Ukrainar feminista batzuek protesta egin dute Berlinalen
Femen Ukrainako talde feministak protesta egin du bularrak erakutsita Berlinaleko inaugurazio ekitaldian. Wong Kar Wai zuzendari txinatarraren "The Grandmaster" pelikulak ireki du Berlingo zinemaldia.
Bularraldean ablazioaren aurkako esaldiak zituzten idatzita, eta emakumeek jasaten dituzten beste diskriminazio mota batzuen aurkakoak, eta segurtasun zerbitzuek amaiarazi eta airean eraman dituzte. Berlinaleren inaugurazio ekitaldiaren aurretik izan da ekimen hori, eta lau emakumek egin dute: ohikoa duten bezala, gerritik gora arropa kenduta egin dute protesta.
Berlinen bulego bat irekitzear daude Femen taldekoak, eta jaialdian egin duten protesta Alemaniako hiriburuan egingo dituzten ekintzetako lehena izan da. Gertaera hori gorabehera, Berlinaleko hasiera ekitaldia normaltasun osoz egin dute, eta Jane Fonda, Veronica Ferres eta Tim Robbins (epaimahaikideetako bat) izan dira bertan. Bruce Lee kung-fu artearen maisuari egindako omenaldia da "The Grandmaster", eta Wong Kar Wai epaimahaiko presidente eta zinemagile txinatarrak zuzendu du. Lehiaketatik kanpo da ikusgai Berlinalen.
Asiako zinemako bi izar dira lan horretako protagonistak: Tony Leung (zuzendariak berak egin zuen "In the Mood for love" laneko protagonista) eta Zhang Ziyi ("Tiger & Dragon" eta "The Geisha" pelikuletako protagonistak). Wongen kung-fuaren ostean, Hartza irabazteko lehian dauden 19 lanak izango dira ikusgai; Jafar Panahi zuzendari irandarrarena, Steven Soderbergh estatubatuarrarena eta Gus Van Santena (AEB), besteak beste. Sebastian Lelio gazte txiletarrak ere tokia du sail ofizialean.
Alfonbra gorriari dagokionez, hainbat izar espero dira, tartean Catherine Deneuve, Juliette Binoche eta Isabelle Hupert frantziarrak, eta Matt Damon, Jude Law, Nicolas Cage, Jeremy Irons, Shia LaBeouf aktore-abeslaria eta Ethan Hawke, Julie Delpy emaztearekin batera. Isabella Rossellini ere izango da (Urrezko Kamera jasoko du), eta Anika Ekberg Talentuen Campusean irakasle lanetan arituko da. Sharon Stonek, bere aldetik, "Cineme for Peace" ekitaldian parte hartuko du.
Zure interesekoa izan daiteke
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.