Emma Cohen Kataluniako aktorea hil da
Emma Cohen aktore, zinema zuzendari eta idazlea hil da bart Madrilen, 69 urte zituela. Bartzelonako aktoreak gaixotasun luze bati egin behar izan dio aurre, Jesus Cimarro enpresaburu eta lagunak jakitera eman duenez.
Cohen Fernando Fernan Gomezen alarguna zen. Madrilgo etxean hil da, 22:00ak aldera, azken zortzi hilabeteak “gaixotasun luze baten aurka borrokan” eman ondoren, Cimarroren arabera.
Aktoreak ez zuen hileta-elizkizun publikorik nahi; beraz, lur-ematea “erabateko intimitatean” egingo dute.
Emmanuela Beltran Raholak (hori zuen benetako izena) urteak zeramatzan erretiroa hartuta. Antzerkian egin zuen debuta, baina zinemak eman zion arrakasta.
“Garaiko emakumerik lirainetarikoa izan zen, eta horregatik Fernando Fernan Gomezek begiz jo zuen. 70eko hamarkadan lan asko egin zuen, eta oso ondo; gainera, famatu egin zen”, laburbildu du Cimarrok.
Javier Aguirreren Pierna creciente, falda menguante filmatzen ari zela ezagutu zuten elkar Cohenek eta Fernan Gomezek, 1969. urtearen bukaeran. Aktorea 2007ko azaroaren 21ean hil zen arte eutsi zioten bien arteko harremanari, nahiz eta 24 urteko adin-tartea izan bien artean.
Cohen Bartzelonako alkateordearen alaba zen. Bartzelonako Unibertsitatean Zuzenbide ikasketak egin zituen laugarren mailara arte. Mario Gas ezagutu zuen bertan. TEUrekin bat egin, eta Cervantes eta Valle Inclanen klasikoak antzeztu zituen Espainia osoan.
‘Jivago doktorea’
“Kataluniako underground zinemaren alosia” izan zen urte askotan. 1965ean, Jivago doktorea filmean parte hartu zuen, eta hiru urte geroago, Jorge Grauren eta Luis Marquinaren Tusset Street pelikulan. Sara Montielek zuen paper nagusia lan horretan.
1971n, Lady Europa izendatu zuten, eta Fernan Gomezekin antzerkia egiten hasi zen. Besteak beste, Ibsenen El enemigo del pueblo; Audibertiren El mal anda suelto eta Vodevil.
70eko hamarkadaren hasieran, film komertzialagoak egiten hasi zen: komediak, Mariano Ozoresekin batera, eta pelikula erotikoak. Besteak beste, Techo de cristal, Españolas en Paris, Las petroleras (C. Cardinale eta B. Bardotekin batera); Demasiado bonitas para ser honestas, La Mujer con botas rojas edo Las obsesiones de Armando.
Literaturan aurreneko sartu-irtena Toda la casa era una ventana nobelarekin egin zuen Cohenek. Ondoren, beste batzuk etorri ziren: La isla del aire (1990), Rojo Milady (1994), Loca Magnolia (1996) eta Ese vago resplandor (2011) autobiografia.
Zure interesekoa izan daiteke
Nhil taldea, Ahotsenean
Musika beltza egiten duen taldeak "Etxea" diskoa aurkeztu du Musikaren Plazan, Durangoko Azokaren bigarren egunean.
Euskara hizkuntza nazional gisa aldarrikatu du Euskal Herrian Euskaraz elkarteak
"Euskaraz bizitzeko, euskal errepublika" lelopean, jende andana bildu da larunbat honetan Durangoko kaleetan zehar, Durangoko Azokaren baitan.
Kulturzaleek eta sortzaileek lepo bete dute Azoka bigarren egunez
Durangoko Azokaren bigarren eguna bete-beteta egon da. Sortzaileak gustura agertu dira Azokak daraman erritmoarekin, eta jendea erruz bertaratu da eguneko planaz gozatzera.
Zer ekarri zuen Frank Gehry arkitektoak Bilbora?
Guggenheim museoaren proiektu ausartarekin hiria mundura zabaltzea lortu zuen Gehryk. Gaur asko izan dira arkitekto ezagunak Bizkaiko hiriburuan utzitako arrasto sakona gogora ekarri dutenak.
Kultur sortzaileekin bildu gara, aurtengo nobedadeetako batzuk ezagutzeko
Euskal kulturaren plazan izatea esperientzia hunkigarria eta aberasgarria da musikari zein idazleentzat. Eskertuta agertu dira, eta Durangoko Azokaren garrantzia azpimarratu dute denek.
Honelakoa izan da Durangoko Azokaren bilakaera: 60 urte bete dira ateak ireki zituenetik
Franco bizirik zen duela sei hamarkada kultur topaguneak ateak lehen aldiz ireki zituenean. Gerediaga Elkarteak kudeatzen du, eta antolatzaileek hasierako zirrara izan dute hizpide elkarrizketa honetan.
Kak! taldea , Ahotsenean
Kak! taldeak Ahotsenea guneko egitaraua abiatu du gaur, larunbatarekin, Durangoko Azokaren 60. edizioaren bigarren jardunaldian. "Kendutako azken kartela" diskoa aurkeztu du bertan.
Kulturaren plaza handira jauzi egingo dute Nagore Tamayo eta Maider Arruti artista gazteek
Nagore Tamayo tolosarra da, 25 urte ditu eta 'Nondik abiatu inora' dantza garaikideko obra aurkeztuko du gaur, Durangoko Azokan. Maider Arrutik 22 urte ditu eta errenteriarra da, eta 'Barruko dardara' film laburra erakutsiko du gaur jendaurrean. Durangon horren ohiko ez diren disziplinekin parte-hartu ahal izateko aukeraz eta gazteen sormenaz aritu da solasean Orain.eus eurekin.
Horrela gogoratu zuen Frank Gehryk bere ibilbide osoa EITBn 2022an egindako elkarrizketa batean
Amaia Uribe kazetaria arkitektoaren estudioan egon zen, Los Angelesen, eta Gehryk arkitekturaren munduan egindako lanaren errepasoa egin zuten.
Pradalesek, Aburtok, Arzalluzek eta Vidartek penaz hartu dute Gehryren heriotza, eta haren lanak Bilbon iraungo duela nabarmendu dute
Arkitekto kanadarrak Bilboko Guggenheim Museoa diseinatu zuen, 1997an inauguratu zenetik hiriaren ikono bihurtu dena.