Loraldia sormen festibalaren seigarren edizioa Bilboko 15 gunetara iritsiko da
Loraldia jaialdiaren seigarren edizioa aurkeztu dute gaur, Bilbon. Imanol Agirre Loraldia festibalaren zuzendari artistikoak ekitaldi horretan azaldu duenez, Loraldia Festibalak euskal kulturako zenbait erreferente izango ditu gogoan, hala nola Iparragirre, 200 urte beteko baitira aurten Urretxuko bardoa jaio zenetik; Joseba Sarrionandia; Agustin Xaho; eta Fermin Muguruza.
Baina nazioarteko hainbat pertsona ere ekarri eta beste begirada batez berrinterpretatuko ditu jaialdiak; izan ere, Bob Dylan euskal unibertsora eramango dute eta Lisboako fadoak ere plaza izango du Fernando Pessoa omentzeko.
Aurtengo edizioan, antzerkia, dantza, musika, literatura, zinema, gastronomia eta bertsolaritza izango dira 20 egunez.
Musikari dagokionez, Joseba Martin kazetariak euskal musikaren historia bat aurkeztuko du; Mikel Urdangarin¿ek kontzertua eskainiko du martxoaren 12an Arriaga antzokian, pianoa ere joz; martxoaren 16an, ¿Bob Dylanen zenbait hitz euskarara ekarriko dituzte ikuskizun batean; martxoaren 20an Thierry Biscaryk “Muda” proposamen artistikoa aurkeztuko du; eta martxoaren 28an Fermin Muguruza omenduko dute, besteak beste, Mad Muaselek, Juantxo Arakamak (Glaukoma) eta Nerea Erbitik.
Antzerkiaren esparruan, martxoaren 11n “Iparragirre. Bihotzeko Joxe Mari” Tanttakaren, Demode Quarteten eta Loradiaren arteko koprodukzioa aurkeztuko dute, Arriaga antzokian, eta martxoaren 27an “Lurrun minez” Galder Perezek idatzitako lana estreinatuko dute.
Literaturaren barruan, hauek dira jaialdiko hitzorduetako batzuk: martxoaren 14an “Hariak” memoria eta isiltasuna ardatz duen ikuskizuna plazaratuko dute Yoseba Peñak, Rafa Ruedak; Iraia Eliasek eta Nahikari Gabilondok; biharamunean, “Manipulazio estrategiak” Chomskyren lanean oinarritutako lana erakutsiko dute Pettik eta Harkaitz Canok; martxoaren 17an Miren Agur Meabek “Nola gorde errautsa kolkoan eztulik egin gabe” ikuskizuna eramango du Bidebarrieta Liburutegira; martxoaren 18an Fernando PEssoaren eta Joseba Sarrionandiaren arteko alegiazko topaketa bati hitzak jarriko dizkio Mikel Antzak; eta martxoaren 25ean Karmele Jaiok “Aitaren etxea” hartuko du hizpide.
Dantzari dagokionez, martxoaren 13an klakea, txalaparta eta pianoa uztartuko dituzte, BBK Aretoan, Rafa Eizagirrek, Iñaki Marurik, Bitxor Pastorrek eta Ander Sanchezek; martxoaren 15ean, “Diagonalean zehar” koreografia plazaratuko du Mizel Theret dantza-sortzaile garaikideak; martxoaren 19an Haatik Dantza Konpainiak “Errimak bi oinetan” Sustrai Colina, Xalbador, Aitor Mendiluze, Lazkao Txiki, Uxue Alberdi, Odei Barroso eta bertsolari gehiagoren errimekin egindako ikuskizuna egingo dute.
Azkenik, martxoaren 24an “Muga deitzen da pausoa” film luzea (Maider Oleaga) eta “Anti” film laburra (Josu Martinez) proiektatuko dituzte Arte Ederren Museoan, eta martxoaren 29an Alaia Martin eta Onintza Enbeita bertsolariek inprobisatuko dute Garbiñe Ubedak etorkizunari buruz idatzitako testuaren gainean.
Zure interesekoa izan daiteke
Oinkari taldeak dantzan ospatuko du bere mende erdia
Villabonako dantza taldeak “50 urte dantzan” ikuskizuna taularatuko du Olaederra kiroldegian ostiralean, hilak 21. Korrontzi folk taldea urteurrenari batu zaio, “Oinkari 50” kantuaren bidez.
Durangoko Azokaren 60. edizioaren iragarkia
Durangoko Azokaren 60. edizioa abenduaren 5etik 8ra izango da. Iratxe Reparazen bizkar dago aurtengo Azokaren zuzendaritza kreatiboa.
Olaso Dorrea Fundazioaren funtsak handituz doaz, dohaintza baliotsuei esker
Olaso Dorrea Fundazioa bere artxiboak eta Monzon-Olaso Etxe Museoaren bilduma (Bergara) handitzeko eta aberasteko lanean ari da. XX. mendetik gaur arteko historian sakondu nahi du Fundazioak, bai eta ezagutarazi ere, eta, bide horretan, hauek jaso dituzte: Telesforo Monzonek gordetako Sabino Aranaren mikrofilmatutako obraren kopia bat, Lauaxetaren gabardina eta gurutzea, Karmele Urrestiri eta Txomin Letamendiri (Karmele filmeko protagonistak) Agirre lehendakariaren Gobernuak emandako dokumentazioa, Otaegi eta Garmendiaren aldeko pankarta, bala tiroz zulatutako Txomin Iturberen alkandora eta Txillarre baserriko lehen akordioaren originala.
“Gipúzcoa” Pio Caro Barojaren dokumentala, Tabakaleran
“Ipuscua” izena lehenbizikoz agertu zeneko milagarren urteurrenaren ospakizunei dagokie proiekzioa. Pelikula 1976 eta 1979 urteen artean filmatu zuten, eta Gipuzkoako orduko errealitate sozial eta kulturala jasotzen duen dokumentu etnografikoa da.
Frankofoniaren eremuan hizkuntza gutxituek dituzten erronkei buruzko biltzarra antolatu du Etxepare Institutuak Parisen
Astelehen honetan egindako aurkezpenean azaldu dutenez, hilaren 19an eta 20an egingo den topaketak bat egiten du Etxepare Euskal Institutuaren 15. urteurrenarekin, eta 'Ça colle au basque' ekimenaren testuinguruan antolatu da, unibertso frankofonoan euskararen eta euskal sorkuntzaren proiekzioa indartzeko abiatutako egitasmoaren baitan, alegia.
"GO!AZEN" telesailaren 12. denboraldia ikusgai da jada MAKUSI plataforman
Gaur goizetik, "GO!AZEN" telesailaren 12. denboraldiaren lehen atala MAKUSIn da ikusgai. ETB1era, aldiz, ostiralean iritsiko da. Basakabiko gaztetxoek abentura ugari biziko dituzte oraingoan ere. Udalekua guztiz aldatuta ikusiko dugu, Maitane zuzendariaren ideia berriekin eta adingabeen zentrotik etorritako gazteekin. Aurtengo istorioekin, elkar ulertzearen eta taldean aritzearen garrantziaz ohartarazi nahi dituzte ikus-entzule gazteak.
EITB, Seriesland Bilbao International Digital Festival jaialdian saritua
Bilboko Guggenheim Museoan izan den ekitaldian, hauek saritu dituzte: Desagertuta, Marina Ostolaza (Power Up), Irabazi arte, Intimitatean, Itsatsita berriz, Voces de la Tierra eta Ardi beltzak.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
Azaroaren 25ean eta 26an izango da DA! PRO topaketaren zazpigarren edizioa
Sortzaileen eta eta programatzaileen arteko elkargunea eskaintzen du Durangoko Azokaren ekimen honek. Familia ikuskizunen egileek eta musikariek euren proposamenak aurkeztuko dituzte kultur zein euskara teknikari, liburutegietako dinamizatzaile eta jai-antolatzaileen aurrean, azaroaren 25ean (familia ikuskizunak) eta 26an (musikariak), Durangoko Bizenta Mogel liburutegian. Familia ikuskizun hauek aurkeztuko dituzte: Oñatiko Algaraz ikuskizun elkartea (Potx eta Lotx Lagunekin topa!), Josan Aramayo (Kanutoren Anaia), Lanku (Txepeldunak haurrentzako bertso antzerkia), Lanku (Teilatupean), Lanku (Bertso garbitzailearena), GRAMA Kolektiboa (Erresinolaren Kantua), Euskal Barrok Ensemble (Xirribit) eta Zurrunka Teatro (Pulcinella Txio-Txinela). Parte hartuko duten musikariak, berriz, hauek izango dira: Sueder, Sara Zozaya, Gartxot, Jonkass, Hondora, Ilargi, Maialen Ibarra, Uxue Kerejeta, Euskal Barrok Ensemble eta Maider.
Delaware Choral Scholars abesbatzak irabazi du Tolosako 56. Abesbatza Lehiaketa
AEBko abesbatzak lau sari eskuratu ditu: polifonia saileko eta folklore saileko lehenengo sariak, Kutxaren sari nagusia eta euskal abesti baten interpretazio onenaren saria.