Lou Reed musikari eta The Velvet Underground taldeko liderra hil da
Lou Reed musikaria eta The Velvet Underground taldeko liderra hil da igande honetan New Yorken, Rolling Stone aldizkariak bere webgunean iragarri duenez. Ez dute heriotzaren zergatiaren gaineko xehetasunik zabaldu. Maiatzean gibeleko transplantea egin zioten.
Abeslari, gitarrista eta konposatzaile gisa jardun du, eta azken 50 urteetako musika estatubatuarraren baitan itzal handiko pertsona izan da. Bere ibilbidean hainbat norabide aldaketa egin ditu, eta bera gabe zaila da glam, punk eta rock alternatiboa ulertzea.
Lewis Allan Reed 1942an jaio zen, Brooklyn auzoan, eta ikasketak amaitu orduko musika talde batean jotzen hasi zen. Talde hori aldatuz joan zen, gero The Velvet Underground taldea izango zena sortu arte. 1967 eta 1970 artean, lau disko grabatu zituzten, eta bere garaian kritikaren eta publikoaren aitorpena izan ez bazuten ere, ondorengo belaunaldientzat inspirazio iturri izan dira.
Musikariak rock-and-rollaren hizkuntza berritu zuen bere abestiekin, eta kantuetan zarata eta melodia uztartzen zituen. 1960ko eta 1970eko hamarkadetako New Yorkeko bizimodua kontatzen zuen bere lirikotasun eta gordintasun handiko abestietan.
The Velvend Underground & Nico estreinako diskoa (1967) musikaren historiako erreferentzietako bat da.
1970ean, Lou Reedek The Velvet Underground taldea utzi zuen, eta bakarkako bideari ekin zion. Rockaren mito bihurtu zen, eta alkoholarekin eta drogarekin arazoak izan zituen. Bakarlari gisa, Transformer (1972), Berlin (1973), Metal Machine Music (1975) eta New York (1989) diskoak argitaratu zituen, eta guztiek ere kritikaren babesa jaso zuten.
Bere burua behin eta berriz berrasmatzen eta musika estilo propioa sortzen jakin du. Gerora, The Velvet Underground taldearen bilera batera joan zen, eta, 1994an, bira bat egin zuten Europan barrena. Berak eginak dira 'Walk on the wild side', 'Transformer', 'Sweet Jane', 'The heroine' eta 'Rock 'n Roll' abestiak, esaterako.
2007an, Hudson River Wind Meditations diskoa argitaratu zuen, eta Metallicak 2011n argitaratu zuen Lulu diskoan kolaboratu zuen.
Zure interesekoa izan daiteke
Gatibuk sorpresaz beteriko emanaldi batekin ekin dio agur kontzertu sortari
Gernikako taldeak abenduaren 13an utziko ditu eszenatokiak, BECen eskainiko duen hirugarren kontzertuarekin, abenduaren 6koaren eta 12koaren ostean. ETB1ek zuzen-zuzenean emango du azken emanaldi hori.
Ruper Ordorika: “Kantuen bitartez antolatzen dut neure anabasa”
Oñatiar musikari erraldoiak, herri honen bizitza emozionalaren kronikari nekaezinak, Lurra ikutu barik diskoa (Elkar, 2025) argitaratu du, sasoi zail batean “hautatu gabe, gainetik, etorri zaizkidan gai batzuk” musikatzeko ariketa zirraragarria. Lan hori ontzeko ahaleginaz, sortzeaz, musikariekiko harremanaz, ikaran ari den mundu batean kokatzeko moduaz eta musikaren industriaz hitz egin dugu Ordorikarekin, Durangoko Azokaren atarian.
Gatibuk adin guztietako zaleak bildu ditu oholtzatik jaitsi aurretik
Gernikako talde ospetsuak amaiera borobila emango dio 25 urteko ibilbideari, asteburu honetan eta hurrengoan, BECen, 45.000 pertsona bilduta. “Agur esan barik” kontzertua eskainiko du ETB1ek abenduaren 13an, zuzenean, 21:00etatik aurrera.
2026an ez da Koba Live jaialdia egingo Abadiñon, erakundeek diru-laguntzak murriztu ondoren
Ohar batean, Sugaar musika elkarte antolatzaileak azaldu du Bizkaiko Aldundiak eta Abadiñoko Udalak diru-laguntzak murriztu izana dagoela erabakiaren atzean. Etena behin betikoa dela ere argitu du elkarteak, eta ez du baztertzen etorkizunean metal eta rock jaialdia berreskuratzea.
Zea Mays, euskara 30 urtez kantuz zabalduz
Bilboko Udalak, euskararen nazioarteko egunaren ospakizunaren barruan, Zea Mays taldea omendu du euskarari egindako ekarpen handiagatik. Esker onez eta hunkituta jaso dute, eta azpimarratu dute 30 urte gehiagoz euskaraz abesten ibiliko direla, munduan zehar.
ETS taldeak disko berriaren aurrerapen festa egin du, 8.000 lagunen aurrean
En Tol Sarmiento musika taldeak "Konkista" deituriko disko berria aurkeztuko du ostiralean, Durangoko Azokan. Hala ere, igande honetan entzunaldi festa egin du 8.000 lagunen aurrean, eta abesti berriak zuzenean jo ere egin dituzte.
Delirium Tremens taldearen azken kontzertua
Rock munduko euskal talde mitikoak azken kontzertua eman du bart Bilbon, Zarama, Zea Mays, Jotakie eta Baldin Bada taldeetako kideekin batera. Argitaratutako lau diskoetako abestiak ekarri dituzte gogora bertan.
BOSek umeentzako bi kontzertu egingo ditu Basurtuko Ospitalean
Bilbao Orkestra Sinfonikoko interpreteak Bilboko ospitale horretako Neonatologia Unitatean eta Pediatria Zerbitzuan arituko dira.
Hertzainak taldeko hiru kidek Elkar auzitara eraman dute, diskoetxeak taldearen eskubide digitalak urratu dituelakoan
EITBk jakin duenez, musika taldeko hiru kidek (Josu Zabala, Luis Javier Saiz 'Txanpi' eta Enrique Saenz 'Kike') diskoetxeari leporatzen diote taldearen eskubide digitalak kontraturik gabe kudeatu izana. Garik ez du bat egin salaketarekin.
Jimmy Cliff reggaearen mitoa zendu da
James Chambers izenez jaioa, jamaikar musikaria "Sittin' in Limbo", "King of kings", "Vietnam", "You Can Get It If You Really Want" eta "Many Rivers to Cross" kantuengatik zen ezaguna, besteak beste. The harder they come filmeko protagonista ere izan zen Cliff. Irudietan, Donostiako 2015eko Jazzaldian egin zuen kontzertua. 81 urte zituela zendu da.