Biktimen oroimena, taula gainean
“Donostiak badu titulu bat, Euskal Autonomia Erkidegoan hilketa edo bizitzeko eskubidearen urraketa gehien pairatu izan dituen hiri dela”, esan du Xabi Paya Donostia 2016ko kultur programaren zuzendariak Adiorik gabe proiektuaren abiapuntua azaltzeko. “Horri helduta, proposatu dugu hainbat biolentziak eragindako urraketa horien arteko 12 kasu kontuan hartu eta lau artistari eskatzea kasu horiek aztertzeko, biktima horiengana joz, euren familiengana, memoria hori berreskuratuz eta omenaldia eginez musikaren eta letren bitartez”, azaldu du.
Aipatutako lau artista horiek Mireia Gabilondo, Teresa Calo, Iñaki Salvador eta Joxan Goikoetxea dira, eta bakoitzak hiru kasu jorratuko ditu hiru emanalditan zehar. Biktima bakoitzaren kasuari pieza artistiko bat lotuko zaio, musika sorkuntza bat edota antzezlan bat izan daitekeena, eta hildakoen familiekin lanean, elkarrizketan, dabiltza artistak horretarako, bitartekari baten laguntzaz.
Joxan Goikoetxea musikaria proiektua oso interesgarria iruditu zitzaiolako sartu zen proiektuan. “Donostia 2016ri buruz saldu digutenarekin bat zetorrela iruditu zitzaidan. Adierazpen artistikoetatik harago doan zerbait zela pentsatu nuen, gizarteari ekarpen bat egingo geniola”, esan du. Rafael Garrido eta bere familiaren kasua jorratuko du berak Adiorik gaberen lehen emanaldian, uztailaren 2koan: “Bere familiarekin hainbat elkarrizketa izan ditut eta bere unibertso intelektualaren berri eman didate, pertsona melomanoa zela esan didate… Bere unibertsoa birsortu nahi da. Gero, familiak bera errekonozitu beharko du sortutako pieza eszeniko horretan. Euren sentimenduak lengoaia artistiko batera eraman nahi ditugu”. Goikoetxearen kasuan, pieza musikala da sortu duena.
Gainerako artistei dagokienez, uztailaren 2an Donostiako Antzoki Zaharrean egingo den emanaldian, Mireia Gabilondok Mikel Zabalzaren kasua jorratuko du, Teresa Calok Juan Manuel García Corderorena eta Iñaki Salvadorek Eugenio Olaciregui Bordarena.
Adiorik gaberen hurrengo bi emanaldiak, artista berekin baina jorratzeko kasu ezberdinekin, irailaren 25ean eta azaroaren 13an izango dira.
Zure interesekoa izan daiteke
Jone San Martinek "sORDA" ikuskizuna sortu du, gortasunaren inguruan
Dantza garaikidearen eta soinuaren zein isiltasunaren arteko elkarrizketa eskaintzen du dantzari donostiarrak ikuskizun berrian.
Bilbao BBK Live jaialdiak zinema proposatuko du otsailean
'2030 Bai!' izeneko zikloak “Maspalomas”, “La voz de Hind Rajab”, “Yo capitán”, eta “Belen” filmen proiekzioak egingo ditu, Bilboko BBK Salan. Sarrera doakoa izango da, eta solasaldiak izango dira emanaldiak bukatutakoan.
Gure! jaialdia: ikasgelatik oholtzara
Erandioko Tartanga Lanbide Heziketako Ikastetxe Integratuko Ikus-entzunezkoen eta Ikuskizunen Ekoizpeneko zikloko ikasleek antolatu eta kudeatzen duten jaialdiaren laugarren edizioa otsailaren 6 eta 7an egingo dute Bizkaiko udalerrian.
61 kultur jarduera izan ziren iaz eguneko, Araba, Bizkai eta Gipuzkoan
Kulturklik Eusko Jaurlaritzaren plataformak jasotako datuen arabera, Euskal Autonomia Erkidegoko kultur ekitaldien % 40 euskaraz izan ziren 2025ean, eta beste horrenbeste doakoak.
“Urrats kolektiboak” pastoralaren testua, zubereraz eta batuan
Barkoxeko herritarrek 2025eko uztailaren 27an eta abuztuaren 2an eta 10ean antzeztu zuten pastorala, eta Euskal Telebistak 2026ko Aste Santuan emitituko du. EITBko Euskara Zerbitzuan euskara batura ekarri dute testua.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Atletico San Sebastian danborradak Jose Ramon Soroiz omendu du
Atletico San Sebastian danborradak bere kideetako bat omendu du, Jose Ramon Soroiz aktorea, hain zuzen, Donostiako Zinemaldiaren azken edizioan Zilarrezko Maskorra jaso zuena. Gaur arratsaldean hunkituta jaso du elkartearen saria, eta ahalik eta ondoen ospatu du: upelen eta danborren doinuekin bat eginez.
Labayruk bizkaieraren gramatika sareratu du
Mendebaldeko euskararen ezaugarri morfologiko, sintaktiko eta ortotipografikoak batu eta sailkatu ditu fundazioak, “euskara darabilen edo euskaraz idatzi nahi duen edonorentzat”.
Otsailaren 7an hasiko da Arabako Bertsolari Txapelketa, 18 bertsolarirekin
Martxoaren 28an jokatuko den finalerako sei txartelak eskuratzeko, bi fasetan lehiatuko dira bertsolari arabarrak, eta guztira bost saio eta finala izango dira.
Igandean hasiko dira aurtengo maskaradak, Irurin eta Ozazen
Urtarrilaren 18tik apirilaren 26ra, 15 saio egingo dituzte Zalgize, Mendikota, Ozaze eta Iruriko gazteek.