SGAEk Ohorezko Domina emango dio Pedro Iturralde nafarrari
SGAE Fundazioak Ohorezko Domina emango dio Pedro Iturralde nafar musikariari, eta, lau egunez, haren ibilbidea aintzat hartzeko jardunaldiak egingo dituzte Madrilen, horren kariaz. Kontzertuak, film emanaldiak eta musikariaren argazkien erakusketa bat antolatu dituzte.
Jazzaren erreferente izan den musikari honen omenezko topaketa Madrilen egingo dute, Berlanga aretoan, Fundazioak azaldu duenez, Iturralderen lana publikoari helarazteko eta musikari gisa duen balioaren berri emateko.
José Luis Acosta SGAEko presidenteak emango dio Ohorezko Domina Iturralderi (Faltzes, 1929), hilaren 25ean, eta, jarraian, omendua buru duen laukoteak kontzertua eskainiko du.
Pedro Iturraldek (saxoa eta klarinetea), Mariano Diazek (pianoa), Richie Ferrerrek (kontrabaxua) eta Daniel Garciak (batería) “EntreAmigos” azken lana hartuko dute ardatz errepertorioa aukeratzeko.
Hurrengo egunean, ostiralean, Barcelona Clarinet Playersek joko du, Manuel Martínez, Xavier Vilaplana eta Martí Guasteviren taldeak, eta larunbatean Pedro Iturralderen omenezko kontzertua eskainiko dute Mirón Rafajlovic, Jorge Pardo, Bob Sands, Luis Verde eta Norman Hogue musikariek, besteak beste.
Jardunaldiok bukatzeko, igandean "Nuevas amistades" (1963), "Mayores con reparos" (1966) eta "El viaje a ninguna parte" (1986) filmak proiektatuko dituzte.
Zure interesekoa izan daiteke
Pat Metheny, Diana Krall eta Marcus Miller, Donostiako Jazzaldian
Donostiako musika jaialdiaren 61. edizioa uztailaren 22tik 26ra egingo dute. Haien jaiotzaren mendeurrenean, Miles Davisi eta John Coltrane lau kontzertutan omenduko dituzte.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
"Pozik, euforian" ekin diote Gatibuko kideek euren azken kontzertuari
25 urteko ibilbidearen ostean, abenduaren 13 honetan emango du Gatibuk azken kontzertua milaka lagunen aurrean, BECen. Kontzertua hasi aurretik, ETBrekin egon dira taldekideak eta garbi dute ez dagoela atzera bueltatik. Gaurko kontzertua agurra da, eta hemendik hilabetera pena, agian, etorriko den arren, une honetan "pozik, euforian" daudela esan dute.
Pablo Sarasaterenak izan ziren 55 objektu aurkitu dituzte
Pablo Sarasate musikari ospetsu eta hiriko seme kutunak hiriari emandako ondarea osatuko du Iruñeak, 1985ean lekualdaketa batean galdu ziren lau kutxatan gordeta zeuden 55 pieza berreskuratuta. Kaxa horietan, besteak beste, musikariak gordetzen zituen koadro eta eskulturak, argazkiak, arropak eta Felix Mendelssohn konpositore alemaniarraren eskuizkribu bat daude.
Agur, Gatibu!
Gernikar taldeak bere ibilbideko azken kontzertuak egingo ditu asteburuan, BEC!en, EITBko kamerak bertan daudela. Joan den asteburuan, BECen bertan eginiko lehen kontzertuan eta Durangoko Azokan publikoarekin buruz buru, abiatutako agurra burutuko du ostiral-larunbatetan.
Pello Reparazek, Maixux Zugarramurdik eta Erramun Martikorenak jarri diote ahotsa Korrikari
Xiberutikan mendebaldera kantak lagunduko dio euskararen aldeko lasterketaren 24. edizioari. Ane Elordik azaldu duenez, “AEKide guztion artean" erabaki dute "nori egin kantuaren enkargua”.
Tom Morello eta Chris Isaak, BBK Legends Bilbao jaialdian
Rage Aganst the Machine eta Audioslaveko gitarristak larunbatean joko du Bilbao Arenan, eta Wicked gameren sortzailea bezperan, ekainaren 26an, itzuliko da Bilboko jaialdira.
Robe Iniesta, Euskal Herrian itzala utzi duen “Extremadurako erregea”
Gaur zendu den musikari eta poeta, Extremoduroko burua, Bizkaian bizi izan zen hainbat urtez, eta lotura estua izan zuen zenbait euskal musikarirekin, hala nola Iñaki "Uoho" Antón, Jose Ignacio Cantera eta Miguel Colino Extremoduroko taldekideekin, Fito Cabralesekin eta Gatibu taldearekin.
Robe Iniesta, Extremoduroko liderra, hil da, 63 urterekin
Extremadurako musikaria 63 urte zituela hil da. Bere komunikazio agentziak albistearen berri komunikatu bidez eman du, heriotzaren zergatia zehaztu gabe.
K-poparen sukarraldia Euskal Herrian da: "Hau izozmendiaren tontorra baino ez da, eta oraindik asko dago etortzeko"
KPop Demon Hunters filmak eta bertako "Golden" kanta arrakastatsuak Korea lerroburuetara eraman dute beste behin. Musika, estetika, marketina... K-popa bizimodu bat da askorentzat. Euskal Herrian musika estilo horrek duen zabalkundeaz mintzatu gara Ibon Fernandez Gazteako esatariarekin, Laura Satire k-pop abeslariarekin eta Ruben Arbide k-pop dantza lehiaketetako aurkezlearekin.