Gerra eta bakea eta artea
Donostian horrelako bilduma bat akaso ez dela inoiz gehiago ikusiko. Hori dio Felipe Retamal Donostia 2016ko kultur programako kideak. Izan ere, Pompidou eta Reina Sofia zentruek edota Louvre eta Prado museoek euren lanak uztea ez da erraza izan. “Negoziazio garrantzitsua eta zaila izan da”, dio Retamalek. Eta negoziazio horiei esker Goya, Picasso, Le Corbusier, Murillo, Maruja Mallo, Elena Asins edota Alice Creischerren lanak izango dira Bake Itunak 1516-2016 erakusketa osatuko duten 400 piezen artean.
Arteak bakea eta gerra nola jorratu dituen erakusten duen bilduma da. “Ez dira borroka irudiak bakarrik”, dio Retamalek. “1516. urtean bizi zen bake itunen loraldian du abiapuntua erakusketak eta ordutik honako bost mendeetan egin den ibildea erakusten du”. San Telmo Museoan eta Koldo Mitxelena Kulturunean egongo dira artelanak banatuta eta oharra ere egin du: biak ikusi behar dira, bata bakarrik ikusita ez omen da erakusketan kontakizuna ulertzen, eta “pelikula bat erdizka ikustea bezalakoa litzateke”.
Bake Itunak 1516-2016 ekainaren 18tik aurrera ikusi ahal izango da, urria arte, baina Bake Ituna proiektu zabalagoaren barnean, beste erakusketa txikiagoak era antolatu dira. Horien artean daude Ikerketa Kasuak izenpean antolatutakoak: azken bost mendeetako zazpi gertaera historiko hartu dituzte eta horien inguruko erakusketa bana antolatu Euskal Herriko zenbait museotan. Aste honetan bertan zabaldu da Ormaiztegiko Zumalakarregi Museoan 1839. Bergarako besarkadaren aurrean. Keinua eta interpretazioa erakusketa, besarkada hura eta beste zenbait ardatz dituen 90 lanez osaturiko bilduma.
Bake Ituna proiektuaren barruan dago Ibon Aranberri, Eduardo Molinari, Asier Mendizabal, Mitra Farahani, Alejandra Riera eta Juan Luis Moraza artisten interbentzioak jasotzen dituen Aldiriak atala ere. Aranberriren Makina Eskua da, Eibarko Armagintzaren museoan bisitatu daiteke dagoeneko.
Zure interesekoa izan daiteke
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.
Indarkeria matxista "normalizatuta" dago ikus-entzunezkoen eta arte eszenikoen euskal sektoreetan
(H)emen Elkarteak eta EAB Euskal Aktoreen Batasunak bultzatutako ikerketa batek agerian uzten du ikus-entzunezkoen eta arte eszenikoen sektoreetan "indarkeria matxista ez dela kasu isolatuen emaitza, baizik eta sektorearen egiturarekin lotutako errealitate sistemikoa".
"Linguae Vasconum Primitiae" euskaraz inprimatu zen lehen liburuak azken eguna du Euskal Herrian
Bernat Etxeparek 1545ean idatzitako lana, euskaraz argitaratu zen lehen liburua, Bordelen izan da ikusgai. Frantziako Liburutegi Nazionalak du liburuaren kopia bakarra, eta azken hiru hilabeteetan Baionako Euskal Museoan izan da ikusgai. Hainbat erakundek eta hautetsik bertan uzteko eskatu badute ere, Parisko liburutegira itzuliko da, hiru urtez ilunpean gordeta edukitzeko.
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.