Wayne Shorter eta Eliane Elias, Getxoko 36. Jazzaldian
Asteburuan egingo duten Getxoko 36. Jazzaldia. Wayne Shorter saxo-jotzailea eta Eliane Elias piano-jotzailea dira aurtengo protagonista nagusiak. Larry Carlton, Mike Stern eta Richard Bonaren banda, eta China Moses dira programazioa osatuko duten gainontzeko musikariak.
Jaialdiaren lehenengo egunean, uztailaren 4an, Larry Carlton (1948, Torrance, Kalifornia, AEB) arituko da. Jazz eszenako gitarra-jotzaile handienetariko bat da eta Grammy sarietarako 19 izendapen lortu ditu, lau sari irabazita.
Uztailaren 5ean, China Moses (1978, Los Angeles, Kalifornia, AEB) ariko da, etorkizun handiko abeslari gaztea. Dee Dee Bridgewater abeslari handia du ama eta horren eragina ezinbestekoa izan du. Raphaël Lemmonier piano-jotzailearekin ariko da eta, besteak beste, "This One Is For Dinah" Dinah Washington omenezko diskoaren kantak interpretatuko ditu.
Wayne Shorter (1933, Newark, New Jersey, AEB) uztailaren 6an iritsiko da Getxora. Egungo jazzaren mitoa eta trebezi handiko inprobisatzailea da. Bere jarduera Manhattaneko klubetan hasi zuen eta laster hasi zen artista ospetsuekin jotzen: Miles Davis handia, John Coltrane, Sonny Rollins, Art Blakey, Joe Zawinul (azken honekin Weather Report talde ospetsua sortu zuen).
Uztailaren 7an, jazz fusion eta world music izango dira nagusi Getxon, Mike Stern (1953, Boston, AEB) gitarra-jotzailearen eta Richard Bona (1967, Minta, Kamerun) baxu-jotzailearen eskutik.
Azkenik, uztailaren 8an, Eliane Elias (1960, Sao Paulo, Brasil) piano-jotzaile, abeslari eta konpositorearen hirukoteak amaituko du Getxoko aurtengo jazzaldia.
Zure interesekoa izan daiteke
Kneecap taldea Bilbora itzuliko da, ekainean
Bilbao BBK Live jaialdiaren iazko edizioan jo eta gero, Belfasteko hirukoteak “Fenian” disko berria aurkeztuko du oraingoan, Santana 27 aretoan, ekainaren 8an.
Pepo Márquez: “Jada ez dago kontsumo kultural kaltegaberik”
“Antineutral” saiakeran, musikari eta musika industriako profesionalak musika lurralde neutrala izan ote daitekeen galdetzen dio bere buruari (spoilerra, ez), eta inbertsio funtsek, joko eremu horretan sartuta, hankaz gora jarri duten industriaren zentzu kulturalean sakontzen du.
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.