Dozena bete Donostia
Urtebete pasa da Kalebegiak osatuko duten film laburretan lehenengoak errodatzen hasi zirenetik. Honezkero bilduma osatuko duten 12 film laburretatik 10 errodatu dira eta post produkzio fasean daude.
Donostiako Larrotxene kultur etxean sortu zen Kalebegiak sortzeko ideia, Jorge Gil eta Mitxel Gaztanbidek bultzatuta. “Gure lurraldean zinemaren inguruan dagoen talentua ikusarazteko helburuarekin jarri genuen martxan”, dio Gilek. Talentuarekin ez ditu soilik zuzendariak aipatu nahi: Larrotxeneko ikasleak film labur hauetan parte hartzen ari dira zeregin ezberdinetan, Musikeneko ikasleak soinu-bandak sortzen ari dira eta EHUko Itzulpengintzako ikasleak, aldiz,azpitituluak idazten. Bestela ere, Kalebegiak izen handiko zuzendariak eta zuzendari hasi berriak nahasten dituen proiektua da: Julio Medem, Daniel Calparsoro, Asier Altuna eta Telmo Esnal, Gracia Querejeta, Luis Berdejo, Isabel Herguera eta Izibene Oñederra, Koldo Almandoz eta Borja Cobega daude lanok sinatuko dituzten zuzendari ezagunen artean, eta hauei las Chicas de Pasaik bikotea, Ekain Irigoien eta Iñaki Camacho gehitu zaizkie. “Pelikula anitza egin nahi genuen, pisu eta ibilbide handiko jendea eta honetan hasten ari direnak nahastuta”, azaldu du Jorge Gilek.
Xabi Paya Donostia 2016ko kultur programaren zuzendariak ere uste du Kalebegiak-ek ”Donostiaren irudi anitza eta erreala emango duela” eta proiektuak argi utziko duela “Donostia ez dela zinea erakusteko hiria soilik, zinea egitekoa ere badela”.
Orain arte errodatutako film laburrek jorratzen dutenaz ere aurreratu dute zerbait: Asier Altuna eta Telmo Esnalen lana estropada egunean errodatu zuten fikziozko lana dela, Gracia Querejetarena bere haurtzaroa gogorarazten duen umeen istorioa dela, Imanol Uribe, Las Chicas de Pasaik eta Daniel Calparsororen lanak dokumentalak direla, Luis Berdejorena dela Donostian errodatu ez den bakarra, edota Izibene Oñederra eta Isabel Herguerarena animaziozko film laburra dela.
Borja Cobeaga eta Julio Medemen film laburrak dira errodatzeko gelditzen diren bakarrak. Medemek udan errodatuko du bere antzinako istorioa eta Cobeagak aldiz asteburu honetan grabatuko du berea. Bere euskerazko lehen lana izango da eta figuranteak behar ditu: parte hartzeko interesa dutenei domeka honetan, goizeko 9etan, Donostiako Peña y Goñi kaleko 5.zenbakira joateko deia egin die.
Kalebegiak aurtengo Zinemaldian estreinatuko da.
Zure interesekoa izan daiteke
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".
"Linguae Vasconum Primitiae" euskaraz inprimatu zen lehen liburuak azken eguna du Euskal Herrian
Bernat Etxeparek 1545ean idatzitako lana, euskaraz argitaratu zen lehen liburua, Bordelen izan da ikusgai. Frantziako Liburutegi Nazionalak du liburuaren kopia bakarra, eta azken hiru hilabeteetan Baionako Euskal Museoan izan da ikusgai. Hainbat erakundek eta hautetsik bertan uzteko eskatu badute ere, Parisko liburutegira itzuliko da, hiru urtez ilunpean gordeta edukitzeko.
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.