Literaturak eta futbolak elkar ezagutu zutenekoa, Bilbon hizpide
Hautsak harrotu dituen nazioarteko futbol txapelketaren atarian, Letrak eta Futbola jaialdiak futbola hizpide eta ardatz hartuko du, Bilbon, ekainaren 2tik 6ra. Egun horietan, literatura eta futbola kiribiltzen dituzten hainbat ekimen egongo dira hirian, Athletic Club Fundazioak antolatuta.
Futbolak, gizarte topagune eta kirola egiteko ez ezik, beste hainbat gauzatarako ere balio duela erakutsi nahi dute ekimen honen bidez.
Punta-puntako hizlariek hartuko dute hitza arratsaldero BBK Aretoan izango diren solasaldietan, hala nola Eduardo Mendozak, Amets Arzallusek, Eduardo Sacherik, David Truebak, Ander Izagirrek, Santiago Roncagliolok, Coque Mallak, Zuhaitz Gurrutxagak, Enric Gonzálezek, Andoni Egañak...
Futbolaren eta sormenaren arteko harremana, kazetariek erreportajeetan futbolari nola begiratzen dioten, komikiak eta literaturak futbola nola erakutsi duten... Horiek jorratuko dituzte hizlariek mintzaldietan, eta ekainaren 6an rapa, bertsoak eta futbola lotuko dituzte zenbait DJk, Sustrai Colinak, Miren Amurizak, Aitor Sarriegik eta beste hainbat bertsolarik eta musikarik.
Gainera, jaialdiaren kariaz, Athletic Club Fundazioaren boluntario talde batek futbolak eta literaturaren arteko batuketak betetako 60.000 liburu ale banatuko ditu Bilbon. Harkaitz Cano, Karmele Jaio, Juan Villoro, Pedro Zarraluki, Pablo Moiño eta David Trueba dira ipuin horien idazleak.
Albiste gehiago literatura
EHUk Gabriel Arestiren pentsamenduaren gaurkotasuna aldarrikatu du
EHUko 35 ikasle-irakaslek gaur egundik begiratu diote duela mende erdi zendutako bilbotar idazlearen obrari eta pentsamenduari, "Gabriel Arestik ereindakoak 1975-2025" liburuan.
"Esteban Urkiaga, Lauaxeta. Poesia, artea, ideologia" liburua argitaratu du Jon Kortazarrek
Bizkaitar irakasle eta ikertzaileak bi atal nabarmendu ditu Pamiela etxeak argitaratu duen lanean. Lehenengoan, Lauaxetaren poesia artearekin eta ideologiarekin lotzen du, eta bigarrenean gizarteak Lauaxetaren bizitzaz eta lanaz egin duen harrera aztertu du. Bizkaitar idazlea fusilatu zuten eguneko 88. urtemugan aurkeztu dute lana. (Musika, "Azken oyua" Antton Valverdek musikatuta)
400 lagunek Bizenta Mogelen "Ipui onak" irakurriko dute ostegunean, Arriagan
Emakume batek argitaratu zuen euskarazko lehen liburua aukeratu dute Bilbo Zaharra euskaltegikoek Klasikoen Irakurketa Etenik Gabearen XVIII. ediziorako. Nerea Ibarzabal markinar idazle eta bertsolariak abiatuko du saioa, 08:00etan.
Jabier Kalzakortak Bilboko Liburu Azokako Urrezko Luma jaso du
Markinar irakasle, ikertzaile, euskaltzain eta idazleak jaso du Bilboko literatura hitzorduaren garaikurra. Herri literaturan aditu handia da Kalzakorta.
Jabier Kalzakorta: ''Neska harrigarri argia zen Bizenta Mogel''
Markinar euskaltzain, irakasle eta ikertzaileak Bizenta Mogelen argitasuna azpimarratu du.
Bizenta Mogel, "zigor zaurigarriaren beldur" izan ez zen idazlea
Ekainaren 5ean, "Ipuin onak" Bizenta Mogelen liburua irakurriko dute Arriaga antzokian, Klasikoen XVIII. Irakurketa Jarraituan. Euskaraz idatzi zuen lehen emakumetzat hartu izan da Bizenta, Joan Antonio Mogel "Peru Abarka"ren egilearen iloba.
Miren Agur Meabe, Dolores Redondo eta Mircea Cartarescu, Bilboko Liburu Azokako zilarrezko lumen irabazle
Maiatzaren 30etik ekainaren 8ra egingo da Areatzan 55. Bilboko Liburu Azoka. Hurrengo egunetan sari gehiago banatuko dira, besteak beste, Urrezko Luma eta Kutxabank Atea sariak.
Ngugi Wa Thiong'o kenyar idazlea zendu da
Thiong'ok kikuyu hizkuntzan idazten zuen eta Nobel sarirako hautagai izan zen sarritan; 87 urteko idazlearen hainbat lan daude euskaratuta, "Gerra garaiko ametsak" lan autobiografikoa, berbarako.
Esteban Urkiaga 'Lauaxeta' omendu dute haren jaiotzaren 120. urteurrenean
Bizkaiko Foru Aldundiak ekitaldi bat egin du gaur Laukizen, "Bide barrijak" eta "Arrats beran" sortu zituen poetaren jaiotzaren urteurrena ospatzeko.
Literaturak eskaintzen duen ihesbidea ospatuko du Literaturiak
Maiatzaren 23tik 25era egingo dute Literaturia Zarautzen, aurten 'Ihes' lelopean. Liburu azoka, liburu aurkezpenak, elkarrizketak, eta musika, antzerki eta bertso emanaldiak bildu dituzte programan.