Zuzeneko musikak Olatu Talka hartuko du
Kantuz aurkeztu dute aurtengo Olatu Talkaren programazioa. Izan ere, jaialdiaren bosgarren edizioak zuzeneko musikari egingo dio kasu beste hainbat kultur espresioren artean.
Gastronomia, teknologia berriak... Aurten Donostian 250 jarduera baino gehiago egingo dituzte.
Programazioa dagoeneko prest dago maiatzaren 23tik 25ra eta ekainaren 1ean izango den jaialdirako.
Olatu Talkak maiatzeko laugarren asteburuan eskainiko dituen jarduera guztiak, gaikako sei arlo nagusitan banaturik datoz: Zuzeneko Musika, gastronomía, Teknologia Berriak, Hirigintza, mugikortasuna, eta profesional eta amateurren arteko gurutzamenduak dira atal horiek.
Olatu Talka jaialdiaren programazioaren lehen aurrerapen bat da. Antolatzaileek aurreratu dutenez, ia itxita dago eta gutxi batzuetan izena eman beharra dago, "Kale Sound System" delakoa kasu (musika ekipo bat sortuko dute, txirrindularen gainean jartzeko) edota "Urumea, sagardoaren ibaia", "Ala" izeneko itsasontzi bat egingo dutelarik.
Sei gai izango dira eta horietako bakoitzean "kartelburu" bat izango da. Zuzeneko musikari dagokionean, "Talkalive" delakoa izango da, estilo guztietako musika-taldeak izango baitira hiriko txoko ezberdinetan.
Gastronomia eta aniztasunari dagokion sailean, "Sukaldanitzak" delakoan, beste herrialde batzuetako errezetak sukaldatzen ikasiko dute partehartzaileek, "StrEat" delakoarekin batera (hirian zehar, jakiak saltzeko postuak daude).
Zure interesekoa izan daiteke
Agur, Gatibu!
Gernikar taldeak bere ibilbideko azken kontzertuak egingo ditu asteburuan, BEC!en, EITBko kamerak bertan daudela. Joan den asteburuan, BECen bertan eginiko lehen kontzertuan eta Durangoko Azokan publikoarekin buruz buru, abiatutako agurra burutuko du ostiral-larunbatetan.
Pello Reparazek, Maixux Zugarramurdik eta Erramun Martikorenak jarri diote ahotsa Korrikari
Xiberutikan mendebaldera kantak lagunduko dio euskararen aldeko lasterketaren 24. edizioari. Ane Elordik azaldu duenez, “AEKide guztion artean" erabaki dute "nori egin kantuaren enkargua”.
Tom Morello eta Chris Isaak, BBK Legends Bilbao jaialdian
Rage Aganst the Machine eta Audioslaveko gitarristak larunbatean joko du Bilbao Arenan, eta Wicked gameren sortzailea bezperan, ekainaren 26an, itzuliko da Bilboko jaialdira.
Robe Iniesta, Euskal Herrian itzala utzi duen “Extremadurako erregea”
Gaur zendu den musikari eta poeta, Extremoduroko burua, Bizkaian bizi izan zen hainbat urtez, eta lotura estua izan zuen zenbait euskal musikarirekin, hala nola Iñaki "Uoho" Antón, Jose Ignacio Cantera eta Miguel Colino Extremoduroko taldekideekin, Fito Cabralesekin eta Gatibu taldearekin.
Robe Iniesta, Extremoduroko liderra, hil da, 63 urterekin
Extremadurako musikaria 63 urte zituela hil da. Bere komunikazio agentziak albistearen berri komunikatu bidez eman du, heriotzaren zergatia zehaztu gabe.
K-poparen sukarraldia Euskal Herrian da: "Hau izozmendiaren tontorra baino ez da, eta oraindik asko dago etortzeko"
KPop Demon Hunters filmak eta bertako "Golden" kanta arrakastatsuak Korea lerroburuetara eraman dute beste behin. Musika, estetika, marketina... K-popa bizimodu bat da askorentzat. Euskal Herrian musika estilo horrek duen zabalkundeaz mintzatu gara Ibon Fernandez Gazteako esatariarekin, Laura Satire k-pop abeslariarekin eta Ruben Arbide k-pop dantza lehiaketetako aurkezlearekin.
Gatibuk sorpresaz beteriko emanaldi batekin ekin dio agur kontzertu sortari
Gernikako taldeak abenduaren 13an utziko ditu eszenatokiak, BECen eskainiko duen hirugarren kontzertuarekin, abenduaren 6koaren eta 12koaren ostean. ETB1ek zuzen-zuzenean emango du azken emanaldi hori.
Ruper Ordorika: “Kantuen bitartez antolatzen dut neure anabasa”
Oñatiar musikari erraldoiak, herri honen bizitza emozionalaren kronikari nekaezinak, Lurra ikutu barik diskoa (Elkar, 2025) argitaratu du, sasoi zail batean “hautatu gabe, gainetik, etorri zaizkidan gai batzuk” musikatzeko ariketa zirraragarria. Lan hori ontzeko ahaleginaz, sortzeaz, musikariekiko harremanaz, ikaran ari den mundu batean kokatzeko moduaz eta musikaren industriaz hitz egin dugu Ordorikarekin, Durangoko Azokaren atarian.
Gatibuk adin guztietako zaleak bildu ditu oholtzatik jaitsi aurretik
Gernikako talde ospetsuak amaiera borobila emango dio 25 urteko ibilbideari, asteburu honetan eta hurrengoan, BECen, 45.000 pertsona bilduta. “Agur esan barik” kontzertua eskainiko du ETB1ek abenduaren 13an, zuzenean, 21:00etatik aurrera.
2026an ez da Koba Live jaialdia egingo, erakundeek dirulaguntzak murriztu dituztelako
Ohar batean, Sugaar musika elkarte antolatzaileak azaldu du Bizkaiko Aldundiak eta Abadiñoko Udalak dirulaguntzak murrizteak ekarri duela erabakia. Hala ere, antolatzaileek adierazi dute etenaldia ez dela behin betikoa, ez dute baztertzen etorkizunean metal eta rock jaialdia berreskuratzea.