Sam Smith, Grammy Sarietako erregea
Sam Smith britainiarrak sentsibilitatea eraman du bart Grammy Sarietako 57. ediziora. Guztira, lau sari eskuratu ditu, tartean abesti onenari eta grabazio onenari dagozkionak. Hala ere, Beck-ek irabazi du urteko disko onenari saria.
“Nire bikotekide ohiari eskerrak eman nahi dizkiot. Eskerrik asko iaz bihotza apurtu izanagatik; horri esker lau Grammy irabazi ditut”, adierazi zuen Sam Smithek atzoko ekitaldian.
Sarietako erregea izan da Sam Smith, eskuratutako lau sariei esker: urteko abestirik onena, grabazio onena (biak ‘Stay With Me’ abestiagatik), ahosdun pop disko onena eta artista berri onena.
Beyonce eta Pharrel Williams ere garaile atera ziren atzoko sari-banaketatik: hiruna sari eraman zituzten etxera.
Hala ere, Beck abeslariak ustekabean irabazi zuen urteko disko onenari saria. ‘Morning Phase’ bere azken lanarekin rock disko onenari saria ere eskuratu zuen.
Hiru ordu eta erdiko gala izan zen atzokoa eta guztira 23 antzezpen eta 26 abesti eskaini zituzten lehen lerroko hainbat artistek.
Saioa indartsu hasi zen, AC/DC taldearen aurreneko agerraldiari esker. ‘Rock or Burst’ eta ‘Highway to Hell’ abestiekin zoramena eraman zuten Grammy sarietara.
Jarraian Ariana Grande agertu zen oholtza gainean ("Just a Little Bit of Your Heart") eta ondoren Tom Jones eta Jessie J ("You've Lost That Lovin' Feelin'"), Miranda Lambert ("Little Red Wagon"), Kanye West ("Only One"), Madonna ("Living for Love"), Ed Sheeran ("Thinking Out Loud"), Jeff Lynne's ELO ("Evil Woman" eta "Mr. Blue Sky") eta Adam Levine Gwen Stefanirekin ("My Heart is Open") aritu ziren.
Ondoren, Hozier eta Annie Lennoxen txanda izan zen ("Take Me to Church" eta "I Put a Spell on You") eta jarraian Pharrell Williams ("Happy"), Katy Perry ("By the Grace of God"), Tony Bennett eta Lady Gaga ("Cheek to Cheek"), Usher ("If it's Magic"), Eric Church ("Give Me Back My Hometown"), Brandy Clark eta Dwight Yoakam ("Hold My Hand") eta Rihanna, Kanye West eta Paul McCartney ("FourFiveSeconds") agertu ziren.
Saioa amaitzeko, Sam Smith eta Mary J. Blige ("Stay With Me"), Juanes ("Juntos"), Sia ("Chandelier"), Beck eta Chris Martin ("Heart is a Drum"), Beyoncé ("Precious Lord, Take My Hand") eta John Legend ("Glory") igo ziren eszenatokira.
LL Cool J rap abeslariak gidatu zuen saioa eta Madonnarena izan zen agerraldirik ikusgarriena. Princek kulturaren aldeko hitzaldia bota zuen, eta Barack Obama AEBko presidentea ere mintzatu zen, bideo baten bitartez.
Zure interesekoa izan daiteke
2026an ez da Koba Live jaialdia egingo Abadiñon, erakundeek diru-laguntzak murriztu ondoren
Ohar batean, Sugaar musika elkarte antolatzaileak azaldu du Bizkaiko Aldundiak eta Abadiñoko Udalak diru-laguntzak murriztu izana dagoela erabakiaren atzean. Etena behin betikoa dela ere argitu du elkarteak, eta ez du baztertzen etorkizunean metal eta rock jaialdia berreskuratzea.
Zea Mays, euskara 30 urtez kantuz zabalduz
Bilboko Udalak, euskararen nazioarteko egunaren ospakizunaren barruan, Zea Mays taldea omendu du euskarari egindako ekarpen handiagatik. Esker onez eta hunkituta jaso dute, eta azpimarratu dute 30 urte gehiagoz euskaraz abesten ibiliko direla, munduan zehar.
ETS taldeak disko berriaren aurrerapen festa egin du, 8.000 lagunen aurrean
En Tol Sarmiento musika taldeak "Konkista" deituriko disko berria aurkeztuko du ostiralean, Durangoko Azokan. Hala ere, igande honetan entzunaldi festa egin du 8.000 lagunen aurrean, eta abesti berriak zuzenean jo ere egin dituzte.
Delirium Tremens taldearen azken kontzertua
Rock munduko euskal talde mitikoak azken kontzertua eman du bart Bilbon, Zarama, Zea Mays, Jotakie eta Baldin Bada taldeetako kideekin batera. Argitaratutako lau diskoetako abestiak ekarri dituzte gogora bertan.
BOSek umeentzako bi kontzertu egingo ditu Basurtuko Ospitalean
Bilbao Orkestra Sinfonikoko interpreteak Bilboko ospitale horretako Neonatologia Unitatean eta Pediatria Zerbitzuan arituko dira.
Hertzainak taldeko hiru kidek Elkar auzitara eraman dute, diskoetxeak taldearen eskubide digitalak urratu dituelakoan
EITBk jakin duenez, musika taldeko hiru kidek (Josu Zabala, Luis Javier Saiz 'Txanpi' eta Enrique Saenz 'Kike') diskoetxeari leporatzen diote taldearen eskubide digitalak kontraturik gabe kudeatu izana. Garik ez du bat egin salaketarekin.
Jimmy Cliff reggaearen mitoa zendu da
James Chambers izenez jaioa, jamaikar musikaria "Sittin' in Limbo", "King of kings", "Vietnam", "You Can Get It If You Really Want" eta "Many Rivers to Cross" kantuengatik zen ezaguna, besteak beste. The harder they come filmeko protagonista ere izan zen Cliff. Irudietan, Donostiako 2015eko Jazzaldian egin zuen kontzertua. 81 urte zituela zendu da.
Sara Zozayak 'Elurra' aurkeztu du, aurrera jarraitzeko kemena nabarmentzen duen bideoklipa
Donostiar artista honen aitak 1992an Gasherbrumera (Himalaia mendilerroa, Pakistan) abiatu zuen "Lau Haizeta" espedizioan oinarritutako lana da. Bidaia hartako irudiekin, paralelismo ederra egiten du alpinismoaren gogortasunaren eta Zozayaren bizipenen artean, beldurra gainditzeko ausardia islatuz.
Fito & Fitipaldis taldeak 'Aullidos Tour' bira abiatu du Santanderren aretoa beteta
Fito Cabrales bilbotarra buru duen taldeak Estatuko 28 hiritan joko du bira horren baitan, azken kontzertua eman zuenetik bi urte eta erdi igaro ondoren.
“Euskararen soinu bandak” jantziko du Euskalgintzaren Kontseiluko abenduaren 27ko ekitaldia
Abenduaren 27an “Bilbao Arena milaka euskaltzaleren indarrarekin betetzeko ekitaldi aldarrikatzailean” parte hartuko dute Gorka Urbizuk, Anarik, Gontzal Mendibilek, Amets Arangurenek, Joseba Tapiak, Maia Iribarnek, Benizzek, Miren Narbaizak eta Flako Fonkik.