Donostiako Orfeoiak Royal Albert Hallen kantatuko du
Donostiako Orfeoiak 120 urte bete ditu aurten, eta, bere ibilbidean nazioarteko hamaika agertokitan aritu bada ere, oraindik ez du sekula kontzerturik eskaini Royal Albert Hall Londreseko antzoki historikoan. Uztailaren 21ean ezarriko du bere ibilbidean mugarri hori abesbatzak, eta BBCren Orkestra Filmarmonikoa eta Juanjo Mena zuzendaria izango ditu lagun egun handi horretan.
Donostiako taldeak aurreko denboraldiak utzitakoaren berri eman du gaur kazetarien aurrean, eta 2017rako agendan dutenaren berri eman du; besteak beste, Bilboko Guggenheim museoan arituko dira.
Jose Maria Echarri Orfeoiaren presidenteak eta Jose Antonio Sainz Alfaro zuzendariak azaldu dutenez, 2016a oso urte bizia izan da: 40 kontzertu baino gehiago eman dituzte, eta Lucernako Jaialditik pasatu izana azpimarratu dute une gogoangarrienetako bat bezala.
Alfaroren hitzetan, publikoa “harrituta” geldituko da Londreseko emanaldira joango diren 120 abeslarien lanarekin. “Fidelio” Beethovenen lana interpretatuko dute, kontzertu bertsioan, eta abuztuaren 4an Donostian errepikatuko dute, 78. Musika Hamabostaldiaren barruan, Kursaalen.
Donostiar koruak Euskal Herriko hainbat herri bisitatuko ditu aurten, eta urriaren 18an Guggenheim Bilboko museoan egongo da, erakusketa zentroaren 20. urteurrena ospatze aldera antolatu duten jarduera multzoan.
Gainera, Orfeoiko emakumeek xingola arrosa bat erakutsiko duen jantzi beltza estreinatuko dute 2017an, Hubert de Givenchy moda-sortzaileak duela lau urte diseinatutakoa. Balenciagak 1964an egindakoarekin batera erabiliko dute jantzi hori, zeinaren patroigintzaz Lorenzo Capirle arduratu baita.
Albiste gehiago musika
Donostiako Jazzaldiari begira, San Telmo Museoan
1966tik, Donostiako Jazzaldiaren lehen ediziotik, 2024ra bitartean jaialdiko kontzertuetan egindako 200 argazki erakusten ditu Laborategia aretoan ikusgai dagoen bildumak. Lolo Vasco Jazzaldiko egungo argazkilariak komisariatu du. (Musika: Marco Mezquida, "Tornado").
2025eko Bilbao BBK Live jaialdia: lehen aldiz, bisitarien batez besteko adina jaitsi da
115 000 pertsona baino gehiago bildu ditu hiru egunetan aurtengo edizioak, eta horietako askorentzat lehen aldia zen. 2026ko Bilbao BBK Live jaialdia uztailaren 9, 10 eta 11n ospatuko da.
Jazza Parkean, 12 orduz etenik gabeko emanaldiak Gasteizko Prado parkean
Gasteizen, datorren astean hasiko dena Jazzaldia da. Horren atariko, musika herritarrei hurbiltzeko ekimena antolatu du EITBk, Prado parkean.
Bilbon barrena kontzertuak entzunez ari dira motorrak berotzen melomanoak
BBK LIVE jaialdia azken egunetara iristen ari da. Hala ere, larunbatean kontzertuak eskaini dituzte Bilbon barrena, melomanoek motorrak berotu ditzaten.
Bad Gyalen reggaetoi doinuek Bilbao BBK Live jaialdia bete dute
Ekaitzaren ondorioz, Kataluniako abeslaria 20 minutuko atzerapenarekin azaldu da oholtza gainean, baina dena dela, kontzerturik jendetsuenetako bat izan da.
Kneecap taldearen kontzertua, Palestinaren aldeko aldarri bihurtuta
Palestinari elkartasuna adierazteko emanaldi sendoa eskaini du Ipar Irlandako hirukoteak Bilbao BBK Live jaialdiko agertokian.
Euri jasak, haize eta trumoiekin batera, BBK Liveko gaueko programazioa lausotu du, Amaia eta Rayeren emanaldiak zapuztuz
Jaialdiaren azken egunean, Kylie Minogue australiarra izango da oholtza gainean, baita Carolina Durante, Nathy Peluso eta Damiano David ere.
Kylie Minogue, Nathy Peluso, Damiano David eta Fat Dog, Kobetamendiko festa burutzeko
Bilbao BBK Livek aurtengo edizioko azken gaualdia du gaurkoa. Malko, Amateur, Janus Lester, Viva Belgrado, Sparks eta Carolina Durante ere ageri dira gaurko kartelean.
Ipar Irlandako Kneecap taldeko raperoek Kobetamendiko musikazaleen arreta bereganatu dute
Belfasteko taldea Bilbao BBK Live jaialdiko karteleko izen handietako bat izan da. Irlandera ere erabilita, arazorik gabe aritu dira politikaz eta gizarte arazoez, eta jaia pizten iaioak direla erakutsi dute agertokiaren gainean.
Giro goxo eta paregabea sortu du Michael Kiwanukak Bilbao BBK Live jaialdian
Michael Kiwanuka kantari eta konpositore britainiarra izan zen Bilbao BBK Live 2025 jaialdiko lehen eguneko protagonistetako bat. Soul, folk eta rock doinuak uztartuz, publikoa bereganatu zuen giro aparta eta emozionala sortu zuen artistak.