Musiketan zikloak 14 kontzertu txiki eramango ditu Baluartera
Musiketan zikloak kalitatezko kontzertuak eramango ditu Iruñeko Baluarte Auditoriora, 2012ko urritik 2013ko maiatzera bitartean. 14 emanaldi izango dira, formatu txikian, eta artista eta publikoa elkarrengandik "hurbil" izatea ahalbidetuko dute.
José Ángel Serrano Producciones Serranoko arduradunak eta Javier Lacunza Baluarteko gerenteak zikloaren 20. edizioa aurkeztu dute.
Peter Hammill, Lou Lesage, China Crisis, eta Lakecia Benjamin Iruñean izango dira, eta, Serranok esan duenez, "musikariak formatu txikian ikusteko aukera" izango da emankizunetan. Haren ustez, horrelako " musikariek ezin dute beren artean txantxarik egin, ez baita beraiek existitzen: bakarlaria eta ezer gutxi gehiago dago".
Zikloaren ezaugarrietako bat da publikoaren eta musikarien arteko hurbiltasuna, eta, gainera, "genero guztiak" eskaintzen ditu. Serranok jakinarazi duenez, "musika estilo guztiek dute tokia". Zikloak kalitatea izatea da helburua, publikoa kontzertuetara gerturatzea, musikaria ezagutzen ez badute ere", adierazi du.
Urriaren 5ean hasiko da zikloa, Peter Hammillen rock progresiboarekin. Hilaren 20an Lou Lesageren indie-rocka izango da. Azaroaren bi kontzertu izango dira: Haight Ashbury (10ean) eta Nervous But Excited (24an).
Tom Russellen country doinuak abenduan helduko dira, hilaren 15ean, hain zuzen ere. Urtarrilean bi emanaldi izango dira, Elliot Murphy, 12an, eta Paddy Keenan, 24an. China Crisis otsailaren 15ean izango da zuzenean.
Martxoaren 2an, Martin Carthyren folk doinuak izango dira Baluarten eta baita Lakecia Benjaminen jazz-soula ere, 16an. Serranok esan duenez, "jaialdiaren ustekabeetako bat izan daiteke". Apirilean Charles Walker (6an) eta Eddie Reader (19an) izango dira.
Azkenik, maiatzaren 4an Kuunkuiskaajat izango da eta 18an Phil Cunningham & Aly Bain izango dira, Musiketan zikloari amaiera emateko.
Kontzertuetarako sarrerak abuztuaren 22an jarriko dituzte salgai. Hilaren 31a baino lehen eskuratuz gero, sarrerak 12 eurotan eskuratu daitezke, irailaren 1etik aurrera, ordez, 13 euroko salneurria izango dute. Kontzertu guztietarako abonoa 120 eurotan erosi daiteke, %29ko deskontua eskuratuz.
Zure interesekoa izan daiteke
Señeak egonaldiak musika gerturatuko die gazteei
Señeak Bizkaia Rock Kanpusak "lehen mailako euskal artistekin" ikasteko aukera eskaintzen die 14 eta 17 urte bitarteko gazteei.
Kneecap taldea Bilbora itzuliko da, ekainean
Bilbao BBK Live jaialdiaren iazko edizioan jo eta gero, Belfasteko hirukoteak “Fenian” disko berria aurkeztuko du oraingoan, Santana 27 aretoan, ekainaren 8an.
Pepo Márquez: “Jada ez dago kontsumo kultural kaltegaberik”
“Antineutral” saiakeran, musikari eta musika industriako profesionalak musika lurralde neutrala izan ote daitekeen galdetzen dio bere buruari (spoilerra, ez), eta inbertsio funtsek, joko eremu horretan sartuta, hankaz gora jarri duten industriaren zentzu kulturalean sakontzen du.
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.