Kulturako BEZa jaistearen aldeko 225.000 sinadura aurkeztu dituzte
"On Pause". Halaxe egongo da 2015eko maiatzaren 20 honetan musika; zuzeneko emanaldirik eta musika sarean eskaini gabe. Musikaren industriak oihu isila egin nahi du gaurkoan, Espainiako Estatuan 2012ko irailetik indarrean dagoen kultur ekitaldien gaineko BEZ zergaren kontra protesta egiteko. % 21ekoa da, Europar Batasuneko altuena, eta sektorea "biziraupen egoerara" behartzen du.
Estatuan deitu dute, eta Amaia Ispizua Musika Industriaren Elkarteko presidenteordeak Euskadi Irratian esan duenez, Hego Euskal Herriko kontzertu areto gehienak itxita egongo dira gaur, eta ez da ia kontzerturik egongo, musikari gehienek emanaldiak atzeratu baitituzte.
Change.org sareko plataforman kulturaren gaineko BEZa % 21etik % 4ra jaisteko eskaera sinatu dute 225.000 herritarrek, eta sinadurok diputatuen Kongresuan erregistratu dituzte gaur goizean Musikarik gabeko Eguna ekimenaren sustatzaileek.
"Europako beste herrialdeek duten BEZaren baliokide den batekin lan egin eta kontzertuak eskaini nahi ditugu, jendeak goza dezan", esan du Neo Sala Musika Sustatzaileen Elkarteko presidenteordeak Kongresuaren kanpoaldean eskainitako adierazpenetan.
IUk, EAJk eta CIUk gonbidatuta izan dira Kongresuan elkarteko kideak, baina oposizioko alderdi guztien babesa izan dute. PPrekin, ordea, ez dute inolako harremanik izan. Sinadurak erregistratu eta gero, elkarretaratzea egin dute elkarteko kideek Madrilgo Canovas del Castillo plazan.
Change.org plataformaren esanetan, astebetean 50.000 sinadura bildu ditu ekimenak. Sustatzaileek argitu dutenez, kanpaina zabalik izango dute denbora batez.
Serratek, Sabinak edo Bosek babestu dute ekimena
Espainiar Estatuko abeslari eta musikari ugarik babestu dute ekimena: Vetusta Morla, Pablo Alboran, Alejandro Sanz, Joan Manuel Serrat, Joaquin Sabina, Miguel Bose, Manolo Garcia, Sergio Dalma, Estopa, Kiko Veneno...
Euskal jatorriko abeslaririk ere badago zerrenda horretan. Horietako batzuek ahoa tapatuta egin dute argazkia, BEZak bere horretan jarraituz gero musikaren sektorea zein egoeratan dagoen salatzeko:
Espainiako Gobernuak berak emandako datuen arabera, kulturaren sektorean 40.000-50.000 lanpostu galdu dira 2012ko irailetik (zerga hori % 8tik % 21era igo zutenetik, alegia).
Musika Sustatzaileen Elkarteak salatu duenez, kontzertuetara joaten diren lagunen kopurua % 30 murriztu da garestitze horren ondorioz.
Zure interesekoa izan daiteke
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.
ABAOk “Werther” Jules Masseneten opera taularatuko du urtea hasteko
Celso Albelo, Annalisa Stroppa, Lucía Iglesias eta Angel Odena izango dira frantziar erromantizismoaren lan gailenaren lau emanaldiotako (urtarrilak 17, 20, 23 eta 26, Euskaldunan) protagonistak.
Euskadiko Orkestrak Strauss, Brahms eta Arriaga interpretatuko ditu denboraldiko bosgarren programan
Rachel Willis-Sorensen sopranoa eta Jaime Martin flauta-jotzaile eta zuzendaria izango ditu lagun euskal orkestrak urtarrilaren 12tik 16ra Donostian, Gasteizen, Iruñean eta Bilbon egingo dituen emanaldietan.
Hamar urte David Bowie gabe
“Kameleoia” duela hamar urte zendu zen, ondare gaitz eta pizgarria utzita.
Neomak taldea, Arriagan zuzenean
"Lazturak orbain" diskoko aurkezpen bira Bilboko antzokira eraman du taldeak bart. Kantu berriez gain, bestelako abestiak ere utzi zituen gaualdiak, hala nola "Kontu zaharrak".
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Etzakit 23 urte geroago itzuliko da agertokietara, urtarrilean hiru kontzertu berezirekin
Bi hamarkada baino gehiagoko isilunearen ostean, agertokietara itzuliko da talde hernaniarra. Triki pop talde mitikoak hiru kontzertu eskainiko ditu urtarrilaren 2an, 3an eta 5ean, hasi eta agurtu zen lekuan bere historiari berriro helduz, Oialumen, belaunaldi oso batentzat nostalgiaz eta emozioz beteriko hitzorduan.
Kontzertu magikoa eskaini du bart Mikel Urdangarinek, ohi bezala, Gabonetan
20 urtetik gora daramatza Mikel Urdangarinek urteko azken asteburuan emanaldi berezia eskaintzen. Sarrera guztiak agortuta, Euskal Herriko txoko askotatik erakarri du publikoa. Aurpegi berriak eta aspaldikoak bildu ditu Bilboko Kafe Antzokian.