Gutun Zuria, azken txanpan
Lehenbiziko astea atzean utzita, Gutun Zuriak, Bilboko nazioarteko letren jaialdiak, aurrera darrai. Margo Glantz idazle, irakasle eta kazetari mexikarrak irekiko du hitzaldi zikloa eta Menchu Gutierrez idazlearekin arituko da solasean. Igandera bitarte, John Banville, Antonio Lobo Antunes eta Harkaitz Cano idazleek parte hartuko dute jaialdian.
Gutun Zuria, Bilboko nazioarteko letren jaialdiko seigarren edizioa arrakastatsia izaten ari da. Lehenbiziko astean, mila pertsona baino gehiago erakartzea lortu du. Baikor agertu da Lourdes Fernandez, alondegi zaharreko zuzendaria.
Margo Glantz idazle, irakasle eta kazetari mexikarraren hitzaldiarekin abiatuko da ostegunean, jaialdiaren bigarren zatia. Irakurketatik idazketarako bidean, berarengan erreferente izan diren autore eta liburuez arituko da Glantz. Gaztaroan Julio Verne edo Alejandro Dumas eta orain, David Markson idazle iparamerikarra edota Sebald alemaniarra ditu gustuko. Guztiek utzi dute arrastoa berarengan baina gaztaroko liburuak berrirakurtzean ohartu da, zein ahula den memoria. Ez zituen liburuak gogoratzen, soilik anekdota txikiak baina hala ere, irakurketa horiek bere idazteko moduan izan duten eragin handia azpimarratu du. Gai horretaz arituko da hain justu, hitzaldian.
Igandera bitarte, John Banville, Antonio Lobo Antunes eta Harkaitz Cano idazleek parte hartuko dute Gutun Zuria jaialdian. Hiztaldiez gain, Oskar Alegria zuzendariaren "Emak Bakia" dokumentala eta Maialen Lujanbio bertsolariak eta Xabier Erkizia musikariak elkarrekin sortutako ikuskizuna aurkeztuko dira.
Zure interesekoa izan daiteke
Idazleak, Gabriel Arestiren ispiluari begira
Ostiralean, azaroak 14, Edorta Jimenezek, Sonia Gonzalezek, Tere Irastorzak, Harkaitz Canok, Iñigo Astizek eta Leire Vargasek galdera honi erantzungo diote, Euskaltzaindiaren Bilboko egoitzan: “Zer ikusten duzu Arestiren ispiluan zeure burua islatzen duzunean?”.
Bakardadea eta nortasuna hartuko ditu hizpide Literaktum letren jaialdiak
Donostiako literatura jaialdiak Juan Jose Millas, Eider Rodriguez, Javier Cercas, Laura Chivite, Arantxa Urretabizkaia, Juan Manuel de Prada, Julen Apella, Belen Gopuegui, Harkaitz Cano eta Ignacio Martinez de Pison gonbidatu ditu, besteak beste.
Anjel Lertxundi sarituko dute Irun literatura sarietan
Azaroaren 22an, Irun literatura sarien 46. edizioko banaketa ekitaldian, omenduko dute Lertxundi. Sariok Garazi Kamio Anduagak, Karlos Linazasoro Izagirrek, Mario Marínek eta Marina Casadok jasoko dituzte.
Bernardo Atxaga: "Pertsonaiarik gabe ez dago nobelarik"
Bernardo Atxaga idazleak Enarak eleberria (Pamiela argitaletxea) aurkeztu du gaur Arte Ederren Bilboko museoan.
Lourdes Oñederra: “Isiltasuna zentsura edo auto-zentsura bada, bakerik gabe bizitzera kondenatzen gaitu”
Donostiar idazleak “Azken batean” liburua argitaratu du, bere hirugarren eleberria. Ama-alaba heldu batzuen bizitzan sakonduz, absentzia, isiltasuna eta indarkeria kartografiatu ditu Oñederrak.
Karmele Mitxelenak, Laura Chivitek eta "Gerra Gazan" liburuak Zilarrezko Euskadi sariak jaso dituzte
GIpuzkoako liburu-denden elkarteak Zilarrezko Euskadi sariak banatu ditu goizean; Karmele Mitxelenak (Zoriona, edo antzeko zerbait), Laura Chivitek (El ataque de las cabras) eta Joe Saccoren Gerra Gazan (Astiberri argitaletxea) lanek jaso dituzte literatura lanei bigarren aukera bat eman nahi dien golardoa.
Espainiako Kultura Ministerioak Xabier Olarra eta Marian Ochoa de Eribe itzultzaileak saritu ditu
Olarra tolosarrak Itzultzailearen Obraren Espainiako Saria jaso du, eta Maria Angeles Ochoa de Eribe bilbotarrak Itzulpen Onenarena, “Theodoros” Mircea Cărtărescuren eleberria gaztelaniara eramateko orduan egindako lanagatik. Sari bakoitzak 30.000 euroko diru saria dakar.
Garazi Albizuak, Koldo Bigurik, Markos Zapiainek eta Itxaso del Castillok ere irabazi dituzte Euskadi sariak
Gaztelaniazko Literatura, Euskarazko Literatura Itzulpena, Saiakera Euskaraz eta Saiakera Gaztelaniaz modalitateetako irabazleak dira, “Termita”, “Arturoren uhartea. Ume baten oroitzak”, “Txillardegi hizkuntzalari” eta “Mujeres furiosas. El monstruo femenino en el audiovisual de terror” lanekin. Joan den astean, Unai Elorriaga, Karmele Mitxelena eta Maite Rosende idazleek ere jasoko dutela iragarri zuten.
‘Linguae Vasconum Primitiae’, urriaren 11tik aurrera ikusgai Baionako Euskal Museoan
Linguae Vasconum Primitiae liburuaren ale bakarra Baionako Euskal Museoan ikusi ahal izango da larunbat honetatik urtarrilaren 11ra. 1545ean Bordelen argitaratutako lan hau "mugarria" da euskal literaturan, eta autoreak berak (Bernart Etxepare) eman dio izena Institutuari. Linguae Vasconum Primitiae lanak 28 orrialde ditu, eta, itxura xumea izan arren, garrantzi berezia du euskal ondarearen historian.
Eider Rodriguez: "Normaltasun nahiaren azpian ezkutatzen den ezinegona agerrarazten saiatu naiz"
Eider Rodriguez idazleak "Dena zulo bera zen" (Susa, 2025) liburua argitaratu du. Lanak sei kontakizun biltzen ditu.