Donostiako Zinemaldirako sarreren salmentak errekorra hautsi zuen
Donostiako Zinemaldirako sarreren salmentak errekorra hautsi zuen atzo. Goizeko 09:00etan ireki zituzten Kursaaleko txarteldegiak eta 55.800 sarrera saldu zituzten. Sarrerak saltzeko sistema kolapsatuta egon zen ordu erdiz.
Hugh Jackmani Donostia saria emateko egingo den ekiltadirako sarrerak agortuta daude dagoeneko baita "Asier eta Biok" edota "La vie d'Adelle" filmetakoak ere. Aurresalmentan agortu ziren "Gravity", "The Zero Theorem" eta "The Face of Love" filmeenak ere.
Oraindik ere Inaugurazio galakoak, Amaierakoak eta Carmen Maurak ("Las Brujas de Zugarramurdi") Donostia saria jasoko duen galakoak eros daitezke.
Sarrera gehienak hainbat ordu zain eman zituzten zinema zaleek erosi zituzten.
Halere, hainbat sesiorako sarrerak Interneten eskuratu daitezke, Zinemaldi Plazako leihatiletan (Kursaal jauregiko beheko solairuan), Kursaal Zentroko leihatiletan (Sail Ofizialeko abonamenduak eta 10 sarreratik beherako erosketak), Victoria Eugenia Antzokian, Antzoki Zaharrean, Príncipe zinema-aretoan (hilaren 20tik aurrera) eta Trueba eta Antiguo Berri zinema-aretoaetan (hilaren 21etik aurrera).
Antonio Elorza Belodromoko sarrerak Anoetako Estadioko 23. leihatilan ere izango dira salgai, saioak hasi baino bi ordu lehenago.
Saio bakoitzeko gehienez 4 sarrera erosi ahalko ditu pertsona bakoitzak. 7,20 euro balio duten saioetarako 10 sarrera baino gehiago erostean %25eko deskontua egingo da salmenta-kanal guztietan eta leihatilatan.
Bestalde, Kutxabanken Gazte Txartela dutenek (Gaztekutxa, Visa K26 eta Vital Gazte) %50eko deskontua izango dute sarrera bakoitzean, K1-eko galatan eta Antonio Elorza Belodromoko saioetan izan ezik. Gainera, 1,00 € bakarrik ordainduko dute euskarazko azpitituluak dituzten filmetan.
Urrezko Txartela, Kutxa-Donostia Kultura eta Gazte Txartela dutenek % 10eko deskontua izango dute 7,20 € balio duten saioetan. Deskontua egiteko Zinemaldiko leihatiletan, Kursaalen eta Victoria Eugenian erosi beharko dituzte sarrerak. Txartel guzti horiek baliagarriak izango dira Internet bidezko erosketetan, Gazte Txartela izan ezik; azken hori leihatiletan baino ezingo da erabili.
Kursaaleko Sail Ofizialerako gutxieneko eserleku kopurua gordeko da arratsaldeko eta gaueko saioetarako, emanaldiaren egun bereko 17:00etatik aurrera Kursaal Zentroko leihatiletan.
Donostia Zinemaldiko antolatzaileek gogoratu dutenez, jaialdiak ez ditu eserlekuak zenbakitzen.
1.000 sarrera, donostiar langabeentzat
Donostiako Udalak Sail Ofizialeko pelikulak ikusi ahal izateko 1.000 sarrera jarriko ditu langabeen eskura. Txartelak datorren astean hartu ahal izango dira, hilaren 17tik 20ra. 09:00etatik 11:00etara banatuko dituzte, udaletxean bertan, Udalinforen bulegoetan.
Duela bi urte abiatu zen ekimen hau, eta harrera ona egin diote herritarrek: iaz, bi egunetan agortu ziren eskuragarri jarri zituzten 800 sarrerak. Aurten, 1.000 banatuko dituzte.
Aurrekoetan bezala, 18 urtetik gorakoa donostiarrentzat da eskaintza, eta horiek langabe txartela erakutsi beharko dute. Etxeko, hiru pelikulatarako bina sarrera hartu ahalko dira; hau da, sei sarrera guztira, lanik ez duen pertsona bakoitzeko.
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.