Denzel Washington eta Bradley Cooper, estreinaldietako protagonistak
Denzel Washingtonek Bradley Cooperren eta Jennifer Lawrenceren "El lado bueno de las cosas" film erromantiko eroaren gainean hegan egiten du "El vuelo" lanean. Horiek dira asteko estreinaldi batzuk, baina "Movie 43" komedia, Dustin Hoffmanen lehen pelikula eta "Bestias del sur salvaje" ere zinema-aretoetara helduko dira.
Denzel Washington Whip Whitakerren azalean sartzen da "El vuelo" pelikulan. Hegaldian bertan matxuratzen den pilotu ezagun bat da eta hamarka bizitza salbatzen ditu. Robert Zemeckisek zuzentzen du ("Forrest Gump") eta aktore estatubatuarrak Oscar sarietarako hautagai da berriz, "Glory" eta "Training Day"rekin ere hautagai izan ostean. Istripuaren ikerketak aurrera egin ahala, zalantzak agertuko dira.
Bradley Cooper, "Sin Limites" eta "El equipo A" filmetako protagonista "El lado bueno de las cosas" laneko protagonista da. Pat gazteak bere emaztearen maitalea jotzen du eta psikiatrikotik irtetzen da, zuzentzeko esperantzarekin. Orduan Tiffany (Jennifer Lawrence) ezagutzen du, emakume mentalki ezegonkor bat. David O. Russellek ("The Fighter") zuzentzen du eta Oscarretarako zortzi hautagaitza eskuratu ditu, tarteanaktore, pelikula, zuzendari eta gidoi onenaren sariak jasotzeko.
Besteak beste, Emma Stone, Gerard Butler, Hugh Jackman, Chloë Grace Moretz, Naomi Watts, Kate Winslet, Uma Thurman, Halle Berry eta Richard Gere ageri dira "Movie 43" lanean, Peter Farrely ("Amor ciego") eta Charles Wessler ("Algo pasa con Mary") ekoizleen komedian.
Dustin Hoffman kamera atzean jarri da "El cuarteto" lana aurkezteko. Britainia Handiko ekoizpen bat da, eta erretiroa hartu duten musikari eta opera abeslariak ditu protagonista (Maggie Smith, Pauline Collins, Tom Courtenay eta Billy Connolly), eta Zinemaldiko itxiera ekitaldian aurkeztu zuen Hoffmanek.
Beth Zeitlin zuzendari estatubatuarrak Louisianako ibai baten deltan bizi diren aita-seme batzuen istorioa kontatzen du "Bestias del Sur salvaje" lanean. Amaren bila dabiltzala, ekaitz batek horien etxea botako du, eta bizirauteko borrokan jarraitu behar dute.
Fernando Colomok "La banda Picasso" zuzendu du. Besteak beste, Stanley Weber (George Braque), Ignacio Mateos (Pablo Picasso) eta Cristina Toma (Gertrude Stein) aritu dira pelikula honetan, eta "Gioconda" margolana 1911n Louvretik lapurtzeko egin zuten plana kontatu dute bertan.
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.