Leonardo Di Caprio, Canneseko jaialdia zabaltzeko
Cannes zinemaldiaren 66. edizioak ateak ireki ditu. Scott Fitzgeralden klasikoaren bertsio bat da "The Great Gatsby", eta Leonardo DiCaprio eta Carey Mulligan ditu protagonista. Lan horrekin eman diote hasiera jaialdiari.
Baz Luhrmannen lanak musika eta ikuskizuna eraman ditu Cannesera eta bikote protagonistak ikusmira handia sortu du. Croisetteko ibilbidea pelikulako kartelez beteta dago, aktoreak 20ko hamarkadako pertsonaiak bezala ageri direlarik. Lehiaketaz kanpo aurkezten dute eta jaialdiaren edizio honi hasiera eman diote: zinema berri asko izango da, baina baita klasikoen berrikusketak ere, "Vertigo" eta "Plein soleil", adibidez. Kim Novak eta Alain Delon, pelikula horietako protagonistak, Cannesen izango dira jaialdiak zinema klasikoari ematen dion omenaldia jasotzeko.
Halere, omenaldi beroena Jerry Lewis komikoarentzat izango da: 97 urte ditu eta "Max Rose" lan berria aurkeztuko du Cannesen.
Lehiaketara doazen pelikulei dagokionean, ostegunean François Ozonen "Jeune et jolie" eta Amat Escalante mexikarraren "Heli" helduko dira. Sofia Coppola ere bertan izango da, Emma Watsonekin batera, "The bling ring" aurkeztera, "Un Certain Regard" sailean. Gero, Coen anaien, Roman Polanskiren, Alexander Payneren, Asghar Farhadiren eta Nicolas Winding Refnen film berriak helduko dira, lehiaketa barruan.
Izar handiak ere Cannesko zinemaldian izango dira: Marion Cotillard, Ryan Gosling, Matt Damon, Michael Douglas, Benicio del Toro, Justin Timberlake eta Emma Watson, besteak beste. Epaimahaiari dagokionean, sail ofizialean Steven Spielbergek zuzenduko du eta besteak beste Nicole Kidman, Ang Lee, Christoph Waltz eta Cristian Mungiu izango dira.
Zure interesekoa izan daiteke
Omenaldia egin diote Jose Ramon Soroizi Legorretan
Legorretako (Gipuzkoa) zinemak Maspalomas pelikula estreinatu du larunbat honetan, Jose Ramon Soroizi omenaldia egiteko, bere jaioterria baita. Herritarrek aukera izan dute, pelikula ikusteaz gain, aktorea aurrez aurre ikusteko eta entzuteko.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.
Mende laurden, Bidasoan zinema eta historia lotzen
FICAB Bidasoko Nazioarteko Zinemaldi Arkeologikoak 25. edizioa abiatuko du azaroaren 10ean. “Iraganetik ikasten jarraitzea” du helburu topaguneak, “oraina ulertzeko eta etorkizuna eraikitzeko”.
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.