'Scary Movie' sagaren bosgarren pelikula zinema-aretoetara heldu da
"Scary Movie" komedia estatubatuar ezagunaren bosgarren alea aste honetan heldu da zinema-aretoetara, umorezko beste bi lanekin ("La gran boda" eta "Dos mas dos"), "7 cajas", "Tomboy" eta "Buscando a Nemo" film mitikoaren 3Dtako bertsioarekin.
Lindsay Lohan eta Charlie Sheen Malcolm D. Lee zuzendariaren esanetara jarri dira eta "Scary Movie" saga ezagunaren bosgarren filmeko protagonistak dira. Beldurrezko film ezagunen parodiak egingo dituzte, baina baita "Origen", "Black Swan" eta "Ted" pelikulenak ere. Bikote gazte batek bere inguruan gauza arraroak gertatzen ari direla sumatzen du, Danen anaiaren alabak etxean dituztenetik. Baso batean hiru urtez bakarrik izan dira eta "ama" misteriotsuaren mamu beldurgarria ageri da.
Lourdes eta Mentxu Arrieta ahizpak elbarriak dira jaiotzez, eta orain 35 urte begiraden bidez elkarrekin komunikatzeko modua aurkitu zuten. "Arrieta metodoa" dokumentalak euren bizitza eta borrokarako gaitasunaren berri ematen du. Jorge Gil Munárrizek zuzentzen du 2009an hasi zuten eta Giza Eskubideen Zinemaldian saritu dute "Arrieta metodoa" dokumentala.
Ezkontzekotan dagoen bikote bat eta bananduta dauen gurasoak (baina elkarrekin daudelaren plantak egin behar dituzte) dira "Una gran boda" lanaren lehengaiak. Familiaren arteko nahasmenaren agertoki bihurtuko da ezkontza. Justin Zackhamek idatzi eta zuzendu du eta besteak beste, aktore hauek parte hartu dute: Robert De Niro, Amanda Seyfried, Katherine Heigl, Robin Williams, Susan Sarandon eta Diane Keaton.
Bikote aldaketak egiten dituen bikote bat da "Dos más dos" lanaren protagonista. Beste bi lagun minei aldaketa egitea proposatzen die eta lauren fantasia ilunak agerian gelditzen dira. Iaz estreinatu zuten komedia hori eta Adrián Suar, Carla Peterson, Julieta Díaz eta Juan Minujín dira protagonistak. Diego Kaplanek zuzentzen du.
Akziozko thriller bat da "7 cajas". Merkatuan lan egiten duen gizon bat du protagonista eta zazpi kutxa diru askoren truke garraiatzeko enkargua jasotzen du, horrek duen arriskua eta misioak dituen arazoak jakin gabe. Paraguayko historiako pelikularik arrakastatsuena izan zen 150.000 ikuslerekin. 2013ko Goya sarietara hautagai izan zen Iberoamerikako film onenari sarirako.
10 urteko ume bat da Laure eta auzo berri batera joaten da bizitzera. Mutil bat dela esaten die bertakoei eta bere lagun bat beraz maitemindu da. Frantzian 2011an estreinatu zuten "Tomboy" eta Celine Siciammak idatzi eta zuzendu du. Zoé Herán, Malonn Lévana eta Jeanne Disson ditu protagonistak, besteak beste.
"Buscando a Nemo" 2003ko animaziozko pelikula mitikoak Oscar sari bat eskuratu zuen eta zinema-aretoetara bueltan da, 3Dn. Arrain pailazoaren jarraitzaileek abentura bizitzeko beste modu bat dute.
Zure interesekoa izan daiteke
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.