Led Zeppelinek ez zuen "Stairway to Heaven" plagiatu
AEBko Auzitegi Gorenak atzo, astelehenarekin, iragarri zuenez, ez du onartu Led Zeppelini “Stairway to Heaven” kantuaren hasiera plagiatu izana egozten dion taldearen abokatuek jarritako helegitea, maila txikiagoko auzitegi batek britainiar taldeari arrazoia eman eta plagio salaketa errefusatu eta gero.
AEBko auzitegi nagusiak amaitutzat eman du horrela sei urteko auzia, eta Bederatzigarren Zirkuituko Helegite Auzitegiak martxoan kaleratutako ebazpena berretsi du, rock taldeak 1971ko konposizio mitikoa kopiatu ez zuela adierazita.
Duela hainbat urtetik, Spirit taldeak Led Zeppelini leporatu dio “Taurus” 1968an konposatutako abesti instrumentala kopiatu izana “Stairway to Heaven”en gitarra sarrera ospetsuan.
Spiritek eta Led Zeppelinek hainbat kontzertu eman zituzten elkarrekin 1960ko hamarkada amaieran, eta, Spiriten abokatuen arabera, Jimmy Page Led Zeppelineko gitarristak “Taurus”en lehen akordeak irakasteko eskatu zuen orduan.
2014an iritsi zen auzitara kasua lehenengoz, eta bi urte geroago, 2016an, epaimahai batek britainiar taldeari eman zion arrazoia aho batez.
Epaimahaikideen aburuz, “tonuak jaisten zihoan eskala kromatikoa” baino ez zen bi kantuon arteko antzekotasuna, “musika munduan oso erabilia”, eta, hartara, egile eskubideen ezin zuten babestu.
Salatariek helegitea jarri zuten Bederatzigarren Zirkuituko Helegite Auzitegian, San Frantziskon, eta horrek plagiorik izan ez zela ebatzi du, aldeko bederatzi boto eta kontrako birekin.
Zure interesekoa izan daiteke
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.