Ara Malikian: 'Musikak sentsibilizatu eta batu egiten gaitu'
Ara Malikian biolin-jotzaile libanoarra kontzertu bira bat egiten ari da egun hauetan Kepa Junkerarekin batera. "Un viaje en el tiempo" izenburua duen proposamena bi musikarien arteko "elkarrizketa bat da", Malikianen esanetan.
"Nire bizitza guztiak biolinarekin harremana du. Ez diot hitz egiten, ezta berarekin lo egiten ere, baina nire lanerako instrumentua da", esan du Ara Malikian biolinistak ETB2ko "Entrada Libre" saioan.
Musikariaren aburuz, musikak eta arteak sentsibilizatzeko balio dute: "Gure musikak gure erroekin zerikusia dute, baina elkarrizketa pertsonen artean egin behar da, eta musika beti ulertzen da. Arteak eta musikak sentsibilizatu eta batu egiten gaituzte. Estatuburuak artistak balira, askoz hobeto ulertuko genuke elkar".
Egiten duen interpretazio berritzaileagatik ere da ezaguna Malikian: "Jotzen dudanean mugitzeagatik errieta egiten zidaten beti, baina nik ez nuen ulertzen, musika gorputzean sartzen zaizulako eta mugitu egiten zaituelako, emozionatu egiten zaitu. Ez dut koreografia bat egiten, musikak mugitzen nau".
Biolin-jotzailearen aburuz, "jarrera solemne eta handiusteak zale asko urrundu ditu, musika klasikoaz asko gozatu zezaketen asko. Musika klasikoak, beraz, berriro adiskidetu behar du".
Horrez gain, Libanoko musikariak zorte handia duela uste du: "Gauza bera egiten jarraitu nahi dut. Gustuko duzuna egiten bizitzea amets bat da, eta jotzen, bidaiatzen, lagunekin topatzen eta biolina jotzen hazten jarraitu nahi dut".
Albiste gehiago musika
Akelarre bueltan da, bere ibilbidea jasotzen duen dokumental batekin
Taldearen historia, izan dituen kideen eta jarraitzaileen adierazpenak, une bereziak eta inoiz ikusi gabeko irudiak bilduko ditu dokumentalak. Azken ukituak eginda, udazkenean estreinatu nahi dute.
Steven Van Zandtek ezingo dio Springsteeni lagundu Anoetako bigarren kontzertuan
E Street Bandeko gitarristari ebakuntza egin behar izan diote Gipuzkoako hiriburuko ospitale batean New Jerseyko musikariak larunbatean eman zuen kontzertuaren ondoren, apendizitisak jota baitzegoen.
Bulego taldeak ez du Sonorica jaialdian joko
Castro Urdialeseko jaialdian jotzekoa zen taldea, uztailaren 18an, baina atzera egitea erabaki du Superstructi, KKR inbertsio funtsa atzean duen taldeari, baitagokio musika topagune hori.
Bruce Springsteenek 40.000 zale bildu ditu Anoetako lehen emanaldian
Sasoi onean dagoela erakutsiz, Bruce Springsteenek txundituta utzi zituen bart Anoeta bete zuten 40.000 zaleak. Kritika politikorako baliatu zuen emanaldia, eta, Trumpi aipamena eginez, batasuna aldarrikatu zuen autoritarismoen aurrean. Asteartean beste hainbat zale bilduko ditu Anoetan eskainiko duen bigarren kontzertuan.
Hunkituta jaso du Antton Valverdek Adarra Saria
Antton Valverde musikari donostiarrak jaso du aurtengo Adarra saria Eneko Goia alkatearen eskutik. Euskal kantagintzari egindako ekarpena aitortu diote. Saria musika sortzen jarraitzeko bultzada handia dela esan du sortzaile donostiarrak.
Bruce Springsteen Donostian da jada
Bart Frankfurten kontzertua eskaini ondoren, Springsteen eta bere talde osoa Hondarribiko aireportura iritsi dira bi charter hegalditan. Dozenaka lagun zituen zain Donostiako Maria Cristina Hoteleko atean, datozen egunetan bere kuartel nagusia izango den hotelean. Bossek bi kontzertu eskainiko ditu Anoeta estadioan. Lehenengoa larunbatean izango da, 38.000 jarraitzaileren aurrean, eta bigarrena, berriz, asteartean, ekainaren 24an.
50.000 musikazale espero ditu ateak ireki berri dituen Azkena Rock jaialdiak
Dinosaur Jr. estatubatuarrak izango dira osteguneko kartelburuak, eta The Damned britainiarren punka ere izango da entzungai. Ostiralean, John Fogerty eta bi urteren ostean Azkenara itzuliko den Lucinda Williams izango dira izen nagusiak. Johnny Rotten Sex Pistols taldeko abeslari ohiak indarra jarriko du. Larunbatean, Manic Street Preachers talde ezagunak, The Flaming Lipsen psikodeliak eta The Hellacopters suediarren 30. urteurrenak emango diote amaiera 23. edizioari.
Dena prest da Mendizabalan, Azkena Rock Festival hartzeko
Gaur hasiko da Gasteizko rock jaialdi beteranoaren 23. edizioa. Alfonso Santiago arduradunak esan digunez, "modan ez dagoen festibala" da Azkena Rock Festibal.
Akelarre musika taldea, pantailara
Bideografik durangar ekoiztetxea plaza taldearen 33 urteko historia biltzen duen dokumental bat grabatzen ari da. 2025eko udazkenean estreinatu nahi dute,
Dee Dee Bridgewater, Marc Ribot eta Bill Bruford sarituko dituzte Donostiako 60. Jazzaldian
Musika jaialdiak 88 kontzertu eskainiko ditu bederatzi egunean, horietatik 51 doakoak.