Musika Hamabostaldiak atzera begiratuko du 75. urteurrenean
1939ko abuztuaren 16an, Schuberten "Sinfonia Bukatugabea"k abiatu zuen Donostiako Musika Hamabostaldia. Uda honetan, 75. urteurrena dela eta, jaialdiak lan hori eta "La Boheme" (Puccini) berreskuratuko ditu, besteak beste.
Antolatzaileek oso programazio berezia prestatu dute 75 urte beteko dituztela ospatzeko: Hamabostaldiaren historia luzean berebiziko tokia egin duten lanak aukeratuko dituzte, honezkero.
Kursaaleko auditoriumeko agertokitik, Rotterdameko Orkestra Filarmonikoa, English Baroque Solists, Budapest Festival Orchestra eta Tolosako Kapitolioko Orkestra pasatuko dira, besteak beste, antolatzaileek ohar batean iragarri dutenez.
Aurtengo ekitaldirako iaz baino aurrekontu handiagoa erabiliko dute, eta abuztuaren 1etik 31ra iraungo du. Itxierarako, Budapest Festival Orchestra taldea izango da, Ivan Fischerren gidaritzapean, Schuberten "Sinfonia Bukatugabea" jotzen. Halaber, hilaren 3ean Brahmsen 3. eta 4. sinfoniak ere joko ditu Hungariako orkestrak.
"La Boheme", bestalde, Valentziako Arte Jauregiaren ekoizpena da; Davide Livermore da eszena zuzendaria, eta abuztuaren 15 eta 16an taularatuko dute.
Verdiren "Requiem" 1940an heldu zen Hamabostaldira, eta "hitzordu nagusietakoa" izango da aurten ere, beti bezala, musika barrokoarekin eta balletarekin batera.
Donostiako Orfeoiak 1939tik parte hartu du Musika Hamabostaldian, eta aurten Tolosako Kapitolioko Orkestra Nazionala izango du lagun, abuztuaren 1ean, "Faustoren kondenazioa" (Berlioz) eskaintzeko.
Euskadiko Orkestra Sinfonikoak, bestalde, hilaren 22an eskainiko du emanaldia Jun Markl alemaniarra zuzendari dela. "Egmont" (Beethoven) goitik behera joko dute.
Horrez gain, ez dira faltako, ohiko legez, Antzinako Musikako, Musika Garaikideko, Organoko, Musikari Gazteen zikloak eta Hamabostaldi Ibiltaria.
Zure interesekoa izan daiteke
"Hasiera bat" diskoaren birako azken kontzertua eman du Gorka Urbizuk, Victoria Eugenia Antzokian
Gorka Urbizuk igande honetan eman du "Tour Bat" biraren azken kontzertua, Victoria Eugenia Antzokian (Donostia). Lekunberriko musikariak 4 kontzertu eskaini ditu Donostiako antzoki horretan, eta sekulako harrera eta berotasuna jasota, denetan agortu ditu sarrera guztiak. Igandeko kontzertua ikusgai izango da oso osorik ETBn.
Eñaut Elorrieta eta Alos Quartet “Ahots kordak” prestatzen ari dira, kontzertu bakanen sorta
Estreinakoz, Eñaut Elorrietak eta Alos Quartetek kontzertu sorta bat emango dute: "Ahots kordak". Taldea sinplea eta eraginkorra izango da: soka laukote bat, ahotsaz osatua. Bidaia musikal honen lehen geldialdia Tolosan izango da, urtarrilaren 3an. Gasteizen, Zornotzan eta Donibane Lohizunen arituko dira gero.
Euskal Herria, Ekialdea eta Mendebaldea lotu nahi dituen jaialdi hegokorear baten egoitza
Bakea, identitatea eta gizatasuna sustatu nahi dituen jaialdiaren kontzertu nagusia astelehenean, azaroak 17, izango da, Guggenheim museoan. Hego Koreako musikariak arituko dira, Gorka Hermosa, Garikoitz Mendizabal eta Josu Okiñena musikariekin batera.
Bad Bunny eta Ca7riel eta Paco Amoroso argentinarrak, garaile Latin Grammy sarietan
Bad Bunny izar handia eta gaur egungo bikote argentinar ospetsuena, Ca7riel eta Paco Amoroso, izan dira sari gehien irabazi dituztenak, urrezko bosna gramofono jaso baitituzte. Karol G-k abesti onenaren saria irabazi du "Si antes te hubiera conocido" lanarekin, eta Alejandro Sanzek ezustekoa eman du bi gramofono eskuratuta.
Neomak: "Beldurrek eragiten dizkiguten zalantzei abestu diegu"
Euskal folklorea eta elektronika uztartzen dituen proiektua laukote bilakatuta dator "Lazturak orbain" bigarren diskoa aurkezteko. Alaitzek, Garazik, Iratik eta Leirek, nolanahi den, Etxahun Urkizu (bateria) eta Eider Villalba (teklatua eta ahotsak) musikarien laguntza izango dute zuzenekoetan. "Orbainak ezkutatu beharrean, erakutsi nahi izan ditugu", esan diote Asier Otegui kazetariari "Egun On" saioan, "eraldaketa agerian utzi; indargune direla azpimarratuz, ahultasun gisa hartu beharrean, hausturak eta konponketak historiaren parte baitira".
"Kanthoria eta Auto-tunea", euskarazko musikaren historia entzungai eta ikusgai, Bilbon
Azaroaren 6tik abenduaren 4ra, Bilboko Abando Udaltegiak "Kanthoria eta Auto-tunea" Musika Bulegoak paratutako erakusketa hartuko du. Xabier Erkizia ikertzaile eta soinu-sortzaileak komisariatu du erakusketa, eta bidaia bat proposatzen du ahozko tradizioan jasotako lehen kantuetatik hasi eta musika sortzeko forma hibrido eta digital berrietara arte. Erakusketak material dokumentalak, irudiak eta entzuteko gailuak konbinatzen ditu. Musika; Bereterretxeren khantoria (Kalakan + Euskadiko Orkestra), Bertso Hop (Negu Gorriak), Tesla bat sutan (Merina Gris + Gorka Urbizu).
Bigsound jaialdi berriak Myke Towers, Juan Magan, Omar Montes eta Ben Yart eramango ditu Barakaldora
Valentzia, Sevilla eta Pontevedran ere egiten den jaialdia Ansioko azoka eremuan, Barakaldon, egingo dute 2026ko uztailaren 3an eta 4an, Euskal Herrian lehenengoz.
Iñigo Etxezarreta: "Disko berri batekin eta aurkezpen ekitaldi berezi batekin gatoz bueltan"
Urtebeteko "atseden kreatibo" baten ondoren, Iñigo Etxezarretak (ETS) taldearen itzuleraz hitz egin digu, disko berriaz (Konkista, abenduaren 5ean salgai) eta lan horren aurkezpen jai bereziaz: azaroaren 30ean izango da, Gasteizko Buesa Arena pabiloian.
Euskadiko Orkestra, 132 abeslari ez-profesionalen bila
Abestu Euskadiko Orkestrarekin ekimenaren bigarren edizioan izena emateko epea abenduaren 4ra arte egongo da zabalik. Kontzertuak martxoan izango dira, Bilbo, Donostia eta Iruñean, eta izena ematen dutenek “gutxieneko musika prestakuntza izan eta partiturak irakurtzen jakin beharko dute”.
Bulego eszenatokietara itzuliko da 2027ko martxoaren 6an, Bilbao Arenan
Euskaldunan hiru kontzerturekin bira amaitu ostean, atseden hartuko du 2027ra arte. Sarrerak azaroaren 13an (komunitateko kideentzat) eta 14an (gainerakoentzat) jarriko dira salgai.