Jude Law, Ricardo Darín eta Kirsten Dunst, zinema-aretoetan
Bi thriller, bata, "Efectos secundarios", Hollywoodeko izarrez betea, eta bestea, "Tesis sobre un homicidio", Ricardo Darin eta Alberto Ammann protagonista dituena: horiek dira aste honetako zinema-estreinaldiak, "Posesion infernal" biolentzia dosi handiak dituen beldurrezko filmarekin batera.
Jude Law, Rooney Mara, Catherine Zeta-Jones eta Channing Tatum dira Steven Soderberghen azken pelikularen protagonistak: "Efectos secundarios". Depresioen gai korapilatsuari buruzko thriller psikologikoa da.
Ricardo Darín eta Alberto Ammann dira "Tesis sobre un homicidio" thrillerreko protagonistak, elkarren aurkariak istorioan. Hernán Goldfrid zinemagilearen bigarren pelikula da, eta Espainiako zinema-aretoetara heldu den lehena. Calu Rivero aktorea du istorioaren protagonista eta, dirudienez, xehetasunetan dago filmaren garrantzia.
Aurrekontu handiko pelikulak egiten hasi aurretik ("Spider-man" pelikulen saga, adibidez), aurrekontu txikiko beldurrezko filmak egiteagatik egin zen ezagun Sam Raimi. Horietako bat "The Evil Dead" izan zen. Orain, Fede Alvarez Uruguaiko zuzendariak (Youtuben eskegitako film labur baten ondorioz ezagun egin da) lan hori berrikusi du, aurreko zuzendariaren onespenarekin. Horrela ikusi du argia "Posesión Infernal: Evil Dead" lanak, aurreko istorioari buelta eman dion pelikula.
Klase, lege eta grabitate ezberdintasunak: horiek dira "Un amor entre dos mundos" pelikulako protagonistek saihestu behar dituzten hesiak. Dosi erromantiko handiak eta zientzia-fikziozko ukituak dituen pelikula da, eta Kirsten Dunst eta Jim Sturgess dira protagonistak. Aktore horiek parte hartu duten arren, zinema independenteko lana da; hortaz, Juan Diego Solanas zuzendari argentinarrak malabarismoak egin behar izan ditu aurrekontuarekin.
Christian Petzold zuzendari alemaniarrak "Barbara" aurkeztuko du: Ekialdeko Alemanian kokatu du drama hau, eta ideologia eta baloreak amodioarekin eta sentimenduekin aurrez aurre jartzen ditu. Zilarrezko Hartza jaso zuen azken Berlinalen, eta Oscar sarietan parte hartzeko Alemaniako ordezkaria izan zen. Nina Hoss aktorea du protagonista.
Andy Garcia da "For greater glory" ("Cristiada") abenturazko dramako protagonista. XX. mende hasierako Mexikon kokatu du zuzendariak: Plutarco Elías Calles presidentearen aroan, herriak iraultza hasten du, eta gerran amaitzen da matxinada. Eva Longoriak, Peter O'Toolek, Oscar Isaacek eta Rubén Bladesek parte hartu dute.
Zure interesekoa izan daiteke
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.