari gerturatzeko zikloa abiatuko du, eta Helmut Lachenmann ekarriko du Donostiara. Elkarrizketak programazioan, Euskal Herriko Unibertsitateko Udako Ikastaroetako hainbat ikastaro, hitzaldi eta biltzar ere sartuko dira.
Mugaz gaindiko Elkarrizketak
Ekarrizketek, Hiriburutzak bezala, mugaz gaindiko dimentsioa dute, eta Iparraldean dauden eragileak (Malandain Ballet Biarritz, Fonds Regional d’Art Contemporain Aquitain eta Echanges Pays Basque) ere bildu ditu Donostia 2016k ekimen honetan.
Karta zuriak
Esther Ferrerrek eta Jone San Martinek euren Karta Zurien baitan kokatzen diren proposamenak aurkeztuko dituzte. Ferrerrek komunikazioari buruzko bi perfomance aurkeztuko ditu: Nire bizitza kontatuko dizuet eta Poesiaren martxa. San Martinek, berriz, bost ekitaldi aukeztuko ditu bere jaioterria eta nazioarteko esperientzia uztartzeko asmoz.
Zure interesekoa izan daiteke
“Gipúzcoa” Pio Caro Barojaren dokumentala, Tabakaleran
“Ipuscua” izena lehenbizikoz agertu zeneko milagarren urteurrenaren ospakizunei dagokie proiekzioa. Pelikula 1976 eta 1979 urteen artean filmatu zuten, eta Gipuzkoako orduko errealitate sozial eta kulturala jasotzen duen dokumentu etnografikoa da.
Frankofoniaren eremuan hizkuntza gutxituek dituzten erronkei buruzko biltzarra antolatu du Etxepare Institutuak Parisen
Astelehen honetan egindako aurkezpenean azaldu dutenez, hilaren 19an eta 20an egingo den topaketak bat egiten du Etxepare Euskal Institutuaren 15. urteurrenarekin, eta 'Ça colle au basque' ekimenaren testuinguruan antolatu da, unibertso frankofonoan euskararen eta euskal sorkuntzaren proiekzioa indartzeko abiatutako egitasmoaren baitan, alegia.
"GO!AZEN" telesailaren 12. denboraldia ikusgai da jada MAKUSI plataforman
Gaur goizetik, "GO!AZEN" telesailaren 12. denboraldiaren lehen atala MAKUSIn da ikusgai. ETB1era, aldiz, ostiralean iritsiko da. Basakabiko gaztetxoek abentura ugari biziko dituzte oraingoan ere. Udalekua guztiz aldatuta ikusiko dugu, Maitane zuzendariaren ideia berriekin eta adingabeen zentrotik etorritako gazteekin. Aurtengo istorioekin, elkar ulertzearen eta taldean aritzearen garrantziaz ohartarazi nahi dituzte ikus-entzule gazteak.
EITB, Seriesland Bilbao International Digital Festival jaialdian saritua
Bilboko Guggenheim Museoan izan den ekitaldian, hauek saritu dituzte: Desagertuta, Marina Ostolaza (Power Up), Irabazi arte, Intimitatean, Itsatsita berriz, Voces de la Tierra eta Ardi beltzak.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
Azaroaren 25ean eta 26an izango da DA! PRO topaketaren zazpigarren edizioa
Sortzaileen eta eta programatzaileen arteko elkargunea eskaintzen du Durangoko Azokaren ekimen honek. Familia ikuskizunen egileek eta musikariek euren proposamenak aurkeztuko dituzte kultur zein euskara teknikari, liburutegietako dinamizatzaile eta jai-antolatzaileen aurrean, azaroaren 25ean (familia ikuskizunak) eta 26an (musikariak), Durangoko Bizenta Mogel liburutegian. Familia ikuskizun hauek aurkeztuko dituzte: Oñatiko Algaraz ikuskizun elkartea (Potx eta Lotx Lagunekin topa!), Josan Aramayo (Kanutoren Anaia), Lanku (Txepeldunak haurrentzako bertso antzerkia), Lanku (Teilatupean), Lanku (Bertso garbitzailearena), GRAMA Kolektiboa (Erresinolaren Kantua), Euskal Barrok Ensemble (Xirribit) eta Zurrunka Teatro (Pulcinella Txio-Txinela). Parte hartuko duten musikariak, berriz, hauek izango dira: Sueder, Sara Zozaya, Gartxot, Jonkass, Hondora, Ilargi, Maialen Ibarra, Uxue Kerejeta, Euskal Barrok Ensemble eta Maider.
Delaware Choral Scholars abesbatzak irabazi du Tolosako 56. Abesbatza Lehiaketa
AEBko abesbatzak lau sari eskuratu ditu: polifonia saileko eta folklore saileko lehenengo sariak, Kutxaren sari nagusia eta euskal abesti baten interpretazio onenaren saria.
Liburuetan ahaztutako objektuen bilduma bitxia ikusgai, Errenteriako Udal liburutegian
Errenteriako Udal Liburutegiak 'Altxorrak orrien artean' erakusketa antolatu du, liburuetan ahaztuta geratutako objektuen bilduma bitxia. Liburuekin batera itzuli diren gauza txikiak daude ikusgai: orri-markatzaileak, tiketak, argazkiak, postalak, eskuz idatzitako oharrak eta irakurleek utzitako bestelako aztarnak.
Eusko Ikaskuntzak "EzBerdin Berdinak" ikuskizuna plazaratu du Bilbon, EITBren egoitzan
Dantza garaikidea eta tradizionala, bertsolaritza, antzerkia eta musika zuzenean uztartzen dituen gogoeta sortzailearen zazpi emanaldi izango dira guztira Euskal Herriko hainbat tokitan.
Beste kontzertu bat emango du La Oreja de Van Gogh taldeak BECen
Donostiako taldeak 2026ko birako sarrerak agortzen eta data eta leku berriak iragartzen jarraitzen du. Abenduan BECera itzuliko dira.